This page in Tamil   Hindi/Sanskrit   Telugu   Malayalam   Bengali   Kannada   English   Gujarathi   Oriya   Singala   Tibetian   Thai   Urdu   Cyrillic/Russian   Hebrew   Korean  
திருவிசைப்பா

Back to Top
வேணாட்டடிகள்   திருவிசைப்பா  
9.021   வேணாட்டடிகள் - கோயில்  
பண் -   (திருத்தலம் கோயில் (சிதம்பரம்) ; அருள்தரு உடனுறை அருள்மிகு திருவடிகள் போற்றி )
Audio: https://www.youtube.com/watch?v=5jdnKon4PlU
Audio: https://www.youtube.com/watch?v=9JFKojIrJTI
Audio: https://www.youtube.com/watch?v=iAsUU0dNmS4

9.021 வேணாட்டடிகள் - கோயில்   (கோயில் (சிதம்பரம்) )

துச்சான செய்திடினும்    பொறுப்பரன்றே ஆளுகப்பார் கைச்சாலும் சிறுகதலி    இலைவேம்பும் கறிகொள்வார் எச்சார்வும் இல்லாமை    நீயறிந்தும் எனதுபணி நச்சாய்காண்; திருத்தில்லை    நடம்பயிலும் நம்பானே!

[1]

தம்பானை சாய்ப்பற்றார்    என்னும் முதுசொல்லும் எம்போல்வார்க்(கு) இல்லாமை    என்னளவே அறிந்தொழிந்தேன் வம்பானார் பணிஉகத்தி    வழியடியேன் தொழிலிறையும் நம்பாய்காண் திருத்தில்லை    நடம்பயிலும் நம்பானே !

[2]

பொசியாதோ கீழ்க்கொம்பு    நிறைகுளம்என் றதுபோலத் திசைநோக்கிப் பேழ்கணித்துச்    சிவபெருமான் ஓஎனினும் இசையானால் என்திறத்தும்    எனையுடையாள் உரையாடாள் நசையானேன் திருத்தில்லை    நடம்பயிலும் நம்பானே !

[3]

ஆயாத சமயங்கள்    அவரவர்கள் முன்பென்னை நோயோடு பிணிநலிய    இருக்கின்ற அதனாலே பேயாஇத் தொழும்பனைத்தம்    பிரான்இகழும் என்பித்தாய் நாயேனைத் திருத்தில்லை    நடம்பயிலும் நம்பானே.

[4]

நின்றுநினைந்(து) இருந்துகிடந்து    எழுந்துதொழும் தொழும்பனேன் ஒன்றிஒரு கால்நினையா(து)    இருந்தாலும் இருக்கவொட்டாய் கன்றுபிரி கற்றாப்போல்    கதறுவித்தி வரவுநில்லாய் நன்றிதுவோ திருத்தில்லை    நடம்பயிலும் நம்பானே.

[5]

படுமதமும் மிடவயிறும்    உடையகளி றுடையபிரான் அடியறிய உணர்த்துவதும்    அகத்தியனுக்(கு) ஓத்தன்றே இடுவதுபுல் ஓர்எருதுக்(கு)    ஒன்றினுக்கு வையிடுதல் நடுஇதுவோ திருத்தில்லை    நடம்பயிலும் நம்பானே.

[6]

மண்ணோடு விண்ணளவும்    மனிதரொடு வானவர்க்கும் கண்ணாவாய் கண்ணாகா(து)    ஒழிதலும்நான் மிகக்கலங்கி அண்ணாவோ என்றண்ணாந்(து)    அலமந்து விளித்தாலும் நண்ணாயால் திருத்தில்லை    நடம்பயிலும் நம்பானே.

[7]

வாடாவாய் நாப்பிதற்றி    உனைநினைந்து நெஞ்சுருகி வீடாஞ்செய் குற்றேவல்    எற்றேமற் றிதுபொய்யில் கூடாமே கைவந்து    குறுகுமா(று) யான்உன்னை நாடாயால் திருத்தில்லை    நடம்பயிலும் நம்பானே.

[8]

வாளாமால் அயன்வீழ்ந்து    காண்பரிய மாண்பிதனைத் தோளாரக் கையாரத்    துணையாரத் தொழுதாலும் ஆளோநீ உடையதுவும்    அடியேன்உன் தாள்சேரும் நாளேதோ திருத்தில்லை    நடம்பயிலும் நம்பானே.

[9]

பாவார்ந்த தமிழ்மாலை    பத்தரடித் தொண்டனெடுத்(து) ஓவாதே அழைக்கின்றான்    என்றருளின் நன்றுமிகத் தேவேதென் திருத்தில்லைக்    கூத்தாடீ நாயடியேன் சாவாயும் நினைக்காண்டல்    இனியுனக்குத் தடுப்பரிதே.

[10]

This page was last modified on Sun, 09 Mar 2025 21:44:56 +0000
          send corrections and suggestions to admin-at-sivaya.org

thirumurai nool author %E0%AE%B5%E0%AF%87%E0%AE%A3%E0%AE%BE%E0%AE%9F%E0%AF%8D%E0%AE%9F%E0%AE%9F%E0%AE%BF%E0%AE%95%E0%AE%B3%E0%AF%8D book name %E0%AE%A4%E0%AE%BF%E0%AE%B0%E0%AF%81%E0%AE%B5%E0%AE%BF%E0%AE%9A%E0%AF%88%E0%AE%AA%E0%AF%8D%E0%AE%AA%E0%AE%BE+ lang tamil