This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.016   திருஞானசம்பந்த சுவாமிகள்   திருக்கடைக்காப்பு திருக்கொள்ளிக்காடு - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு பஞ்சினுமெல்லடியம்மை உடனுறை அருள்மிகு அக்கினீசுவரர் திருவடிகள் போற்றி

https://www.youtube.com/watch?v=yn9XSEdQ1fw   Add audio link

நிணம்படு சுடலையி னீறு பூசிநின் றிணங்குவர் பேய்களோ டிடுவர் மாநடம் உணங்கல்வெண் டலைதனில் உண்ப ராயினும் குணம்பெரி துடையர்நங் கொள்ளிக் காடரே.	1
ஆற்றநல் லடியிணை அலர்கொண் டேத்துவான் சாற்றிய அந்தணன் தகுதி கண்டநாள் மாற்றல னாகிமுன் னடர்த்து வந்தணை கூற்றினை யுதைத்தனர் கொள்ளிக் காடரே.	2
அத்தகு வானவர்க் காக மால்விடம் வைத்தவர் மணிபுரை கண்டத் தின்னுளே மத்தமும் வன்னியும் மலிந்த சென்னிமேல் கொத்தலர் கொன்றையர் கொள்ளிக் காடரே.	3
பாவண மேவுசொன் மாலை யிற்பல நாவணங் கொள்கையின் நவின்ற செய்கையர் ஆவணங் கொண்டெமை யாள்வ ராயினும் கோவணங் கொள்கையர் கொள்ளிக் காடரே.	4
வாரணி வனமுலை மங்கை யாளொடும் சீரணி திருவுருத் திகழ்ந்த சென்னியர நாரணி சிலைதனால் நணுக லாரெயில் கூரெரி கொளுவினர் கொள்ளிக் காடரே.	5
Go to top
பஞ்சுதோய் மெல்லடிப் பாவை யாளொடும் மஞ்சுதோய் கயிலையுள் மகிழ்வர் நாள்தொறும் வெஞ்சின மருப்பொடு விரைய வந்தடை குஞ்சரம் உரித்தனர் கொள்ளிக் காடரே.	6
இறையுறு வரிவளை யிசைகள் பாடிட அறையுறு கழலடி ஆர்க்க ஆடுவர் சிறையுறு விரிபுனல் சென்னி யின்மிசைக் குறையுறு மதியினர் கொள்ளிக் காடரே.	7
எடுத்தனன் கயிலையை யியல்வ லியினால் அடர்த்தனர் திருவிர லால்அ லறிடப் படுத்தன ரென்றவன் பாடல் பாடலும் கொடுத்தனர் கொற்றவாள் கொள்ளிக் காடரே.	8
தேடினா ரயன்முடி மாலுஞ் சேவடி நாடினா ரவரென்று நணுக கிற்றிலர் பாடினார் பரிவொடு பத்தர் சித்தமும் கூடினார்க் கருள் செய்வர் கொள்ளிக் காடரே.	9
நாடிநின் றறிவில்நா ணிலிகள் சாக்கியர் ஓடிமுன் னோதிய வுரைகள் மெய்யல பாடுவர் நான்மறை பயின்ற மாதொடும் கூடுவர் திருவுருக் கொள்ளிக் காடரே.	10
Go to top
நற்றவர் காழியுண் ஞானசம் பந்தன் குற்றமில் பெரும்புகழ்க் கொள்ளிக் காடரைச் சொற்றமி ழின்னிசை மாலை சோர்வின்றிக் கற்றவர் கழலடி காண வல்லரே.	11

Thevaaram Link  - Shaivam Link
Other song(s) from this location: திருக்கொள்ளிக்காடு

3.016   திருஞானசம்பந்த சுவாமிகள்   திருக்கடைக்காப்பு   நிணம் படு சுடலையில், நீறு Tune - காந்தாரபஞ்சமம்   (திருக்கொள்ளிக்காடு அக்கினீசுவரர் பஞ்சினுமெல்லடியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.016