This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.091   திருஞானசம்பந்த சுவாமிகள்   திருக்கடைக்காப்பு திருமறைக்காடு (வேதாரண்யம்) - பியந்தைக்காந்தாரம் கரகரப்பிரியா நவரோசு கன்னடகௌலா ராகத்தில் திருமுறை அருள்தரு யாழைப்பழித்தமொழியம்மை உடனுறை அருள்மிகு வேதாரணியேசுவரர் திருவடிகள் போற்றி

https://www.youtube.com/watch?v=Vo5mWNGHwtk   Add audio link

பொங்கு வெண்மணல் கானல் பொருகடல் திரை தவழ் முத்தம் கங்குல் ஆர் இருள் போழும் கலி மறைக்காடு அமர்ந்தார் தாம் திங்கள் சூடினரேனும், திரிபுரம் எரித்தனரேனும், எங்கும் எங்கள் பிரானார் புகழ் அலது, இகழ் பழி இலரே.	1
கூன் இளம்பிறை சூடி, கொடு வரித் தோல் உடை ஆடை, ஆனில் அம்கிளர் ஐந்தும் ஆடுவர்; பூண்பதுவும் அரவம் கானல் அம் கழி ஓதம் கரையொடு கதிர் மணி ததும்ப, தேன் நலம் கமழ் சோலைத் திரு மறைக்காடு அமர்ந்தாரே.	2
நுண்ணிது ஆய் வெளிது ஆகி நூல் கிடந்து இலங்கு பொன் மார்பில், பண்ணியாழ் என முரலும் பணிமொழி உமை ஒரு பாகன்; தண்ணிது ஆய வெள் அருவி சல சல நுரை மணி ததும்ப, கண்ணி தானும் ஒர் பிறையார் கலி மறைக்காடு அமர்ந்தாரே.	3
ஏழை வெண் குருகு, அயலே இளம்பெடை தனது எனக் கருதித் தாழை வெண்மடல் புல்கும் தண் மறைக்காடு அமர்ந்தார்தாம், மாழை அம் கயல் ஒண்கண் மலைமகள் கணவனது அடியின் நீழலே சரண் ஆக நினைபவர், வினை நலிவு இலரே.	4
அரவம் வீக்கிய அரையும், அதிர்கழல் தழுவிய அடியும், பரவ, நாம் செய்த பவம் பறை தர அருளுவர் பதிதான் மரவம் நீடு உயர் சோலை மழலை வண்டு யாழ் செயும் மறைக்காட்டு இரவும் எல்லி அம் பகலும் ஏத்துதல் குணம் எனல் ஆமே.	5
Go to top
பல் இல் ஓடு கை ஏந்திப் பாடியும் ஆடியும் பலி தேர் அல்லல் வாழ்க்கையரேனும், அழகியது அறிவர்; எம் அடிகள் புல்லம் ஏறுவர்; பூதம் புடை செல உழிதர்வர்க்கு இடம் ஆம் மல்கு வெண் திரை ஓதம் மா மறைக்காடு அதுதானே.	6
நாகம் தான் கயிறு ஆக, நளிர் வரை அதற்கு மத்து ஆக, பாகம் தேவரொடு அசுரர் படு கடல் அளறு எழக் கடைய, வேக நஞ்சு எழ, ஆங்கே வெருவொடும் இரிந்து எங்கும் ஓட, ஆகம் தன்னில் வைத்து அமிர்தம் ஆக்குவித்தான் மறைக்காடே.	7
தக்கன் வேள்வியைத் தகர்த்தோன்; தனது ஒரு பெருமையை ஓரான்; மிக்கு மேல் சென்று மலையை எடுத்தலும், மலைமகள் நடுங்க, நக்கு, தன் திரு விரலால் ஊன்றலும், நடு நடுத்து அரக்கன் பக்க வாயும் விட்டு அலறப் பரிந்தவன்; பதி மறைக்காடே.	8
விண்ட மா மலரோனும், விளங்கு ஒளி அரவு அணையானும், பண்டும் காண்பு அரிது ஆய பரிசினன் அவன் உறை பதிதான் கண்டல் அம் கழி ஓதம் கரையொடு கதிர் மணி ததும்ப, வண்டல் அம் கமழ்சோலை மா மறைக்காடு அதுதானே.	9
பெரிய ஆகிய குடையும் பீலியும் அவை வெயில் கரவா, கரிய மண்டை கை ஏந்தி, கல்லென உழிதரும் கழுக்கள் அரிய ஆக உண்டு ஓதுமவர் திறம் ஒழிந்து, நம் அடிகள் பெரிய சீர் மறைக்காடே பேணுமின்! மனம் உடையீரே!	10
Go to top
மை உலாம் பொழில் சூழ்ந்த மா மறைக்காடு அமர்ந்தாரைக் கையினால் தொழுது எழுவான், காழியுள் ஞானசம்பந்தன், செய்த செந்தமிழ் பத்தும் சிந்தையுள் சேர்க்க வல்லார், போய், பொய் இல் வானவரோடும் புக வலர்; கொள வலர், புகழே.	11

Thevaaram Link  - Shaivam Link
Other song(s) from this location: திருமறைக்காடு (வேதாரண்யம்)

1.022   திருஞானசம்பந்த சுவாமிகள்   திருக்கடைக்காப்பு   சிலை தனை நடு இடை Tune - நட்டபாடை   (திருமறைக்காடு (வேதாரண்யம்) மறைக்காட்டீசுரர் யாழைப்பழித்தமொழியம்மை)

2.037   திருஞானசம்பந்த சுவாமிகள்   திருக்கடைக்காப்பு   சதுர மறைதான் துதிசெய்து வணங்கும் மதுரம் Tune - இந்தளம்   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

2.085   திருஞானசம்பந்த சுவாமிகள்   திருக்கடைக்காப்பு   வேய் உறு தோளி பங்கன், Tune - பியந்தைக்காந்தாரம்   (திருமறைக்காடு (வேதாரண்யம்) )

2.091   திருஞானசம்பந்த சுவாமிகள்   திருக்கடைக்காப்பு   பொங்கு வெண்மணல் கானல் பொருகடல் Tune - பியந்தைக்காந்தாரம்   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

3.076   திருஞானசம்பந்த சுவாமிகள்   திருக்கடைக்காப்பு   கல் பொலி சுரத்தின் எரி Tune - சாதாரி   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

4.033   திருநாவுக்கரசர்   தேவாரம்   இந்திரனோடு தேவர் இருடிகள் ஏத்துகின்ற சுந்தரம் Tune - திருநேரிசை   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

4.034   திருநாவுக்கரசர்   தேவாரம்   தேரையும் மேல் கடாவித் திண்ணமாத் Tune - திருநேரிசை   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

5.009   திருநாவுக்கரசர்   தேவாரம்   ஓதம் மால் கடல் பரவி Tune - திருக்குறுந்தொகை   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

5.010   திருநாவுக்கரசர்   தேவாரம்   பண்ணின் நேர் மொழியாள் உமைபங்கரோ! Tune - திருக்குறுந்தொகை   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

6.023   திருநாவுக்கரசர்   தேவாரம்   தூண்டு சுடர் அனைய சோதி Tune - திருத்தாண்டகம்   (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

7.071   சுந்தரமூர்த்தி சுவாமிகள்   திருப்பாட்டு   யாழைப் பழித் தன்ன மொழி Tune - காந்தாரம்   (திருமறைக்காடு (வேதாரண்யம்) மறைக்காட்டீசுவரர் யாழைப்பழித்தநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song author %E0%AE%A4%E0%AE%BF%E0%AE%B0%E0%AF%81%E0%AE%9E%E0%AE%BE%E0%AE%A9%E0%AE%9A%E0%AE%AE%E0%AF%8D%E0%AE%AA%E0%AE%A8%E0%AF%8D%E0%AE%A4+%E0%AE%9A%E0%AF%81%E0%AE%B5%E0%AE%BE%E0%AE%AE%E0%AE%BF%E0%AE%95%E0%AE%B3%E0%AF%8D paadal name %E0%AE%AA%E0%AF%8A%E0%AE%99%E0%AF%8D%E0%AE%95%E0%AF%81+%E0%AE%B5%E0%AF%86%E0%AE%A3%E0%AF%8D%E0%AE%AE%E0%AE%A3%E0%AE%B2%E0%AF%8D+%E0%AE%95%E0%AE%BE%E0%AE%A9%E0%AE%B2%E0%AF%8D+%E0%AE%AA%E0%AF%8A%E0%AE%B0%E0%AF%81%E0%AE%95%E0%AE%9F%E0%AE%B2%E0%AF%8D pathigam no 2.091