This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.065   திருநாவுக்கரசர்   தேவாரம் திருச்சாய்க்காடு (சாயாவனம்) - திருநேரிசை அருள்தரு குயிலின்நன்மொழியம்மை உடனுறை அருள்மிகு சாயவனேசுவரர் திருவடிகள் போற்றி

https://www.youtube.com/watch?v=0EPWtzYuzW0  https://www.youtube.com/watch?v=QMgykSuuVcE   Add audio link

தோடுலா மலர்கள் தூவித் தொழுதெழு மார்க்கண் டேயன் வீடுநா ளணுகிற் றென்று மெய்கொள்வான் வந்த காலன் பாடுதான் செலலு மஞ்சிப் பாதமே சரண மென்னச் சாடினார் காலன் மாளச் சாய்க்காடு மேவி னாரே.	1
வடங்கெழு மலைமத் தாக வானவ ரசுர ரோடு கடைந்திட வெழுந்த நஞ்சங் கண்டு பஃறேவ ரஞ்சி அடைந்துநுஞ் சரண மென்ன வருள்பெரி துடைய ராகித் தடங்கட னஞ்ச முண்டார் சாய்க்காடு மேவி னாரே.	2
அரணிலா வெளிய நாவ லருநிழ லாக வீசன் வரணிய லாகித் தன்வாய் நூலினாற் பந்தர் செய்ய முரணிலாச் சிலந்தி தன்னை முடியுடை மன்ன னாக்கித் தரணிதா னாள வைத்தார் சாய்க்காடு மேவி னாரே.	3
அரும்பெருஞ் சிலைக்கை வேட னாய்விறற் பார்த்தற் கன்று உரம்பெரி துடைமை காட்டி யொள்ளமர் செய்து மீண்டே வரம்பெரி துடைய னாக்கி வாளமர் முகத்தின் மன்னுஞ் சரம்பொலி தூணி யீந்தார் சாய்க்காடு மேவி னாரே.	4
இந்திரன் பிரம னங்கி யெண்வகை வசுக்க ளோடு மந்திர மறைய தோதி வானவர் வணங்கி வாழ்த்தத் தந்திர மறியாத் தக்கன் வேள்வியைத் தகர்த்த ஞான்று சந்திரற் கருள்செய் தாருஞ் சாய்க்காடு மேவி னாரே.	5
Go to top
ஆமலி பாலு நெய்யு மாட்டியர்ச் சனைகள் செய்து பூமலி கொன்றை சூட்டப் பொறாததன் றாதை தாளைக் கூர்மழு வொன்றா லோச்சக் குளிர்சடைக் கொன்றை மாலைத் தாமநற் சண்டிக் கீந்தார் சாய்க்காடு மேவி னாரே.	6
மையறு மனத்த னாய பகீரதன் வரங்கள் வேண்ட ஐயமி லமர ரேத்த வாயிர முகம தாகி வையக நெளியப் பாய்வான் வந்திழி கங்கை யென்னுந் தையலைச் சடையி லேற்றார் சாய்க்காடு மேவி னாரே.	7
குவப்பெருந் தடக்கை வேடன் கொடுஞ்சிலை யிறைச்சிப் பாரம் துவர்ப்பெருஞ் செருப்பா னீக்கித் தூயவாய்க் கலச மாட்ட உவப்பெருங் குருதி சோர வொருகணை யிடந்தங் கப்பத் தவப்பெருந் தேவு செய்தார் சாய்க்காடு மேவி னாரே.	8
நக்குலா மலர்பன் னூறு கொண்டுநன் ஞானத் தோடு மிக்கபூ சனைகள் செய்வான் மென்மல ரொன்று காணா தொக்குமென் மலர்க்க ணென்றங் கொருகணை யிடந்து மப்பச் சக்கரங் கொடுப்பர் போலுஞ் சாய்க்காடு மேவி னாரே.	9
புயங்கமைஞ் ஞான்கும் பத்து மாயகொண் டரக்க னோடிச் சிவன்றிரு மலையைப் பேர்க்கத் திருமலர்க் குழலி யஞ்ச வியன்பெற வெய்தி வீழ விரல்சிறி தூன்றி மீண்டே சயம்பெற நாம மீந்தார் சாய்க்காடு மேவி னாரே.	10
Go to top

Thevaaram Link  - Shaivam Link
Other song(s) from this location: திருச்சாய்க்காடு (சாயாவனம்)

2.038   திருஞானசம்பந்த சுவாமிகள்   திருக்கடைக்காப்பு   நித்தலும் நியமம் செய்து, நீர்மலர் Tune - இந்தளம்   (திருச்சாய்க்காடு (சாயாவனம்) சாயாவனேசுவரர் குயிலுநன்மொழியம்மை)

2.041   திருஞானசம்பந்த சுவாமிகள்   திருக்கடைக்காப்பு   மண் புகார், வான்புகுவர்; மனம் Tune - சீகாமரம்   (திருச்சாய்க்காடு (சாயாவனம்) சாயாவனேசுவரர் குயிலுநன்மொழியம்மை)

4.065   திருநாவுக்கரசர்   தேவாரம்   தோடு உலாம் மலர்கள் தூவித் Tune - திருநேரிசை   (திருச்சாய்க்காடு (சாயாவனம்) சாயவனேசுவரர் குயிலின்நன்மொழியம்மை)

6.082   திருநாவுக்கரசர்   தேவாரம்   வானத்து இளமதியும் பாம்பும் தன்னில் Tune - திருத்தாண்டகம்   (திருச்சாய்க்காடு (சாயாவனம்) சாயவனேசுவரர் குயிலின்நன்மொழியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.065