This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

3.095   திருஞானசம்பந்த சுவாமிகள்   திருக்கடைக்காப்பு திருஇன்னம்பர் - சாதாரி அருள்தரு கொந்தார்பூங்குழலம்மை உடனுறை அருள்மிகு எழுத்தறிந்தவீசுவரர் திருவடிகள் போற்றி

Audio: https://www.youtube.com/watch?v=3ofD_0bLR3o  

எண் திசைக்கும் புகழ் இன்னம்பர் மேவிய வண்டு இசைக்கும் சடையீரே; வண்டு இசைக்கும் சடையீர்! உமை வாழ்த்துவார் தொண்டு இசைக்கும் தொழிலாரே.	[ 1]
யாழ் நரம்பின்(ன்) இசை இன்னம்பர் மேவிய தாழ்தரு சடைமுடியீரே; தாழ்தரு சடைமுடியீர்! உமைச் சார்பவர் ஆழ்துயர் அருவினை இலரே.	[ 2]
இளமதி நுதலியொடு இன்னம்பர் மேவிய வள மதி வளர் சடையீரே; வள மதி வளர் சடையீர்! உமை வாழ்த்துவார் உளம் மதி மிக உடையாரே.	[ 3]
இடி குரல் இசை முரல் இன்னம்பர் மேவிய கடி கமழ் சடைமுடியீரே; கடி கமழ் சடைமுடியீர்! உம கழல் தொழும் அடியவர் அருவினை இலரே.	[ 4]
இமையவர் தொழுது எழும் இன்னம்பர் மேவிய உமை ஒரு கூறு உடையீரே; உமை ஒரு கூறு உடையீர்! உமை உள்குவார் அமைகிலர் ஆகிலர், அன்பே.	[ 5]
Go to top
எண் அரும் புகழ் உடை இன்னம்பர் மேவிய தண் அருஞ் சடைமுடியீரே; தண் அருஞ் சடைமுடியீர்! உமைச் சார்பவர் விண்ணவர் அடைவு உடையோரே.	[ 6]
எழில் திகழும் பொழில் இன்னம்பர் மேவிய நிழல் திகழ் மேனியினீரே; நிழல் திகழ் மேனியினீர்! உமை நினைபவர் குழறிய கொடுவினை இலரே.	[ 7]
ஏத்த(அ)ரும் புகழ் அணி இன்னம்பர் மேவிய தூர்த்தனைத் தொலைவு செய்தீரே; தூர்த்தனைத் தொலைவு செய்தீர்! உமைத் தொழுபவர் கூர்த்த நல் குணம் உடையோரே.	[ 8]
இயல் உளோர் தொழுது எழும் இன்னம்பர் மேவிய அயனும் மால் அறிவு அரியீரே; அயனும் மால் அறிவு அரியீர்! உமது அடி தொழும் இயல் உளார் மறுபிறப்பு இலரே.	[ 9]
ஏர் அமர் பொழில் அணி இன்னம்பர் மேவிய தேர் அமண் சிதைவு செய்தீரே; தேர் அமண் சிதைவு செய்தீர்! உமைச் சேர்பவர் ஆர் துயர், அருவினை, இலரே.	[ 10]
Go to top
ஏடு அமர் பொழில் அணி இன்னம்பர் ஈசனை, நாடு அமர் ஞானசம்பந்தன் நாடு அமர் ஞானசம்பந்தன நல்-தமிழ், பாட வல்லார் பழி இலரே.	[ 11]

Thevaaram Link  - Shaivam Link
Other song(s) from this location: திருஇன்னம்பர்

3.095   திருஞானசம்பந்த சுவாமிகள்   திருக்கடைக்காப்பு   எண் திசைக்கும் புகழ் இன்னம்பர் Tune - சாதாரி   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

4.072   திருநாவுக்கரசர்   தேவாரம்   விண்ணவர் மகுடகோடி மிடைந்த சேவடியர் Tune - திருநேரிசை   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

4.100   திருநாவுக்கரசர்   தேவாரம்   மன்னும் மலைமகள் கையால் வருடின; Tune - திருவிருத்தம்   (திருஇன்னம்பர் ஏகாம்பரநாதர் காமாட்சியம்மை)

5.021   திருநாவுக்கரசர்   தேவாரம்   என்னில் ஆரும் எனக்கு இனியார் Tune - திருக்குறுந்தொகை   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

6.089   திருநாவுக்கரசர்   தேவாரம்   அல்லி மலர் நாற்றத்து உள்ளார் Tune - திருத்தாண்டகம்   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song