This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

2.004   திருஞானசம்பந்த சுவாமிகள்   திருக்கடைக்காப்பு திருவான்மியூர் - இந்தளம் அருள்தரு சுந்தரமாது (அ) சொக்கநாயகி உடனுறை அருள்மிகு மருந்தீசுவரர் திருவடிகள் போற்றி

Audio: https://www.youtube.com/watch?v=os6HVe6Y7So  

கரை உலாம் கடலில் பொலி சங்கம் வெள் இப்பி வன் திரை உலாம் கழி மீன் உகளும் திரு வான்மியூர்; உரை எலாம் பொருள் ஆய் உலகு ஆள் உடையீர்! சொலீர் வரை உலாம் மடமாது உடன் ஆகிய மாண்புஅதே?	[ 1]
சந்து உயர்ந்து எழு கார் அகில் தண்புனல் கொண்டு, தம் சிந்தைசெய்து அடியார் பரவும் திரு வான்மியூர், சுந்தரக்கழல்மேல் சிலம்பு ஆர்க்க வல்லீர்! சொலீர் அந்தியின் ஒளியின் நிறம் ஆகிய வண்ணமே?	[ 2]
கான் அயங்கிய தண்கழி சூழ் கடலின் புறம் தேன் அயங்கிய பைம்பொழில் சூழ் திரு வான்மியூர், தோல் நயங்கு அமர் ஆடையினீர்! அடிகேள்! சொலீர் ஆனைஅங்க உரி போர்த்து, அனல் ஆட உகந்ததே?	[ 3]
மஞ்சு உலாவிய மாட மதில் பொலி மாளிகைச் செஞ்சொலாளர்கள்தாம் பயிலும் திரு வான்மியூர், துஞ்சு அஞ்சு இருள் ஆடல் உகக்க வல்லீர்! சொலீர் வஞ்ச நஞ்சு உண்டு, வானவர்க்கு இன் அருள் வைத்ததே?	[ 4]
மண்ணினில் புகழ் பெற்றவர் மங்கையர்தாம் பயில் திண்ணெனப் புரிசைத் தொழில் ஆர் திரு வான்மியூர், துண்ணெனத் திரியும் சரிதைத் தொழிலீர்! சொலீர் விண்ணினில் பிறை செஞ்சடை வைத்த வியப்புஅதே?	[ 5]
Go to top
போது உலாவிய தண்பொழில் சூழ் புரிசைப் புறம் தீது இல் அந்தணர் ஓத்து ஒழியாத் திரு வான்மியூர், சூது உலாவிய கொங்கை ஒர்பங்கு உடையீர்! சொலீர் மூதெயில் ஒருமூன்று எரியூட்டிய மொய்ம்புஅதே?	[ 6]
வண்டு இரைத்த தடம் பொழிலின் நிழல் கானல்வாய்த் தெண்திரைக் கடல் ஓதம் மல்கும் திரு வான்மியூர், தொண்டு இரைத்து எழுந்து ஏத்திய தொல்கழலீர்! சொலீர் பண்டு இருக்கு ஒருநால்வருக்கு நீர் உரைசெய்ததே?	[ 7]
தக்கில் வந்த தசக்கிரிவன் தலைபத்து இறத் திக்கில் வந்து அலற அடர்த்தீர்! திரு வான்மியூர்த் தொக்க மாதொடும் வீற்றிருந்தீர்! அருள் என்? சொலீர் பக்கமே பலபாரிடம் பேய்கள் பயின்றதே?	[ 8]
பொருது வார்கடல் எண்திசையும் தரு வாரியால் திரிதரும் புகழ் செல்வம் மல்கும் திரு வான்மியூர், சுருதியார் இருவர்க்கும் அறிவு அரியீர்! சொலீர் எருதுமேற்கொடு உழன்று, உகந்து இல் பலி ஏற்றதே?	[ 9]
மை தழைத்து எழு சோலையில் மாலை சேர் வண்டுஇனம் செய் தவத்தொழிலார் இசை சேர் திரு வான்மியூர் மெய் தவப் பொடி பூசிய மேனியினீர்! சொலீர் கைதவச் சமண்சாக்கியர் கட்டுரைக்கின்றதே?	[ 10]
Go to top
மாது ஓர் கூறுஉடை நல் தவனைத் திரு வான்மியூர் ஆதிஎம்பெருமான் அருள்செய்ய, வினாஉரை ஓதி, அன்று எழு காழியுள் ஞானசம்பந்தன் சொல் நீதியால் நினைவார் நெடுவான் உலகு ஆள்வரே.	[ 11]

Thevaaram Link  - Shaivam Link
Other song(s) from this location: திருவான்மியூர்

2.004   திருஞானசம்பந்த சுவாமிகள்   திருக்கடைக்காப்பு   கரை உலாம் கடலில் பொலி Tune - இந்தளம்   (திருவான்மியூர் மருந்தீசுவரர் சுந்தரமாது (அ) சொக்கநாயகி)

3.055   திருஞானசம்பந்த சுவாமிகள்   திருக்கடைக்காப்பு   விரை ஆர் கொன்றையினாய்! விடம் Tune - கௌசிகம்   (திருவான்மியூர் மருந்தீசுவரர் சுந்தரமாது (அ) சொக்கநாயகி)

5.082   திருநாவுக்கரசர்   தேவாரம்   விண்ட மா மலர் கொண்டு Tune - திருக்குறுந்தொகை   (திருவான்மியூர் மருந்தீசுவரர் சுந்தரமாது (அ) சொக்கநாயகி)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song