This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

5.039   திருநாவுக்கரசர்   தேவாரம் திருமயிலாடுதுறை - திருக்குறுந்தொகை அருள்தரு அஞ்சநாயகியம்மை உடனுறை அருள்மிகு மாயூரநாதர் திருவடிகள் போற்றி

Audio: https://www.youtube.com/watch?v=AZ8aI2Uy3XQ  

கொள்ளும் காதன்மை பெய்து உறும் கோல்வளை உள்ளம் உள்கி உரைக்கும், திருப்பெயர் வள்ளல் மா மயிலாடுதுறை உறை வெள்ளம் தாங்கு சடையனை வேண்டியே.	[ 1]
சித்தம் தேறும்; செறிவளை சிக்கெனும்; பச்சை தீரும், என் பைங்கொடி-பால்மதி வைத்த மா மயிலாடுதுறை அரன் கொத்தினில் பொலி கொன்றை கொடுக்கிலே.	[ 2]
அண்டர் வாழ்வும், அமரர் இருக்கையும், கண்டு வீற்றிருக்கும் கருத்து ஒன்று இலோம் வண்டு சேர் மயிலாடுதுறை அரன் தொண்டர் பாதங்கள் சூடித் துதையிலே.	[ 3]
வெஞ்சினக் கடுங் காலன் விரைகிலான்; அஞ்சு இறப்பும் பிறப்பும் அறுக்கல் ஆம்- மஞ்சன், மா மயிலாடுதுறை உறை அஞ்சலாள் உமைபங்கன், அருளிலே.	[ 4]
குறைவு இலோம், கொடு மானுட வாழ்க்கையால்- கறை நிலாவிய கண்டன், எண் தோளினன், மறைவலான், மயிலாடுதுறை உறை இறைவன், நீள் கழல் ஏத்தி இருக்கிலே.	[ 5]
Go to top
நிலைமை சொல்லு, நெஞ்சே! தவம் என் செய்தாய்? கலைகள் ஆய வல்லான், கயிலாயநல் மலையன், மா மயிலாடுதுறையன், நம் தலையின்மேலும் மனத்துளும் தங்கவே.	[ 6]
நீற்றினான், நிமிர்புன்சடையான், விடை- ஏற்றினான், நமை ஆள் உடையான், புலன் மாற்றினான், மயிலாடுதுறை என்று போற்றுவார்க்கும் உண்டோ, புவி வாழ்க்கையே.?	[ 7]
கோலும், புல்லும், ஒரு கையில் கூர்ச்சமும், தோலும், பூண்டு துயரம் உற்று என் பயன்? நீல மா மயில் ஆடு துறையனே! நூலும் வேண்டுமோ, நுண் உணர்ந்தோர்கட்கே?	[ 8]
பணம் கொள் ஆடு அரவு அல்குல் பகீரதி மணம் கொளச் சடை வைத்த மறையவன், வணங்கும் மா மயிலாடுதுறை அரன், அணங்கு ஓர்பால் கொண்ட கோலம் அழகிதே!	[ 9]
நீள் நிலா அரவச் சடை நேசனைப் பேணிலாதவர் பேதுறவு ஓட்டினோம்; வாள்நிலா மயிலாடுதுறைதனைக் காணில், ஆர்க்கும் கடுந் துயர் இல்லையே.	[ 10]
Go to top
பருத்த தோளும் முடியும் பொடிபட இருத்தினான், அவன் இன் இசை கேட்டலும் வரத்தினான், மயிலாடுதுறை தொழும் கரத்தினார் வினைக்கட்டு அறும்; காண்மினே!	[ 11]

Thevaaram Link  - Shaivam Link
Other song(s) from this location: திருமயிலாடுதுறை

1.038   திருஞானசம்பந்த சுவாமிகள்   திருக்கடைக்காப்பு   கரவு இன்றி நல்மாமலர் கொண்டே இரவும் Tune - தக்கராகம்   (திருமயிலாடுதுறை மாயூரநாதர் அஞ்சநாயகியம்மை)

3.070   திருஞானசம்பந்த சுவாமிகள்   திருக்கடைக்காப்பு   ஏன எயிறு, ஆடு அரவொடு, Tune - சாதாரி   (திருமயிலாடுதுறை மாயூரநாதர் அஞ்சநாயகியம்மை)

5.039   திருநாவுக்கரசர்   தேவாரம்   கொள்ளும் காதன்மை பெய்து உறும் Tune - திருக்குறுந்தொகை   (திருமயிலாடுதுறை மாயூரநாதர் அஞ்சநாயகியம்மை)

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song