This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.026   திருஞானசம்பந்த சுவாமிகள்   திருக்கடைக்காப்பு திருப்புத்தூர் - தக்கராகம் தீரசங்கராபரணம் ஆராபி ராகத்தில் திருமுறை அருள்தரு சிவகாமியம்மை உடனுறை அருள்மிகு புத்தூரீசர் திருவடிகள் போற்றி

https://www.youtube.com/watch?v=RbUaUwyjqEk   Add audio link

வெங்கள் விம்மு வெறியார் பொழிற்சோலை திங்க ளோடு திளைக்குந் திருப்புத்தூர்க் கங்கை தங்கு முடியா ரவர்போலும் எங்க ளுச்சி யுறையு மிறையாரே.	1
வேனல் விம்மு வெறியார் பொழிற்சோலைத் தேனும் வண்டுந் திளைக்குந் திருப்புத்தூர் ஊனமின்றி யுறைவா ரவர்போலும் ஏன முள்ளு மெயிறும் புனைவாரே.	2
பாங்கு நல்ல வரிவண் டிசைபாடத் தேங்கொள் கொன்றை திளைக்குந் திருப்புத்தூர் ஓங்கு கோயி லுறைவா ரவர்போலும் தாங்கு திங்கள் தவழ்புன் சடையாரே.	3
நாற விண்ட நறுமா மலர்கவ்வித் தேறல் வண்டு திளைக்குந் திருப்புத்தூர் ஊறல் வாழ்க்கை யுடையா ரவர்போலும் ஏறு கொண்ட கொடியெம் மிறையாரே.	4
இசைவி ளங்கு மெழில்சூழ்ந் தியல்பாகத் திசைவி ளங்கும் பொழில்சூழ் திருப்புத்தூர் பசைவி ளங்கப் படித்தா ரவர்போலும் வசைவி ளங்கும் வடிசேர் நுதலாரே.	5
Go to top
வெண்ணி றத்த விரையோ டலருந்தித் தெண்ணி றத்த புனல்பாய் திருப்புத்தூர் ஒண்ணி றத்த வொளியா ரவர்போலும் வெண்ணி றத்த விடைசேர் கொடியாரே.	6
நெய்த லாம்பல் கழுநீர் மலர்ந்தெங்கும் செய்கண் மல்கு சிவனார் திருப்புத்தூர்த் தையல் பாக மகிழ்ந்தா ரவர்போலும் மையு ணஞ்ச மருவு மிடற்றாரே.	7
கருக்க மெல்லாங் கமழும் பொழிற்சோலைத் திருக்கொள் செம்மை விழவார் திருப்புத்தூர் இருக்க வல்ல விறைவ ரவர்போலும் அரக்க னொல்க விரலா லடர்த்தாரே.	8
மருவி யெங்கும் வளரும் மடமஞ்ஞை தெருவு தோறுந் திளைக்குந் திருப்புத்தூர்ப் பெருகி வாழும் பெருமா னவன்போலும் பிரமன் மாலு மறியாப் பெரியோனே.	9
கூறை போர்க்குந் தொழிலா ரமண்கூறல் தேறல் வேண்டா தெளிமின் றிருப்புத்தூர் ஆறு நான்கு மமர்ந்தா ரவர்போலும் ஏறு கொண்ட கொடியெம் மிறையாரே.	10
Go to top
நல்ல கேள்வி ஞான சம்பந்தன் செல்வர் சேட ருறையுந் திருப்புத்தூர்ச் சொல்லல் பாடல் வல்லார் தமக்கென்றும் அல்லல் தீரு மவல மடையாவே.	11

Thevaaram Link  - Shaivam Link
Other song(s) from this location: திருப்புத்தூர்

1.026   திருஞானசம்பந்த சுவாமிகள்   திருக்கடைக்காப்பு   வெங் கள் விம்மு வெறி Tune - தக்கராகம்   (திருப்புத்தூர் புத்தூரீசர் சிவகாமியம்மை)

6.076   திருநாவுக்கரசர்   தேவாரம்   புரிந்து அமரர் தொழுது ஏத்தும் Tune - திருத்தாண்டகம்   (திருப்புத்தூர் புத்தூரீசர் சிவகாமியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.026