This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

1330   திருப்பூவணம் திருப்புகழ் ( )
வானவராதி யோர்
முன் திருப்புகழ்   அடுத்த திருப்புகழ்

தானனதான தானனதான தானனதான ...... தனதான      தானனதான தானனதான தானனதான ...... தனதான

வானவராதி யோர்சிறைமேவ மாவலியேசெய் ...... திடுசூரன்      மார்பிருகூற தாய்விடவாரி வாய்விடவேலை ...... விடுதீரா கானவர்பாவை காதலனான காசணிபார ...... தனமார்பா      காலனைமோது காலகபால காளகளேசர் ...... தருபாலா தேனமர்நீப மாலைவிடாத சேவகஞான ...... முதல்வோனே      தீயகுணாதி பாவிநினாது சேவடிகாண ...... அருள்வாயே போனகசாலை யாதுலர்வாழ வீதிகடோறும் ...... நனிமேவு      பூவணமான மாநகர்வாழு நாதகுகேச ...... பெருமாளே. குறிப்பு: காளகளேசர்=விசத்தைக் கண்டத்திலுடையவர், போனகம்=போஜனம்=அன்னம். ......... உரை ......... வானவர்கள் அனைவரும் பத்மாசுரனால் சிறையில் அடைக்கப்பட்டனர். மிகவும் வலிமை பொருந்திய இந்த அசுரனின் மார்பினை இரண்டு கூறாக ஆக்கிடுமாறு வேலைவிடுத்த தீரனாகிய முருகப் பெருமானே! கானகத்தின் குறமகளான வள்ளியின் காதலுக்கு அடிமையானவனே! எமனை எதிர்த்து காலங்களையெல்லாம் கடந்து ஆலகால விசத்தையுண்ட பரமேசுரனின் மைந்தனே! தேன் உதிரும் நீபமாலையை எப்பொழுதும் அணிந்து சேவக ஞான முதல்வனாய் விளங்குபவனே. தீயகுணங்களைக் கொண்ட பாவியாகிய நான் உனது சேவடிகளைக் காண நீ அருளவேண்டும். வீதிகள் தோறும் அன்னதானம் நடைபெறும் சிறப்புப் பெற்ற திருப்பூவணமான மாநகரில் வாழும் நாதகுகேசப் பெருமானே, நீ எனக்கு அருளவேண்டும்.

NULL

Add (additional) Audio/Video Link
Similar songs:

1330 - வானவராதி யோர் (திருப்பூவணம்)

தானனதான தானனதான தானனதான ...... தனதான
     தானனதான தானனதான தானனதான ...... தனதான

Songs from this thalam திருப்பூவணம்

1329 - அறப்பாவை அத்தற்கு

1330 - வானவராதி யோர்

1331 - பந்தப்பொற் பார
 

1

send corrections and suggestions to admin-at-sivaya.org
This page was last modified on Tue, 30 Dec 2025 15:21:40 +0000