சிவய.திருக்கூட்டம் sivaya.org Please set your language preference by clicking below languages link |
This page in
Tamil
Hindi/Sanskrit
Telugu
Malayalam
Bengali
Kannada
English
ITRANS
Marati
Gujarathi
Oriya
Singala
Tibetian
Thai
Japanese
Urdu
Cyrillic/Russian
Audio: https://www.youtube.com/watch?v=j9OJ3G30aTE
3.013
திருஞானசம்பந்த சுவாமிகள்
திருக்கடைக்காப்பு
திருப்பூந்தராய் - காந்தாரபஞ்சமம் அருள்தரு உடனுறை அருள்மிகு திருவடிகள் போற்றி
மின் அன எயிறு உடை விரவலோர்கள் தம்
துன்னிய புரம் உகச் சுளிந்த தொன்மையர்
புன்னை அம்பொழில் அணி பூந்தராய் நகர்
அன்ன அன்ன(ந்) நடை அரிவை பங்கரே.
[ 1]
மூதணி முப்புரத்து எண்ணிலோர்களை
வேது அணி சரத்தினால், வீட்டினார் அவர்
போது அணி பொழில் அமர் பூந்தராய் நகர்
தாது அணி குழல் உமை தலைவர்; காண்மினே!
[ 2]
தருக்கிய திரிபுரத்தவர்கள் தாம் உக,
பெருக்கிய சிலைதனைப் பிடித்த பெற்றியர்
பொரு(க்) கடல் புடை தரு பூந்தராய் நகர்
கரு(க்)கிய குழல் உமை கணவர்; காண்மினே!
[ 3]
நாகமும் வரையுமே நாணும் வில்லுமா,
மாகம் ஆர் புரங்களை மறித்த மாண்பினர்
பூகம் ஆர் பொழில் அணி பூந்தராய் நகர்
பாகு அமர் பொழி உமை பங்கர்; காண்மினே!
[ 4]
வெள் எயிறு உடைய அவ் விரவலார்கள் ஊர்
ஒள் எரியூட்டிய ஒருவனார் ஒளிர்
புள் அணி புறவினில் பூந்தராய் நகர்
கள் அணி குழல் உமை கணவர்; காண்மினே!
[ 5]
Go to top
துங்கு இயல் தானவர் தோற்றம் மா நகர்
அங்கியில் வீழ்தர ஆய்ந்த அம்பினர்
பொங்கிய கடல் அணி பூந்தராய் நகர்
அம் கயல் அன கணி அரிவை பங்கரே.
[ 6]
அண்டர்கள் உய்ந்திட, அவுணர் மாய்தரக்
கண்டவர்; கடல்விடம் உண்ட கண்டனார்
புண்டரீக(வ்) வயல் பூந்தராய் நகர்
வண்டு அமர் குழலிதன் மணாளர்; காண்மினே!
[ 7]
மா சின அரக்கனை வரையின் வாட்டிய,
காய் சின எயில்களைக் கறுத்த கண்டனார்
பூசுரர் பொலி தரு பூந்தராய் நகர்
காசை செய் குழல் உமை கணவர்; காண்மினே!
[ 8]
தாம் முகம் ஆக்கிய அசுரர்தம் பதி
வேம் முகம் ஆக்கிய விகிர்தர் கண்ணனும்,
பூமகன், அறிகிலா பூந்தராய் நகர்க்
கோமகன், எழில் பெறும் அரிவை கூறரே.
[ 9]
முத்தர அசுரர்கள் மொய்த்த முப்புரம்
அத் தகும் அழல் இடை வீட்டினார் அமண்
புத்தரும் அறிவு ஒணாப் பூந்தராய் நகர்
கொத்து அணி குழல் உமை கூறர்; காண்மினே!
[ 10]
Go to top
புரம் எரி செய்தவர், பூந்தராய் நகர்ப்
பரம் மலி குழல் உமை நங்கை பங்கரைப்
பரவிய பந்தன் மெய்ப் பாடல் வல்லவர்
சிரம் மலி சிவகதி சேர்தல் திண்ணமே.
[ 11]
Thevaaram Link
- Shaivam Link
Other song(s) from this location: திருப்பூந்தராய்
2.001
திருஞானசம்பந்த சுவாமிகள்
திருக்கடைக்காப்பு
செந்நெல் அம் கழனிப் பழனத்து
Tune - இந்தளம்
(திருப்பூந்தராய் )
3.002
திருஞானசம்பந்த சுவாமிகள்
திருக்கடைக்காப்பு
பந்து சேர் விரலாள், பவளத்துவர்
Tune - காந்தாரபஞ்சமம்
(திருப்பூந்தராய் )
3.005
திருஞானசம்பந்த சுவாமிகள்
திருக்கடைக்காப்பு
தக்கன் வேள்வி தகர்த்தவன், பூந்தராய மிக்க
Tune - காந்தாரபஞ்சமம்
(திருப்பூந்தராய் )
3.013
திருஞானசம்பந்த சுவாமிகள்
திருக்கடைக்காப்பு
மின் அன எயிறு உடை
Tune - காந்தாரபஞ்சமம்
(திருப்பூந்தராய் )
This page was last modified on Sun, 31 Mar 2024 02:36:43 -0400