This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

2.005   திருஞானசம்பந்த சுவாமிகள்   திருக்கடைக்காப்பு திருஅனேகதங்காவதம் (கௌரிகுண்டம்) - இந்தளம் அருள்தரு மனோன்மணியம்மை உடனுறை அருள்மிகு அருள்மன்னர் திருவடிகள் போற்றி

Audio: https://www.youtube.com/watch?v=ty0Coc7wehY  

நீடல் மேவு நிமிர்புன்சடைமேல் ஒர் நிலாமு சூடல் மேவு, மறையின் முறையால் ஒர் சுலாவு அழல் ஆடல் மேவுமவர் மேய அனேகதங்காவதம் பாடல் மேவும் மனத்தார் வினை பற்றுஅறுப்பார்களே!	[ 1]
சூலம் உண்டு, மழு உண்டு, அவர் தொல் படை; சூழ் கடல் ஆலம் உண்ட பெருமான்தன் அனேகதங்காவதம், நீலம் உண்ட தடங்கண் உமை பாகம் நிலாயது ஓர் கோலம் உண்டு; அளவு இல்லை, குலாவிய கொள்கையே!	[ 2]
செம்பின் ஆரும் மதில்மூன்று எரிய, சின வாயது ஓர் அம்பினால் எய்துஅருள் வில்லி, அனேகதங்காவதம் கொம்பின் நேர் இடையாளொடும் கூடிக் கொல் ஏறு உடை நம்பன், நாமம் நவிலாதன நா எனல் ஆகுமே?	[ 3]
தந்தத்திந்தத்தடம் என்ற அருவித்திரள் பாய்ந்து போய்ச் சிந்த வெந்த கதிரோனொடு மாசு அறு திங்கள் ஆர் அந்தம் இல்ல அளவு இல்ல, அனேகதங்காவதம் எந்தை வெந்தபொடி நீறு அணிவார்க்கு இடம் ஆவதே.	[ 4]
பிறையும் மாசு இல் கதிரோன் அறியாமைப் பெயர்ந்து போய் உறையும் கோயில், பசும்பொன் அணியார், அசும்பு ஆர் புனல் அறையும் ஓசை பறை போலும் அனேகதங்காவதம் இறை, எம் ஈசன், எம்மான், இடம் ஆக உகந்ததே.	[ 5]
Go to top
தேனை ஏறு நறுமாமலர் கொண்டு அடி சேர்த்துவீர்! ஆனை ஏறும் அணி சாரல் அனேகதங்காவதம் வானை ஏறும் நெறி சென்று உணரும்தனை வல்லிரேல் ஆன்நெய் ஏறு முடியான் அருள்செய்வதும் வானையே.	[ 6]
வெருவி வேழம் இரிய, கதிர் முத்தொடு வெண்பளிங்கு உருவி வீழ, வயிரம் கொழியா, அகில் உந்தி, வெள் அருவி பாயும் அணி சாரல் அனேகதங்காவதம் மருவி வாழும் பெருமான் கழல் சேர்வது வாய்மையே.	[ 7]
ஈரம் ஏதும் இலன் ஆகி எழுந்த இராவணன் வீரம் ஏதும் இலன் ஆக விளைத்த விலங்கலான், ஆரம் பாம்புஅது அணிவான்தன், அனேகதங்காவதம் வாரம் ஆகி நினைவார் வினைஆயின மாயுமே.	[ 8]
கண்ணன் வண்ண மலரானொடும் கூடியோர்க்கு ஐயம் ஆய் எண்ணும் வண்ணம், அறியாமை எழுந்தது ஓர் ஆர் அழல் அண்ணல் நண்ணும் அணி சாரல் அனேகதங்காவதம் நண்ணும் வண்ணம் உடையார் வினைஆயின நாசமே.	[ 9]
மா பதம் அறியாதவர் சாவகர்சாக்கியர், ஏ பதம் பட நின்று இறுமாந்து உழல்வார்கள்தாம் ஆ பதம் அறிவீர் உளிர் ஆகில், அனேகதங் காபதம் அமர்ந்தான் கழல் சேர்தல் ருமமே.	[ 10]
Go to top
தொல்லைஊழிப் பெயர் தோன்றிய தோணிபுரத்து இறை நல்ல கேள்வித் தமிழ் ஞானசம்பந்தன் நல்லார்கள்முன் அல்லல் தீர உரைசெய்த அனேகதங்காவதம் சொல்ல, நல்ல அடையும்; அடையா, சுடுதுன்பமே.	[ 11]

Thevaaram Link  - Shaivam Link
Other song(s) from this location: திருஅனேகதங்காவதம் (கௌரிகுண்டம்)

2.005   திருஞானசம்பந்த சுவாமிகள்   திருக்கடைக்காப்பு   நீடல் மேவு நிமிர்புன்சடைமேல் ஒர் Tune - இந்தளம்   (திருஅனேகதங்காவதம் (கௌரிகுண்டம்) அருள்மன்னர் மனோன்மணியம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song