This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.060   திருஞானசம்பந்த சுவாமிகள்   திருக்கடைக்காப்பு திருப்பாசூர் - காந்தாரம் லதாங்கி நவரோசு கனநப்ரியா ராகத்தில் திருமுறை அருள்தரு பசுபதிநாயகியம்மை உடனுறை அருள்மிகு பாசூர்நாதர் திருவடிகள் போற்றி

https://www.youtube.com/watch?v=lK4XZljS70A  https://www.youtube.com/watch?v=t9JFCSZSqkU   Add audio link

சிந்தை யிடையார் தலையின் மிசையார் செஞ்சொல்லார் வந்து மாலை வைகும் போழ்தென் மனத்துள்ளார் மைந்தா மணாளா வென்ன மகிழ்வா ரூர்போலும் பைந்தண் மாதவி சோலை சூழ்ந்த பாசூரே.	1
பேரும் பொழுதும் பெயரும் பொழுதும் பெம்மானென் றாருந் தனையு மடியா ரேத்த வருள்செய்வார் ஊரு மரவ முடையார் வாழு மூர்போலும் பாரின் மிசையார் பாட லோவாப் பாசூரே.	2
கையாற் றொழுது தலைசாய்த் துள்ளங் கசிவார்கண் மெய்யார் குறையுந் துயருந் தீர்க்கும் விகிர்தனார் நெய்யா டுதலஞ் சுடையார் நிலாவு மூர்போலும் பைவாய் நாகங் கோடலீனும் பாசூரே.	3
பொங்கா டரவும் புனலுஞ் சடைமேற் பொலிவெய்தக் கொங்கார் கொன்றை சூடியென் னுள்ளங் குளிர்வித்தார் தங்கா தலியுந் தாமும் வாழு மூர்போலும் பைங்கான் முல்லை பல்லரும் பீனும் பாசூரே.	4
ஆடற் புரியு மைவா யரவொன் றரைச்சாத்தும் சேடச் செல்வர் சிந்தையு ளென்றும் பிரியாதார் வாடற் றலையிற் பலிதேர் கையா ரூர்போலும் பாடற் குயில்கள் பயில்பூஞ் சோலைப் பாசூரே.	5
Go to top
கானின் றதிரக் கனல்வாய் நாகங் கச்சாகத் தோலொன் றுடையார் விடையார் தம்மைத் தொழுவார்கள் மால்கொண் டோட மையல் தீர்ப்பா ரூர்போலும் பால்வெண் மதிதோய் மாடஞ் சூழ்ந்த பாசூரே.	6
கண்ணி னயலே கண்ணொன் றுடையார் கழலுன்னி எண்ணுந் தனையு மடியா ரேத்த வருள்செய்வார் உண்ணின் றுருக வுகவை தருவா ரூர்போலும் பண்ணின் மொழியார் பாட லோவாப் பாசூரே.	7
தேசு குன்றாத் தெண்ணீ ரிலங்கைக் கோமானைக் கூச வடர்த்துக் கூர்வாள் கொடுப்பார் தம்மையே பேசிப் பிதற்றப் பெருமை தருவா ரூர்போலும் பாசித் தடமும் வயலுஞ் சூழ்ந்த பாசூரே.	8
நகுவாய் மலர்மே லயனு நாகத் தணையானும் புகுவா யறியார் புறநின் றோரார் போற்றோவார் செகுவா யுகுபற் றலைசேர் கையா ரூர்போலும் பகுவாய் நாரை யாரல் வாரும் பாசூரே.	9
தூய வெயினின் றுழல்வார் துவர்தோ யாடையார் நாவில் வெய்ய சொல்லித் திரிவார் நயமில்லார் காவல் வேவக் கணையொன் றெய்தா ரூர்போலும் பாவைக் குரவம் பயில்பூஞ் சோலைப் பாசூரே.	10
Go to top
ஞான முணர்வான் காழி ஞான சம்பந்தன் தேனும் வண்டு மின்னிசை பாடுந் திருப்பாசூர்க் கானம் முறைவார் கழல்சேர் பாட லிவைவல்லார் ஊன மிலரா யும்பர் வானத் துறைவாரே.	11

Thevaaram Link  - Shaivam Link
Other song(s) from this location: திருப்பாசூர்

2.060   திருஞானசம்பந்த சுவாமிகள்   திருக்கடைக்காப்பு   சிந்தை இடையார், தலையின் மிசையார், Tune - காந்தாரம்   (திருப்பாசூர் பாசூர்நாதர் பசுபதிநாயகியம்மை)

5.025   திருநாவுக்கரசர்   தேவாரம்   முந்தி மூ எயில் எய்த Tune - திருக்குறுந்தொகை   (திருப்பாசூர் பாசூர்நாதர் பசுபதிநாயகியம்மை)

6.083   திருநாவுக்கரசர்   தேவாரம்   விண் ஆகி, நிலன் ஆகி, Tune - திருத்தாண்டகம்   (திருப்பாசூர் பாசூர்நாதர் பசுபதிநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.060