This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

2.022   திருஞானசம்பந்த சுவாமிகள்   திருக்கடைக்காப்பு திருக்குடவாயில் - இந்தளம் அருள்தரு பெரியநாயகியம்மை உடனுறை அருள்மிகு கோணேசுவரர் திருவடிகள் போற்றி

Audio: https://www.youtube.com/watch?v=V5P_0KEoTDE  

திகழும் திருமாலொடு நான்முகனும் புகழும் பெருமான்; அடியார் புகல, மகிழும் பெருமான் குடவாயில் மன்னி நிகழும் பெருங்கோயில் நிலாயவனே.	[ 1]
ஓடும் நதியும், மதியோடு, உரகம், சூடும் சடையன்; விடை தொல்கொடிமேல் கூடும் குழகன் குடவாயில்தனில் நீடும் பெருங்கோயில் நிலாயவனே.	[ 2]
கலையான்; மறையான்; கனல் ஏந்து கையான்; மலையாள் அவள் பாகம் மகிழ்ந்த பிரான்; கொலை ஆர் சிலையான் குடவாயில்தனில் நிலை ஆர் பெருங்கோயில் நிலாயவனே.	[ 3]
சுலவும் சடையான்; சுடுகாடு இடமா, நல மென்முலையாள் நகைசெய்ய, நடம் குலவும் குழகன் குடவாயில் தனில் நிலவும் பெருங்கோயில் நிலாயவனே.	[ 4]
என்தன் உளம் மேவி இருந்த பிரான்; கன்றன்; மணி போல் மிடறன்; கயிலைக் குன்றன்; குழகன் குடவாயில்தனில் நின்ற பெருங்கோயில் நிலாயவனே.	[ 5]
Go to top
அலை சேர் புனலன்; அனலன்; அமலன்; தலை சேர் பலியன்; சதுரன்; விதிரும் கொலை சேர் படையன் குடவாயில்தனில் நிலை சேர் பெருங்கோயில் நிலாயவனே.	[ 6]
அறை ஆர் கழலன்; அழலன்; இயலின் பறை யாழ் முழவும் மறை பாட, நடம் குறையா அழகன் குடவாயில்தனில் நிறை ஆர் பெருங்கோயில் நிலாயவனே.	[ 7]
வரை ஆர் திரள்தோள் அரக்கன் மடிய(வ்) வரை ஆர் ஒர்கால்விரல் வைத்த பிரான் வரை ஆர் மதில் சூழ் குடவாயில் மன்னும் வரை ஆர் பெருங்கோயில் மகிழ்ந்தவனே.	[ 8]
பொன் ஒப்பவனும், புயல் ஒப்பவனும், தன் ஒப்பு அறியாத் தழல் ஆய் நிமிர்ந்தான்; கொல் நல் படையான் குடவாயில்தனில் மன்னும் பெருங்கோயில் மகிழ்ந்தவனே.	[ 9]
வெயிலின் நிலையார், விரி போர்வையினார், பயிலும் உரையே பகர் பாவிகள்பால் குயிலன்; குழகன் குடவாயில்தனில் உயரும் பெருங்கோயில் உயர்ந்தவனே.	[ 10]
Go to top
கடுவாய் மலி நீர் குடவாயில்தனில் நெடு மா பெருங்கோயில் நிலாயவனை, தடம் ஆர் புகலித் தமிழ் ஆர் விரகன், வடம் ஆர் தமிழ் வல்லவர் நல்லவரே.	[ 11]

Thevaaram Link  - Shaivam Link
Other song(s) from this location: திருக்குடவாயில்

2.022   திருஞானசம்பந்த சுவாமிகள்   திருக்கடைக்காப்பு   திகழும் திருமாலொடு நான்முகனும் புகழும் பெருமான்; Tune - இந்தளம்   (திருக்குடவாயில் கோணேசுவரர் பெரியநாயகியம்மை)

2.058   திருஞானசம்பந்த சுவாமிகள்   திருக்கடைக்காப்பு   கலை வாழும் அம் கையீர்! Tune - காந்தாரம்   (திருக்குடவாயில் கோணேசுவரர் பெரியநாயகியம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song