This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

2.026   திருஞானசம்பந்த சுவாமிகள்   திருக்கடைக்காப்பு திருநெல்வாயில் - இந்தளம் அருள்தரு ஆனந்தநாயகியம்மை உடனுறை அருள்மிகு அரத்துறைநாதர் திருவடிகள் போற்றி

Audio: https://www.youtube.com/watch?v=b3eX9Htx6rQ  

புடையின் ஆர் புள்ளி கால் பொருந்திய மடையின் ஆர் மணிநீர் நெல்வாயிலார், நடையின் நால்விரல்கோவணம் நயந்த உடையினார், எமது உச்சியாரே.	[ 1]
வாங்கினார் மதில்மேல் கணை, வெள்ளம் தாங்கினார், தலைஆய தன்மையர் நீங்கு நீர நெல்வாயிலார்; தொழ ஓங்கினார், எமது உச்சியாரே.	[ 2]
நிச்சல் ஏத்தும் நெல்வாயிலார், தொழ இச்சையால் உறைவார்; எம் ஈசனார்; கச்சை ஆவது ஓர் பாம்பினார்; கவின் இச்சையார்; எமது உச்சியாரே.	[ 3]
மறையினார், மழுவாளினார், மல்கு பிறையினார், பிறையோடு இலங்கிய நிறையினார் அ நெல்வாயிலார்; தொழும் இறைவனார், எமது உச்சியாரே.	[ 4]
விருத்தன் ஆகி வெண்நீறு பூசிய கருத்தனார், கனல் ஆட்டு உகந்தவர், நிருத்தனார் அ நெல்வாயில் மேவிய ஒருத்தனார், எமது உச்சியாரே.	[ 5]
Go to top
காரின் ஆர் கொன்றைக்கண்ணியார், மல்கு பேரினார், பிறையோடு இலங்கிய நீரினார் அ நெல்வாயிலார்; தொழும் ஏரினார், எமது உச்சியாரே.	[ 6]
ஆதியார், அந்தம் ஆயினார், வினை கோதியார், மதில் கூட்டுஅழித்தவர், நீதியார் அ நெல்வாயிலார்; மறை ஓதியார், எமது உச்சியாரே.	[ 7]
பற்றினான் அரக்கன் கயிலையை ஒற்றினார், ஒருகால்விரல் உற, நெற்றி ஆர நெல்வாயிலார்; தொழும் பெற்றியார், எமது உச்சியாரே.	[ 8]
நாடினார் மணிவண்ணன், நான்முகன், கூடினார் குறுகாத கொள்கையா நீடினார் அ நெல்வாயிலார்; தலை ஓடினார், எமது உச்சியாரே.	[ 9]
குண்டுஅமண், துவர்க்கூறை மூடர், சொல் பண்டம் ஆக வையாத பண்பினர் விண் தயங்கு நெல்வாயிலார்; நஞ்சை உண்ட கண்டர், எம் உச்சியாரே.	[ 10]
Go to top
நெண்பு அயங்கு நெல்வாயில் ஈசனைச் சண்பை ஞானசம்பந்தன் சொல் இவை, பண் பயன்கொளப் பாட வல்லவர், விண் பயன்கொளும் வேட்கையாளரே.	[ 11]

Thevaaram Link  - Shaivam Link
Other song(s) from this location: திருநெல்வாயில்

2.026   திருஞானசம்பந்த சுவாமிகள்   திருக்கடைக்காப்பு   புடையின் ஆர் புள்ளி கால் Tune - இந்தளம்   (திருநெல்வாயில் அரத்துறைநாதர் ஆனந்தநாயகியம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song