This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

688   திருமயிலை திருப்புகழ் ( குருஜி இராகவன் # 255 - வாரியார் # 696 )
அமரும் அமரர்
முன் திருப்புகழ்   அடுத்த திருப்புகழ்

தனன தனதனன தனன தனதனன      தனன தனதனன ...... தனதான

அமரு மமரரினி லதிக னயனுமரி      யவரும் வெருவவரு ...... மதிகாளம் அதனை யதகரண விதன பரிபுரண      மமைய னவர்கரண ...... அகிலேச நிமிர வருள்சரண நிபிட மதெனவுன      நிமிர சமிரமய ...... நியமாய நிமிட மதனிலுண வலசி வசுதவர      நினது பதவிதர ...... வருவாயே சமர சமரசுர அசுர விதரபர      சரத விரதஅயில் ...... விடுவோனே தகுர்த தகுர்ததிகு திகுர்த திகுர்ததிகு      தரர ரரரரிரி ...... தகுர்தாத எமர நடனவித மயிலின் முதுகில்வரு      மிமைய மகள்குமர ...... எமதீச இயலி னியல்மயிலை நகரி லினிதுறையு      மெமது பரகுரவ ...... பெருமாளே.

அமரும் அமரரினில் அதிகன் அயனும் அரியவரும் வெருவ வரும் அதிகாளம் அதனை அதகரண விதன பரிபுரணமமை அ(ன்)னவர்கரண அகிலேச நிமிர வருள்சரண நிபிடம் அது என உன நிமிர சமிரமய நியமாய நிமிடமதனில் உணவல சிவசுதவர நினது பதவிதர வருவாயே சமரச அமர சுர விதரபர அசுர சரத விரதஅயில் விடுவோனே தகுர்த தகுர்ததிகு திகுர்த திகுர்ததிகு தரர ரரரரிரி தகுர்தாத எமர நடனவித மயிலின் முதுகில்வரும் இமைய மகள்குமர எமதீச இயலி னியல் மயிலை நகரில் இனிதுறையும் எமது பரகுரவ பெருமாளே.

சிறந்த தேவர்களில் மேம்பட்டவனான இந்திரன், பிரம்மா, திருமால் ஆகியோர் அஞ்சும்படி வந்த ஆலகால விஷத்தினை (அடக்குவதற்காக) மனச் சஞ்சலத்தை ஹதம் செய்பவனே, சிந்தை நிறைந்த சாந்தர் மனத்தில் இருப்பவனே, அகில உலகிற்கும் ஈசனே, எம் தாழ்வு நீங்கி யாம் நிமிர்ந்திட உன் திருவடி அருளவேண்டும், (அவ்விஷம்) எம்மை நெருங்கி வருகிறது, என்றெல்லாம் எல்லா தேவர்களும் முறையிட, நினைக்கின்ற மாத்திரத்திலேயே, வாயு வேகத்தில், (சரணடைந்தவர்களைக் காப்பதுதான்) கடமையென்று நிமிஷ நேரத்தில் (அந்த விஷத்தை) உண்டருளிய சிவனுடைய சிரேஷ்டமான குமாரனே, உனது குகசாயுஜ்ய பதவியைத் தந்திட வரவேண்டும். ஒற்றுமையான பெருந்தன்மையுள்ள தேவர்களுக்கு பகைவர்களாகிய அசுரர்கள் மேல் சத்தியமான ஆக்ஞாசக்தி வேலை விடுவோனே, (என்னும் அதே ஒலியில்) (முருகன் அடியாராகிய) எம்மவருக்கு ஏற்ற நடனவகைகள் செய்யும் மயிலின் முதுகின் மேல் வருகின்றவனே, இமயராஜன் மகள் பார்வதி பெற்ற குமரா, எம் இறைவனே, தகுதி வாய்ந்துள்ள திருமயிலை நகரிலே இன்பமாக வாழும் எங்கள் மேலான குருதேவப் பெருமாளே.

Audio/Video Link(s)

Add (additional) Audio/Video Link

அமரும் அமரரினில் அதிகன் ... சிறந்த தேவர்களில் மேம்பட்டவனான இந்திரன், அயனும் அரியவரும் வெருவ வரும் ... பிரம்மா, திருமால் ஆகியோர் அஞ்சும்படி வந்த அதிகாளம் அதனை ... ஆலகால விஷத்தினை (அடக்குவதற்காக) அதகரண விதன ... மனச் சஞ்சலத்தை ஹதம் செய்பவனே, பரிபுரணமமை அ(ன்)னவர்கரண ... சிந்தை நிறைந்த சாந்தர் மனத்தில் இருப்பவனே, அகிலேச ... அகில உலகிற்கும் ஈசனே, நிமிர வருள்சரண ... எம் தாழ்வு நீங்கி யாம் நிமிர்ந்திட உன் திருவடி அருளவேண்டும், நிபிடம் அது என ... (அவ்விஷம்) எம்மை நெருங்கி வருகிறது, என்றெல்லாம் எல்லா தேவர்களும் முறையிட, உன நிமிர ... நினைக்கின்ற மாத்திரத்திலேயே, சமிரமய ... வாயு வேகத்தில், நியமாய ... (சரணடைந்தவர்களைக் காப்பதுதான்) கடமையென்று நிமிடமதனில் உணவல ... நிமிஷ நேரத்தில் (அந்த விஷத்தை) உண்டருளிய சிவசுதவர ... சிவனுடைய சிரேஷ்டமான குமாரனே, நினது பதவிதர வருவாயே ... உனது குகசாயுஜ்ய பதவியைத் தந்திட வரவேண்டும். சமரச அமர சுர ... ஒற்றுமையான பெருந்தன்மையுள்ள தேவர்களுக்கு விதரபர அசுர ... பகைவர்களாகிய அசுரர்கள் மேல் சரத விரதஅயில் விடுவோனே ... சத்தியமான ஆக்ஞாசக்தி வேலை விடுவோனே, தகுர்த தகுர்ததிகு திகுர்த திகுர்ததிகு தரர ரரரரிரி தகுர்தாத ... (என்னும் அதே ஒலியில்) எமர நடனவித ... (முருகன் அடியாராகிய) எம்மவருக்கு ஏற்ற நடனவகைகள் செய்யும் மயிலின் முதுகில்வரும் ... மயிலின் முதுகின் மேல் வருகின்றவனே, இமைய மகள்குமர எமதீச ... இமயராஜன் மகள் பார்வதி பெற்ற குமரா, எம் இறைவனே, இயலி னியல் ... தகுதி வாய்ந்துள்ள மயிலை நகரில் இனிதுறையும் ... திருமயிலை நகரிலே இன்பமாக வாழும் எமது பரகுரவ பெருமாளே. ... எங்கள் மேலான குருதேவப் பெருமாளே.

Similar songs:

127 - கடலை பொரியவரை (பழநி)

தனன தனதனன தனன தனதனன
     தனன தனதனன ...... தனதான

688 - அமரும் அமரர் (திருமயிலை)

தனன தனதனன தனன தனதனன
     தனன தனதனன ...... தனதான

Songs from this thalam திருமயிலை

688 - அமரும் அமரர்

689 - அயில் ஒத்து எழும்

690 - அறமிலா அதி

691 - இகல வருதிரை

692 - இணையது இலதாம்

693 - களபம் மணி ஆரம்

694 - கடிய வேக

695 - திரைவார் கடல்

696 - நிரைதரு மணியணி

697 - வரும் மயில் ஒத்தவர்

This page was last modified on Fri, 11 Apr 2025 05:32:46 +0000
 

1
	send corrections and suggestions to admin-at-sivaya.org thiruppugazh song lang tamil sequence no 688