This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.090   திருஞானசம்பந்த சுவாமிகள்   திருக்கடைக்காப்பு திருத்துருத்தியும் - திருவேள்விக்குடியும் - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=3ZbtFcwzvZ0   Add audio link

ஓங்கிமே லுழிதரு மொலிபுனற் கங்கையை யொருசடைமேல் தாங்கினா ரிடுபலி தலைகல னாக்கொண்ட தம்மடிகள் பாங்கினா லுமையொடு பகலிடம் புகலிடம் பைம்பொழில்சூழ் வீங்குநீர்த் துருத்தியா ரிரவிடத் துறைவர்வேள் விக்குடியே.	1
தூறுசேர் சுடலையிற் சுடரெரி யாடுவர் துளங்கொளிசேர் நீறுசாந் தெனவுகந் தணிவர்வெண் பிறைபுல்கு சடைமுடியார் நாறுசாந் திளமுலை யரிவையோ டொருபக லமர்ந்தபிரான் வீறுசேர் துருத்தியா ரிரவிடத் துறைவர்வேள் விக்குடியே.	2
மழைவள ரிளமதி மலரொடு தலைபுல்கு வார்சடைமேல் கழைவளர் புனல்புகக் கண்டவெங் கண்ணுதற் கபாலியார்தாம் இழைவளர் துகிலல்கு லரிவையோ டொருபக லமர்ந்தபிரான் விழைவளர் துருத்தியா ரிரவிடத் துறைவர்வேள் விக்குடியே.	3
கரும்பன வரிசிலைப் பெருந்தகைக் காமனைக் கவினழித்த சுரும்பொடு தேன்மல்கு தூமலர்க் கொன்றையஞ் சுடர்ச்சடையார் அரும்பன வனமுலை யரிவையொ டொருபக லமர்ந்தபிரான் விரும்பிடம் துருத்தியா ரிரவிடத் துறைவர்வேள் விக்குடியே	4
வளங்கிளர் மதியமும் பொன்மலர்க் கொன்றையும் வாளரவும் களங்கொளச் சடையிடை வைத்தஎங் கண்ணுதற் கபாலியார்தாம் துளங்குநூன் மார்பின ரரிவையொ டொருபக லமர்ந்தபிரான் விளங்குநீர்த் துருத்தியா ரிரவிடத் துறைவர்வேள் விக்குடியே.	5
Go to top
பொறியுலா மடுபுலி யுரிவையர் வரியராப் பூண்டிலங்கும் நெறியுலாம் பலிகொளு நீர்மையர் சீர்மையை நினைப்பரியார் மறியுலாங் கையினர் மங்கையொ டொருபக லமர்ந்தபிரான் வெறியுலாந் துருத்தியா ரிரவிடத் துறைவர்வேள் விக்குடியே.	6
புரிதரு சடையினர் புலியுரி யரையினர் பொடியணிந்து திரிதரு மியல்பினர் திரிபுர மூன்றையுந் தீவளைத்தார் வரிதரு வனமுலை மங்கையொ டொருபக லமர்ந்தபிரான் விரிதரு துருத்தியா ரிரவிடத் துறைவர்வேள் விக்குடியே.	7
நீண்டிலங் கவிரொளி நெடுமுடி யரக்கனிந் நீள்வரையைக் கீண்டிடந் திடுவனென் றெழுந்தவ னாள்வினை கீழ்ப்படுத்தார் பூண்டநூன் மார்பின ரரிவையொ டொருபக லமர்ந்தபிரான் வேண்டிடந் துருத்தியா ரிரவிடத் துறைவர்வேள் விக்குடியே.	8
கரைகட லரவணைக் கடவுளுந் தாமரை நான்முகனும் குரைகழ லடிதொழக் கூரெரி யெனநிறங் கொண்டபிரான் வரைகெழு மகளொடும் பகலிடம் புகலிடம் வண்பொழில்சூழ் விரைகமழ் துருத்தியா ரிரவிடத் துறைவர்வேள் விக்குடியே.	9
அயமுக வெயினிலை யமணருங் குண்டருஞ் சாக்கியரும் நயமுக வுரையினர் நகுவன சரிதைகள் செய்துழல்வார் கயலன வரிநெடுங் கண்ணியொ டொருபக லமர்ந்தபிரான் வியனகர்த் துருத்தியா ரிரவிடத் துறைவர்வேள் விக்குடியே.	10
Go to top
விண்ணுலாம் விரிபொழில் விரைமணற் றுருத்திவேள் விக்குடியும் ஒண்ணுலாம் மொலிகழ லாடுவா ரரிவையொ டுறைபதியை நண்ணுலாம் புகலியு ளருமறை ஞானசம் பந்தன்சொன்ன பண்ணுலா மருந்தமிழ் பாடுவா ராடுவார் பழியிலரே.	11

Thevaaram Link  - Shaivam Link
Other song(s) from this location: திருத்துருத்தியும் - திருவேள்விக்குடியும்

3.090   திருஞானசம்பந்த சுவாமிகள்   திருக்கடைக்காப்பு   ஓங்கி மேல் உழிதரும் ஒலி Tune - சாதாரி   (திருத்துருத்தியும் - திருவேள்விக்குடியும் )

7.018   சுந்தரமூர்த்தி சுவாமிகள்   திருப்பாட்டு   மூப்பதும் இல்லை; பிறப்பதும் இல்லை; Tune - நட்டராகம்   (திருத்துருத்தியும் - திருவேள்விக்குடியும் )

7.074   சுந்தரமூர்த்தி சுவாமிகள்   திருப்பாட்டு   மின்னும் மா மேகங்கள் பொழிந்து Tune - காந்தாரம்   (திருத்துருத்தியும் - திருவேள்விக்குடியும் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.090