This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.012   திருஞானசம்பந்த சுவாமிகள்   திருக்கடைக்காப்பு திருக்கோட்டாறு - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு வண்டமர்பூங்குழலம்மை உடனுறை அருள்மிகு ஐராபதேசுவரர் திருவடிகள் போற்றி

https://www.youtube.com/watch?v=N14WKJRXAM8   Add audio link

வேதியன் விண்ணவ ரேத்தநின் றான்விளங் கும்மறை ஓதிய வொண்பொரு ளாகிநின் றானொளி யார்கிளி கோதிய தண்பொழில் சூழ்ந்தழ கார்திருக் கோட்டாற்றுள் ஆதியை யேநினைந் தேத்தவல் லார்க்கல்ல லில்லையே.	1
ஏலம லர்க்குழன் மங்கைநல் லாள்இம வான்மகள் பாலம ருந்திரு மேனியெங் கள்பர மேட்டியும் கோலம லர்ப்பொழில் சூழ்ந்தெழி லார்திருக் கோட்டாற்றுள் ஆலநீ ழற்கீ ழிருந்தறஞ் சொன்ன அழகனே.	2
இலைமல்கு சூலமொன் றேந்தினா னுமிமை யோர்தொழ மலைமல்கு மங்கையோர் பங்கனா யம்மணி கண்டனும் குலைமல்கு தண்பொழில் சூழ்ந்தழ கார்திருக் கோட்டாற்றுள் அலைமல்கு வார்சடை யேற்றுகந் தவழ கனன்றே.	3
ஊனம ரும்முட லுள்ளிருந் தவ்வுமை பங்கனும் வானம ரும்மதி சென்னிவைத் தமறை யோதியும் தேனம ரும்மலர்ச் சோலைசூழ்ந் ததிருக் கோட்டாற்றுள் தானம ரும்விடை யானும்எங் கள்தலை வனன்றே.	4
வம்பல ரும்மலர்க் கோதைபா கம்மகிழ் மைந்தனும் செம்பவ ளத்திரு மேனிவெண் ணீறணி செல்வனும் கொம்பம ரும்மலர் வண்டுகெண் டுந்திருக் கோட்டாற்றுள் நம்பனெ னப்பணி வார்க்கருள் செய்யெங்கள் நாதனே.	5
Go to top
பந்தம ரும்விரன் மங்கைநல் லாளொரு பாகமா வெந்தம ரும்பொடிப் பூசவல் லவிகிர் தன்மிகும் கொந்தம ரும்மலர்ச் சோலைசூழ்ந் ததிருக் கோட்டாற்றுள் அந்தண னைநினைந் தேத்தவல் லார்க்கில்லை அல்லலே.	6
துண்டம ரும்பிறை சூடிநீ டுசுடர் வண்ணனும் வண்டம ருங்குழன் மங்கைநல் லாளொரு பங்கனும் தெண்டிரை நீர்வயல் சூழ்ந்தழ கார்திருக் கோட்டாற்றுள் அண்டமு மெண்டிசை யாகிநின் றவழ கனன்றே.	7
இரவம ருந்நிறம் பெற்றுடை யவிலங் கைக்கிறை கரவம ரக்கயி லையெடுத் தான்வலி செற்றவன் குரவம ரும்மலர்ச் சோலைசூழ்ந் ததிருக் கோட்டாற்றுள் அரவம ருஞ்சடை யானடி யார்க்கருள் செய்யுமே.	8
ஓங்கிய நாரண னான்முக னும்உண ராவகை நீங்கிய தீயுரு வாகிநின் றநிம லன்னிழற் கோங்கம ரும்பொழில் சூழ்ந்தெழி லார்திருக் கோட்டாற்றுள் ஆங்கம ரும்பெரு மானம ரர்க்கம ரனன்றே.	9
கடுக்கொடுத் ததுவ ராடையர் காட்சியில் லாததோர் தடுக்கிடுக் கிச்சம ணேதிரி வார்கட்குத் தன்னருள் கொடுக்ககில் லாக்குழ கன்அம ருந்திருக் கோட்டாற்றுள் இடுக்கணின் றித்தொழு வார்அம ரர்க்கிறை யாவரே.	10
Go to top
கொடியுயர் மால்விடை யூர்தியி னான்திருக் கோட்டாற்றுள் அடிகழ லார்க்கநின் றாடவல் லஅரு ளாளனைக் கடிகம ழும்பொழிற் காழியுண் ஞானசம் பந்தன்சொல் படியிவை பாடிநின் றாடவல் லார்க்கில்லை பாவமே.	11

Thevaaram Link  - Shaivam Link
Other song(s) from this location: திருக்கோட்டாறு

2.052   திருஞானசம்பந்த சுவாமிகள்   திருக்கடைக்காப்பு   கருந்தடங்கணின் மாதரார் இசை செய்ய, Tune - சீகாமரம்   (திருக்கோட்டாறு ஐராபதேசுவரர் வண்டமர்பூங்குழலம்மை)

3.012   திருஞானசம்பந்த சுவாமிகள்   திருக்கடைக்காப்பு   வேதியன், விண்ணவர் ஏத்த நின்றான், Tune - காந்தாரபஞ்சமம்   (திருக்கோட்டாறு ஐராபதேசுவரர் வண்டமர்பூங்குழலம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.012