This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.033   திருஞானசம்பந்த சுவாமிகள்   திருக்கடைக்காப்பு திருவுசாத்தானம் (கோவிலூர்) - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு பெரியநாயகியம்மை உடனுறை அருள்மிகு மந்திரபுரீசுவரர் திருவடிகள் போற்றி

https://www.youtube.com/watch?v=nUrPk4HHz-Y   Add audio link

நீரிடைத் துயின்றவன் றம்பிநீள் சாம்புவான் போருடைச் சுக்கிரீ வன்அநு மான்றொழக் காருடை நஞ்சுண்டு காத்தருள் செய்தவெம் சீருடைச் சேடர்வாழ் திருவுசாத் தானமே.	1
கொல்லையே றுடையவன் கோவண ஆடையன் பல்லையார் படுதலைப் பலிகொளும் பரமனார் முல்லையார் புறவணி முதுபதி நறைகமழ் தில்லையா னுறைவிடந் திருவுசாத் தானமே.	2
தாமலார் போலவே தக்கனார் வேள்வியை ஊமனார் தங்கனா வாக்கினா னொருநொடிக் காமனா ருடல்கெடக் காய்ந்தவெங் கண்ணுதல் சேமமா வுறைவிடந் திருவுசாத் தானமே.	3
மறிதரு கரத்தினான் மால்விடை யேறியான் குறிதரு கோலநற் குணத்தினா ரடிதொழ நெறிதரு வேதியர் நித்தலு நியமஞ்செய் செறிதரு பொழிலணி திருவுசாத் தானமே.	4
பண்டிரைத் தயனுமா லும்பல பத்தர்கள் தொண்டிரைத் தும்மலர் தூவித்தோத் திரஞ்சொலக் கொண்டிரைக் கொடியொடுங் குருகினி னல்லினம் தெண்டிரைக் கழனிசூழ் திருவுசாத் தானமே.	7
மடவரல் பங்கினன் மலைதனை மதியாது சடசட வெடுத்தவன் தலைபத்து நெரிதர அடர்தர வூன்றியங் கேயவற் கருள்செய்தான் திடமென வுறைவிடந் திருவுசாத் தானமே.	8
ஆணலார் பெண்ணலார் அயனொடு மாலுக்கும் காணொணா வண்ணத்தான் கருதுவார் மனத்துளான் பேணுவார் பிணியொடும் பிறப்பறுப் பானிடம் சேணுலா மாளிகைத் திருவுசாத் தானமே.	9
கானமார் வாழ்க்கையான் காரமண் டேரர்சொல் ஊனமாக் கொண்டுநீ ருரைமினுய் யவெனில் வானமார் மதிலணி மாளிகை வளர்பொழில் தேனமா மதியந்தோய் திருவுசாத் தானமே.	10
Go to top
வரைதிரிந் திழியுநீர் வளவயற் புகலிமன் திரைதிரிந் தெறிகடற் றிருவுசாத் தானரை உரைதெரிந் துணருஞ்சம் பந்தனொண் தமிழ்வல்லார் நரைதிரை யின்றியே நன்னெறி சேர்வரே.	11

Thevaaram Link  - Shaivam Link
Other song(s) from this location: திருவுசாத்தானம் (கோவிலூர்)

3.033   திருஞானசம்பந்த சுவாமிகள்   திருக்கடைக்காப்பு   நீர் இடைத் துயின்றவன், தம்பி, Tune - கொல்லி   (திருவுசாத்தானம் (கோவிலூர்) மந்திரபுரீசுவரர் பெரியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.033