This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

4.051   திருநாவுக்கரசர்   தேவாரம் திருக்கோடி (கோடிக்கரை) - திருநேரிசை அருள்தரு வடிவாம்பிகையம்மை உடனுறை அருள்மிகு கோடீசுவரர் திருவடிகள் போற்றி

Audio: https://www.youtube.com/watch?v=jI9dsAR0N9g  

நெற்றி மேல் கண்ணினானே! நீறு மெய் பூசினானே! கற்றைப் புன் சடையினானே! கடல் விடம் பருகினானே! செற்றவர் புரங்கள் மூன்றும் செவ் அழல் செலுத்தினானே! குற்றம் இல் குணத்தினானே! கோடிகா உடைய கோவே!	[ 1]
கடி கமழ் கொன்றையானே! கபாலம் கை ஏந்தினானே! வடிவு உடை மங்கை தன்னை மார்பில் ஓர் பாகத்தானே! அடி இணை பரவ நாளும் அடியவர்க்கு அருள் செய்வானே! கொடி அணி விழவு அது ஓவாக் கோடிகா உடைய கோவே!	[ 2]
நீறு மெய் பூசினானே! நிழல் திகழ் மழுவினானே! ஏறு உகந்து ஏறினானே! இருங் கடல் அமுது ஒப்பானே! ஆறும் ஓர் நான்கு வேதம்! அறம் உரைத்து அருளினானே! கூறும் ஓர் பெண்ணினானே! கோடிகா உடைய கோவே!	[ 3]
காலனைக் காலால் செற்று, அன்று, அருள் புரி கருணையானே! நீலம் ஆர் கண்டத்தானே! நீள் முடி அமரர்கோவே! ஞாலம் ஆம் பெருமையானே! நளிர் இளந்திங்கள் சூடும் கோலம் ஆர் சடையினானே! கோடிகா உடைய கோவே!	[ 4]
பூண் அரவு ஆரத்தானே! புலி உரி அரையினானே! காணில் வெண் கோவண(ம்) மும், கையில் ஓர் கபாலம் ஏந்தி, ஊணும் ஊர்ப் பிச்சையானே! உமை ஒரு பாகத்தானே! கோணல் வெண் பிறையினானே! கோடிகா உடைய கோவே!	[ 5]
Go to top
கேழல் வெண் கொம்பு பூண்ட கிளர் ஒளி மார்பினானே! ஏழையேன் ஏழையேன் நான் என் செய்கேன்? எந்தை பெம்மான்! மாழை ஒண்கண்ணினார்கள் வலை தனில் மயங்குகின்றேன்; கூழை ஏறு உடைய செல்வா! கோடிகா உடைய கோவே!	[ 6]
அழல் உமிழ் அங்கையானே! அரிவை ஓர் பாகத்தானே! தழல் உமிழ் அரவம் ஆர்த்துத் தலை தனில் பலி கொள்வானே! நிழல் உமிழ் சோலை சூழ நீள் வரி வண்டு இனங்கள் குழல் உமிழ் கீதம் பாடும் கோடிகா உடைய கோவே!	[ 7]
ஏ அடு சிலையினாலே புரம் அவை எரி செய்தானே! மா வடு வகிர் கொள் கண்ணாள் மலைமகள் பாகத்தானே! ஆவடு துறை உளானே! ஐவரால் ஆட்டப் பட்டேன்! கோ அடு குற்றம் தீராய், கோடிகா உடைய கோவே!	[ 8]
ஏற்ற நீர்க் கங்கையானே! இரு நிலம் தாவினானும், நாற்ற மா மலர் மேல் ஏறும் நான்முகன், இவர்கள் கூடி ஆற்றலால் அளக்கல் உற்றார்க்கு அழல் உரு ஆயினானே! கூற்றுக்கும் கூற்று அது ஆனாய்! கோடிகா உடைய கோவே!	[ 9]
பழக நான் அடிமை செய்வேன்-பசுபதீ! பாவ நாசா! மழ களியானையின் தோல் மலைமகள் வெருவப் போர்த்த அழகனே! அரக்கன் திண் தோள் அரு வரை நெரிய ஊன்றும் குழகனே! கோல மார்பா! கோடிகா உடைய கோவே!	[ 10]
Go to top

Thevaaram Link  - Shaivam Link
Other song(s) from this location: திருக்கோடி (கோடிக்கரை)

2.099   திருஞானசம்பந்த சுவாமிகள்   திருக்கடைக்காப்பு   இன்று நன்று, நாளை நன்று Tune - நட்டராகம்   (திருக்கோடி (கோடிக்கரை) கோடீசுவரர் வடிவாம்பிகையம்மை)

4.051   திருநாவுக்கரசர்   தேவாரம்   நெற்றி மேல் கண்ணினானே! நீறு Tune - திருநேரிசை   (திருக்கோடி (கோடிக்கரை) கோடீசுவரர் வடிவாம்பிகையம்மை)

5.078   திருநாவுக்கரசர்   தேவாரம்   சங்கு உலாம் முன்கைத் தையல் Tune - திருக்குறுந்தொகை   (திருக்கோடி (கோடிக்கரை) கோடீசுவரர் வடிவாம்பிகையம்மை)

6.081   திருநாவுக்கரசர்   தேவாரம்   கண் தலம் சேர் நெற்றி Tune - திருத்தாண்டகம்   (திருக்கோடி (கோடிக்கரை) கோடீசுவரர் வடிவாம்பிகையம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song