This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.011   திருஞானசம்பந்த சுவாமிகள்   திருக்கடைக்காப்பு திருப்புனவாயில் - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு கருணையீசுவரியம்மை உடனுறை அருள்மிகு புனவாயிலீசுவரர் திருவடிகள் போற்றி

https://www.youtube.com/watch?v=COYFQcwgvkk   Add audio link

மின்னியல் செஞ்சடை வெண்பிறை யன்விரி நூலினன் பன்னிய நான்மறை பாடியா டிப்பல வூர்கள்போய் அன்னமன் னந்நடை யாளொ டும்மம ரும்மிடம் புன்னைநன் மாமலர் பொன்னுதிர்க் கும்புன வாயிலே.	1
விண்டவர் தம்புர மூன்றெரித் துவிடை யேறிப்போய் வண்டம ருங்குழல் மங்கையொ டும்மகிழ்ந் தானிடம் கண்டலு ஞாழலு நின்றுபெ ருங்கடற் கானல்வாய்ப் புண்டரீ கம்மலர்ப் பொய்கைசூழ்ந் தபுன வாயிலே.	2
விடையுடை வெல்கொடி யேந்தினா னும்விறற் பாரிடம் புடைபட வாடிய வேடத்தா னும்புன வாயிலில் தொடைநவில் கொன்றையந் தாரினா னுஞ்சுடர் வெண்மழுப் படைவல னேந்திய பால்நெய்யா டும்பர மனன்றே.	3
சங்கவெண் தோடணி காதினா னுஞ்சடை தாழவே அங்கையி லங்கழ லேந்தினா னும்மழ காகவே பொங்கர வம்மணி மார்பினா னும்புன வாயிலில் பைங்கண்வெள் ளேற்றண்ண லாகிநின் றபர மேட்டியே.	4
கலிபடு தண்கடல் நஞ்சமுண் டகறைக் கண்டனும் புலியதள் பாம்பரைச் சுற்றினா னும்புன வாயிலில் ஒலிதரு தண்புன லோடெருக் கும்மத மத்தமும் மெலிதரு வெண்பிறை சூடிநின் றவிடை யூர்தியே.	5
Go to top
வாருறு மென்முலை மங்கைபா டநட மாடிப்போய்க் காருறு கொன்றைவெண் டிங்களா னுங்கனல் வாயதோர் போருறு வெண்மழு வேந்தினா னும்புன வாயிலில் சீருறு செல்வமல் கவ்விருந் தசிவ லோகனே.	6
பெருங்கடல் நஞ்சமு துண்டுகந் துபெருங் காட்டிடைத் திருந்திள மென்முலைத் தேவிபா டந்நட மாடிப்போய்ப் பொருந்தலர் தம்புர மூன்றுமெய் துபுன வாயிலில் இருந்தவன் தன்கழ லேத்துவார் கட்கிடர் இல்லையே.	7
மனமிகு வேலனவ் வாளரக் கன்வலி ஒல்கிட வனமிகு மால்வரை யால்அடர்த் தானிட மன்னிய இனமிகு தொல்புகழ் பாடல்ஆ டல்எழின் மல்கிய புனமிகு கொன்றையந் தென்றலார்ந் தபுன வாயிலே.	8
திருவளர் தாமரை மேவினா னும்திகழ் பாற்கடற் கருநிற வண்ணனும் காண்பரி யகட வுள்ளிடம் நரல்சுரி சங்கொடும் இப்பியுந் திந்நல மல்கிய பொருகடல் வெண்டிரை வந்தெறி யும்புன வாயிலே.	9
போதியெ னப்பெய ராயினா ரும்பொறி யில்சமண் சாதியு ரைப்பன கொண்டயர்ந் துதளர் வெய்தன்மின் போதவிழ் தண்பொழில் மல்குமந் தண்புன வாயிலில் வேதனை நாடொறு மேத்துவார் மேல்வினை வீடுமே.	10
Go to top
பொற்றொடி யாளுமை பங்கன்மே வும்புன வாயிலைக் கற்றவர் தாந்தொழு தேத்தநின் றகடற் காழியான் நற்றமிழ் ஞானசம் பந்தன்சொன் னதமிழ் நன்மையால் அற்றமில் பாடல்பத் தேத்தவல் லார்அருள் சேர்வரே.	11

Thevaaram Link  - Shaivam Link
Other song(s) from this location: திருப்புனவாயில்

3.011   திருஞானசம்பந்த சுவாமிகள்   திருக்கடைக்காப்பு   மின் இயல் செஞ்சடை வெண்பிறையன், Tune - காந்தாரபஞ்சமம்   (திருப்புனவாயில் புனவாயிலீசுவரர் கருணையீசுவரியம்மை)

7.050   சுந்தரமூர்த்தி சுவாமிகள்   திருப்பாட்டு   சித்தம்! நீ நினை! என்னொடு Tune - பழம்பஞ்சுரம்   (திருப்புனவாயில் பழம்பதிநாயகர் பரங்கருணைநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.011