This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

2.121   திருஞானசம்பந்த சுவாமிகள்   திருக்கடைக்காப்பு திருப்பாதிரிப்புலியூர் (கடலூர்) - செவ்வழி அருள்தரு தோகையம்பிகையம்மை உடனுறை அருள்மிகு தோன்றாத்துணையீசுவரர் திருவடிகள் போற்றி

Audio: https://www.youtube.com/watch?v=zMRLOLL1RUI  

முன்னம் நின்ற முடக்கால் முயற்கு அருள்செய்து, நீள புன்னை நின்று கமழ் பாதிரிப்புலியூர் உளான் தன்னை நின்று வணங்கும் தனைத் தவம் இ(ல்)லிகள், பின்னை நின்ற பிணி யாக்கையைப் பெறுவார்களே	[ 1]
கொள்ளி நக்க பகுவாய பேய்கள் குழைந்து ஆடவே, முள் இலவம் முது காட்டு உறையும் முதல்வன்(ன்) இடம், புள் இனங்கள் பயிலும் பாதிரிப் புலியூர் தனை உள்ள, நம்மேல் வினை ஆயின ஒழியுங்களே	[ 2]
மருள் இல் நல்லார் வழிபாடு செய்யும் மழுவாளர், மேல் பொருள் இல் நல்லார் பயில் பாதிரிப் புலியூர் உளான், வெருளின் மானின் பிணை நோக்கல் செய்து, வெறி செய்த பின் அருளி ஆகத்திடை வைத்ததுவும்(ம்) அழகு ஆகவே.	[ 3]
போதினாலும் புகையாலும் உய்த்தே அடியார்கள் தாம் போதினாலே வழிபாடு செய்ய, புலியூர்தனுள் ஆதினாலும்(ம்) அவலம்(ம்) இலாத அடிகள் மறை ஓதி, நாளும் இடும் பிச்சை ஏற்று உண்டு, உணப்பாலதே?	[ 4]
ஆகம் நல்லார் அமுது ஆக்க உண்டான்; அழல் ஐந்தலை நாகம், நல்லார் பரவ(ந்), நயந்து அங்கு அரை ஆர்த்தவன் போகம் நல்லார் பயிலும் பாதிரிப்புலியூர்தனுள், பாகம் நல்லாளொடு நின்ற எம் பரமேட்டியே.	[ 5]
Go to top
மதியம் மொய்த்த கதிர் போல் ஒளி(ம்) மணல் கானல்வாய்ப் புதிய முத்தம் திகழ் பாதிரிப்புலியூர் எனும் பதியில் வைக்கப்படும் எந்தை தன் பழந்தொண்டர்கள் குதியும் கொள்வர்; விதியும் செய்வர், குழகு ஆகவே.	[ 6]
கொங்கு அரவப்படு வண்டு அறை குளிர் கானல்வாய்ச் சங்கு அரவப் பறையின்(ன்) ஒலி அவை சார்ந்து எழ, பொங்கு அரவம்(ம்) உயர் பாதிரிப்புலியூர் தனுள் அங்கு அரவம்(ம்) அரையில்(ல்) அசைத்தானை அடைமினே!	[ 7]
வீக்கம் எழும்(ம்) இலங்கைக்கு இறை விலங்கல்(ல்) இடை ஊக்கம் ஒழிந்து அலற(வ்) விரல் இறை ஊன்றினான், பூக் கமழும் புனல், பாதிரிப்புலியூர் தனை நோக்க, மெலிந்து அணுகா, வினை, நுணுகுங்களே	[ 8]
அன்னம் தாவும் அணி ஆர் பொழில், மணி ஆர் புன்னை பொன் அம் தாது சொரி பாதிரிப்புலியூர் தனுள் முன்னம் தாவி அடிமூன்று அளந்தவன், நான்முகன், தன்னம் தாள் உற்று உணராதது ஓர் தவ நீதியே.	[ 9]
உரிந்த கூறை உருவத்தொடு தெருவத்து இடைத் திரிந்து தின்னும் சிறு நோன்பரும், பெருந் தேரரும், எரிந்து சொன்ன(வ்) உரை கொள்ளாதே, எடுத்து ஏத்துமின் புரிந்த வெண்நீற்று அண்ணல் பாதிரிப்புலியூரையே!	[ 10]
Go to top
அம் தண் நல்லார் அகன் காழியுள் ஞானசம் பந்தன், நல்லார் பயில் பாதிரிப்புலியூர்தனுள் சந்த மாலைத்தமிழ் பத்து இவை தரித்தார்கள் மேல், வந்து தீய(வ்) அடையாமையால், வினை மாயுமே.	[ 11]

Thevaaram Link  - Shaivam Link
Other song(s) from this location: திருப்பாதிரிப்புலியூர் (கடலூர்)

2.121   திருஞானசம்பந்த சுவாமிகள்   திருக்கடைக்காப்பு   முன்னம் நின்ற முடக்கால் முயற்கு Tune - செவ்வழி   (திருப்பாதிரிப்புலியூர் (கடலூர்) தோன்றாத்துணையீசுவரர் தோகையம்பிகையம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song