This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

1275   பொதுப்பாடல்கள் திருப்புகழ் ( குருஜி இராகவன் # 415 - வாரியார் # 1178 )
மூலா நிலமதின்
முன் திருப்புகழ்   அடுத்த திருப்புகழ்

தானா தனதன தானா தனதன      தானா தனதன ...... தனதான

மூலா நிலமதின் மேலே மனதுறு      மோகா டவிசுடர் ...... தனைநாடி மோனா நிலைதனை நானா வகையிலு      மோதா நெறிமுறை ...... முதல்கூறும் லீலா விதமுன தாலே கதிபெற      நேமா ரகசிய ...... வுபதேசம் நீடூ ழிதனிலை வாடா மணியொளி      நீதா பலமது ...... தருவாயே நாலா ருசியமு தாலே திருமறை      நாலா யதுசெப ...... மணிமாலை நாடாய் தவரிடர் கேடா வரிகரி      நாரா யணர்திரு ...... மருகோனே சூலா திபர்சிவ ஞானார் யமனுதை      காலார் தரவரு ...... குருநாதா தோதீ திகுதிகு தீதீ செகசெக      சோதீ நடமிடு ...... பெருமாளே.

மனதுறு மோக அடவி மூலா நிலமதின் மேலே சுடர் தனைநாடி மோனா நிலைதனை நானா வகையிலும் ஓதா நெறிமுறை முதல்கூறும் லீலா விதம் உனதாலே கதிபெற நேமா ரகசிய வுபதேசம் பலமது தருவாயே நீடூழிதனிலை வாடா மணியொளி நீதா நாலா ருசியமுதாலே திருமறை நாலாயது செப மணிமாலை நாடாய் தவரிடர் கேடா அரிகரி நாரா யணர்திரு மருகோனே சூலா திபர்சிவ ஞானார் யமனுதை காலார் தரவரு குருநாதா தோதீ திகுதிகு தீதீ செக செக சோதீ நடமிடு பெருமாளே.

(முதல் இரண்டு அடிகளை அன்வயப்படுத்தி பொருள் தரப்படுகிறது) மனத்தில் பொருந்தியுள்ள ஆசை என்ற காடு (வேறு வழிகளில் செல்லாமல்) மூலாதார நிலைக்கு மேல் உள்ள ஜோதியினை நாடிச்சென்று, மெளன நிலையை, பலவகைகளிலும் கற்று, நன்னெறி வகைகளைக் காட்டுகின்ற உனது பலவகையான விளையாட்டுக்களை உன்னருளாலே யான் கண்டு முக்தி பெற, ஒழுக்க விதிக்கு உட்பட்ட ரகசிய உபதேசத்தின் பயன்தனை எனக்கு அருள்வாயாக. நீண்ட ஊழிக்காலத்தும் (எப்போதும்) தன் நிலை வாடாத சுயம்பிரகாச மணி ஜோதியே, நீதிமானே, பலவகையான இன்பச் சுவையமுதம் பருகிய உணர்ச்சியாலே, அழகிய வேதங்கள் நான்கையும், ஜெபமணிமாலை கொண்டு நாடிச் சென்று ஆராயும் தவ சிரேஷ்டர்களின் துன்பங்களை அழிப்பவனே, ஹரி ஹரி என்று ஓதப்படும் நாராயணரின், லக்ஷ்மியின் மருமகனே, சூலாயுதம் ஏந்திய தலைவரும், சிவஞானத்தினரும், காலனை உதைத்த திருவடியினருமான சிவபெருமான் தந்தருள வந்த குருமூர்த்தியே, தோதீ திகுதிகு தீதீ செக என்ற தாளத்தில் ஜெகஜ்ஜோதியாக நடனம் செய்யும் பெருமாளே.

Audio/Video Link(s)

Add (additional) Audio/Video Link

(முதல் இரண்டு அடிகளை அன்வயப்படுத்தி பொருள் தரப்படுகிறது) மனதுறு மோக அடவி ... மனத்தில் பொருந்தியுள்ள ஆசை என்ற காடு மூலா நிலமதின் மேலே சுடர் தனைநாடி ... (வேறு வழிகளில் செல்லாமல்) மூலாதார நிலைக்கு மேல் உள்ள ஜோதியினை நாடிச்சென்று, மோனா நிலைதனை நானா வகையிலும் ஓதா ... மெளன நிலையை, பலவகைகளிலும் கற்று, நெறிமுறை முதல்கூறும் ... நன்னெறி வகைகளைக் காட்டுகின்ற லீலா விதம் உனதாலே கதிபெற ... உனது பலவகையான விளையாட்டுக்களை உன்னருளாலே யான் கண்டு முக்தி பெற, நேமா ரகசிய வுபதேசம் ... ஒழுக்க விதிக்கு உட்பட்ட ரகசிய உபதேசத்தின் பலமது தருவாயே ... பயன்தனை எனக்கு அருள்வாயாக. நீடூழிதனிலை வாடா மணியொளி நீதா ... நீண்ட ஊழிக்காலத்தும் (எப்போதும்) தன் நிலை வாடாத சுயம்பிரகாச மணி ஜோதியே, நீதிமானே, நாலா ருசியமுதாலே ... பலவகையான இன்பச் சுவையமுதம் பருகிய உணர்ச்சியாலே, திருமறை நாலாயது செப மணிமாலை ... அழகிய வேதங்கள் நான்கையும், ஜெபமணிமாலை கொண்டு நாடாய் தவரிடர் கேடா ... நாடிச் சென்று ஆராயும் தவ சிரேஷ்டர்களின் துன்பங்களை அழிப்பவனே, அரிகரி நாரா யணர்திரு மருகோனே ... ஹரி ஹரி என்று ஓதப்படும் நாராயணரின், லக்ஷ்மியின் மருமகனே, சூலா திபர்சிவ ஞானார் ... சூலாயுதம் ஏந்திய தலைவரும், சிவஞானத்தினரும், யமனுதை காலார் ... காலனை உதைத்த திருவடியினருமான சிவபெருமான் தரவரு குருநாதா ... தந்தருள வந்த குருமூர்த்தியே, தோதீ திகுதிகு தீதீ செக ... தோதீ திகுதிகு தீதீ செக என்ற தாளத்தில் செக சோதீ நடமிடு பெருமாளே. ... ஜெகஜ்ஜோதியாக நடனம் செய்யும் பெருமாளே.

Similar songs:

112 - ஆதாளிகள் புரி (பழநி)

தானா தனதன தானா தனதன
     தானா தனதன ...... தனதான

1275 - மூலா நிலமதின் (பொதுப்பாடல்கள்)

தானா தனதன தானா தனதன
     தானா தனதன ...... தனதான

Songs from this thalam பொதுப்பாடல்கள்

This page was last modified on Fri, 11 Apr 2025 05:32:46 +0000
 

1
	send corrections and suggestions to admin-at-sivaya.org thiruppugazh song lang tamil sequence no 1275