This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

3.097   திருஞானசம்பந்த சுவாமிகள்   திருக்கடைக்காப்பு திருச்சிறுகுடி - சாதாரி அருள்தரு மங்களநாயகியம்மை உடனுறை அருள்மிகு மங்களேசுவரர் திருவடிகள் போற்றி

Audio: https://www.youtube.com/watch?v=Emrl3TJoXQk  

திடம் மலி மதில் அணி சிறுகுடி மேவிய படம் மலி அரவு உடையீரே; படம் மலி அரவு உடையீர்! உமைப் பணிபவர் அடைவதும், அமருலகு அதுவே.	[ 1]
சிற்றிடை உடன் மகிழ் சிறுகுடி மேவிய சுற்றிய சடைமுடியீரே; சுற்றிய சடைமுடியீர்! உம தொழு கழல் உற்றவர் உறு பிணி இலரே.	[ 2]
தெள்ளிய புனல் அணி சிறுகுடி மேவிய துள்ளிய மான் உடையீரே; துள்ளிய மான் உடையீர்! உம தொழு கழல் உள்ளுதல் செய, நலம் உறுமே.	[ 3]
செந்நெல வயல் அணி சிறுகுடி மேவிய ஒன்னலர் புரம் எரித்தீரே; ஒன்னலர் புரம் எரித்தீர்! உமை உள்குவார் சொல்-நலம் உடையவர், தொண்டே.	[ 4]
செற்றினில் மலி புனல் சிறுகுடி மேவிய பெற்றி கொள் பிறை முடியீரே; பெற்றி கொள் பிறை முடியீர்! உமைப் பேணி நஞ்சு அற்றவர் அருவினை இலரே.	[ 5]
Go to top
செங்கயல் புனல் அணி சிறுகுடி மேவிய மங்கையை இடம் உடையீரே; மங்கையை இடம் உடையீர்! உமை வாழ்த்துவார் சங்கை அது இலர்; நலர், தவமே.	[ 6]
செறி பொழில் தழுவிய சிறுகுடி மேவிய வெறி கமழ் சடைமுடியீரே; வெறி கமழ் சடைமுடியீர்! உமை விரும்பி மெய்ந்- நெறி உணர்வோர் உயர்ந்தோரே.	[ 7]
திசையவர் தொழுது எழு சிறுகுடி மேவிய தசமுகன் உரம் நெரித்தீரே; தசமுகன் உரம் நெரித்தீர்! உமைச் சார்பவர் வசை அறுமது வழிபாடே.	[ 8]
செரு வரை வயல் அமர் சிறுகுடி மேவிய இருவரை அசைவு செய்தீரே; இருவரை அசைவு செய்தீர்! உமை ஏத்துவார் அருவினையொடு துயர் இலரே.	[ 9]
செய்த்தலைப் புனல் அணி சிறுகுடி மேவிய புத்தரொடு அமண் புறத்தீரே; புத்தரொடு அமண் புறத்தீர்! உமைப் போற்றுதல் பத்தர்கள் தம் உடைப் பரிசே.	[ 10]
Go to top
தேன் அமர் பொழில் அணி சிறுகுடி மேவிய மான் அமர் கரம் உடையீரே; மான் அமர் கரம் உடையீர்! உமை வாழ்த்திய ஞானசம்பந்தன தமிழே.	[ 11]

Thevaaram Link  - Shaivam Link
Other song(s) from this location: திருச்சிறுகுடி

3.097   திருஞானசம்பந்த சுவாமிகள்   திருக்கடைக்காப்பு   திடம் மலி மதில் அணி Tune - சாதாரி   (திருச்சிறுகுடி மங்களேசுவரர் மங்களநாயகியம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song