This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

5.095   திருநாவுக்கரசர்   தேவாரம் பொது -இலிங்கபுராணம் திருக்குறுந்தொகை - திருக்குறுந்தொகை அருள்தரு உடனுறை அருள்மிகு திருவடிகள் போற்றி

Audio: https://www.youtube.com/watch?v=WI0HX_u-5aU  

புக்கு அணைந்து புரிந்து அலர் இட்டிலர்; நக்கு அணைந்து நறுமலர் கொய்திலர்; சொக்கு அணைந்த சுடர் ஒளிவண்ணனை மிக்குக் காணல் உற்றார்-அங்கு இருவரே.	[ 1]
அலரும் நீரும் கொண்டு ஆட்டித் தெளிந்திலர்; திலகம் மண்டலம் தீட்டித் திரிந்திலர்; உலகமூர்த்தி, ஒளிநிற-வண்ணனைச் செலவு காணல் உற்றார்-அங்கு இருவரே.	[ 2]
ஆப்பி நீரோடு அலகு கைக் கொண்டிலர்; பூப் பெய் கூடை புனைந்து சுமந்திலர்; காப்புக் கொள்ளி, கபாலிதன் வேடத்தை ஓப்பிக் காணல் உற்றார்-அங்கு இருவரே.	[ 3]
நெய்யும் பாலும் கொண்டு ஆட்டி நினைந்திலர்; பொய்யும் பொக்கமும் போக்கிப் புகழ்ந்திலர்; ஐயன், வெய்ய அழல் நிற-வண்ணனை மெய்யைக் காணல் உற்றார்-அங்கு இருவரே.	[ 4]
எருக்கு அம் கண்ணிகொண்டு இண்டை புனைந்திலர்; பெருக்கக் கோவணம் பீறி உடுத்திலர்; தருக்கினால் சென்று, தாழ்சடை அண்ணலை நெருக்கி, காணல் உற்றார்-அங்கு இருவரே.	[ 5]
Go to top
மரங்கள் ஏறி மலர் பறித்து இட்டிலர்; நிரம்ப நீர் சுமந்து ஆட்டி நினைந்திலர்; உரம் பொருந்தி, ஒளிநிற-வண்ணனை நிரம்பக் காணல் உற்றார்-அங்கு இருவரே.	[ 6]
கட்டுவாங்கம் கபாலம் கைக் கொண்டிலர்; அட்டமாங்கம் கிடந்து அடி வீழ்ந்திலர்; சிட்டன் சேவடி சென்று எய்திக் காணிய, பட்ட கட்டம் உற்றார்-அங்கு இருவரே.	[ 7]
வெந்த நீறு விளங்க அணிந்திலர்; கந்தமாமலர் இண்டை புனைந்திலர்; எந்தை, ஏறு உகந்து ஏறு எரிவண்ணனை, அந்தம் காணல் உற்றார்-அங்கு இருவரே.	[ 8]
இள எழுந்த இருங்குவளை(ம்) மலர் பிளவு செய்து, பிணைத்து அடி இட்டிலர்; களவு செய் தொழில் காமனைக் காய்ந்தவன் அளவு காணல் உற்றார்-அங்கு இருவரே.	[ 9]
கண்டி பூண்டு கபாலம் கைக் கொண்டிலர்; விண்ட வான் சங்கம் விம்ம வாய்வைத்திலர்; அண்டமூர்த்தி, அழல்நிற-வண்ணனைக் கெண்டிக் காணல் உற்றார்-அங்கு இருவரே.	[ 10]
Go to top
செங்கணானும் பிரமனும் தம்முளே எங்கும் தேடித் திரிந்தவர் காண்கிலார்; இங்கு உற்றேன்! என்று இலிங்கத்தே தோன்றினான், பொங்கு செஞ்சடைப் புண்ணியமூர்த்தியே.	[ 11]

Thevaaram Link  - Shaivam Link
Other song(s) from this location: பொது -இலிங்கபுராணம் திருக்குறுந்தொகை

5.095   திருநாவுக்கரசர்   தேவாரம்   புக்கு அணைந்து புரிந்து அலர் Tune - திருக்குறுந்தொகை   (பொது -இலிங்கபுராணம் திருக்குறுந்தொகை )

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song