This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.027   திருஞானசம்பந்த சுவாமிகள்   திருக்கடைக்காப்பு திருச்சக்கரப்பள்ளி (ஐயம்பேட்டை) - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு அல்லியங்கோதையம்மை உடனுறை அருள்மிகு ஆலந்துறைஈசுவரர் திருவடிகள் போற்றி

https://www.youtube.com/watch?v=Qdw7TRf0eKk   Add audio link

படையினார் வெண்மழுப் பாய்புலித் தோலரை உடையினார் உமையொரு கூறனார் ஊர்வதோர் விடையினார் வெண்பொடிப் பூசியார் விரிபுனல் சடையினார் உறைவிடஞ் சக்கரப் பள்ளியே.	1
பாடினார் அருமறை பனிமதி சடைமிசைச் சூடினார் படுதலை துன்எருக் கதனொடும் நாடினார் இடுபலி நண்ணியோர் காலனைச் சாடினார் வளநகர் சக்கரப் பள்ளியே.	2
மின்னினார் சடைமிசை விரிகதிர் மதியமும் பொன்னினார் கொன்றையும் பொறிகிளர் அரவமும் துன்னினார் உலகெலாம் தொழுதெழ நான்மறை தன்னினார் வளநகர் சக்கரப் பள்ளியே.	3
நலமலி கொள்கையார் நான்மறை பாடலார் வலமலி மழுவினார் மகிழும்ஊர் வண்டறை மலர்மலி சலமொடு வந்திழி காவிரி சலசல மணிகொழி சக்கரப் பள்ளியே.	4
வெந்தவெண் பொடியணி வேதியர் விரிபுனல் அந்தமில் அணிமலை மங்கையோ டமரும்ஊர் கந்தமார் மலரொடு காரகில் பல்மணி சந்தினோடு அணைபுனற் சக்கரப் பள்ளியே.	5
Go to top
பாங்கினான் முப்புரம் பாழ்பட வெஞ்சிலை வாங்கினார் வானவர் தானவர் வணங்கிட ஓங்கினார் உமையொரு கூறொடும் ஒலிபுனல் தாங்கினார் உறைவிடஞ் சக்கரப் பள்ளியே.	6
பாரினார் தொழுதெழு பரவுபல் லாயிரம் பேரினார் பெண்ணொரு கூறனார் பேரொலி நீரினார் சடைமுடி நிரைமலர்க் கொன்றையந் தாரினார் வளநகர் சக்கரப் பள்ளியே.	7
முதிரிலா வெண்பிறை சூடினார் முன்னநாள் எதிரிலா முப்புரம் எரிசெய்தார் வரைதனால் அதிரிலா வல்லரக் கன்வலி வாட்டிய சதிரினார் வளநகர் சக்கரப் பள்ளியே.	8
துணிபடு கோவணம் சுண்ணவெண் பொடியினர் பணிபடு மார்பினர் பனிமதிச் சடையினர் மணிவணன் அவனொடு மலர்மிசை யானையும் தணிவினர் வளநகர் சக்கரப் பள்ளியே.	9
உடம்புபோர் சீவரர் ஊண்டொழிற் சமணர்கள் விடம்படும் உரையவை மெய்யல விரிபுனல் வடம்படு மலர்கொடு வணங்குமின் வைகலும் தடம்புனல் சூழ்தரு சக்கரப் பள்ளியே.	10
Go to top
தண்வயல் புடையணி சக்கரப் பள்ளியெம் கண்ணுத லவனடிக் கழுமல வளநகர் நண்ணிய செந்தமிழ் ஞானசம் பந்தன்சொல் பண்ணிய விவைசொலப் பறையுமெய்ப் பாவமே.	11

Thevaaram Link  - Shaivam Link
Other song(s) from this location: திருச்சக்கரப்பள்ளி (ஐயம்பேட்டை)

3.027   திருஞானசம்பந்த சுவாமிகள்   திருக்கடைக்காப்பு   படையினார், வெண்மழு; பாய் புலித்தோல் Tune - கொல்லி   (திருச்சக்கரப்பள்ளி (ஐயம்பேட்டை) ஆலந்துறைஈசுவரர் அல்லியங்கோதையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.027