திருமுறை 4.075 Thirumurai in tamil

சிவய.திருக்கூட்டம்
sivaya.org
Please set your language preference by clicking language links. Or with Google

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

4.075 திருநாவுக்கரசர் தேவாரம்
பொது -தனித் திருநேரிசை - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு உடனுறை அருள்மிகு திருவடிகள் போற்றி

சிவானந்த முதிர்வு சிவனைத் தவிர வேறு எந்தத் தெய்வத்தையும் போற்றமாட்டேன்
+ Show Meaning https://www.youtube.com/watch?v=C8xKUbvG84M Add audio link

தொண்டனேன் பட்ட தென்னே தூயகா விரியி னன்னீர்
கொண்டிருக் கோதி யாட்டிக் குங்குமக் குழம்பு சாத்தி
இண்டைகொண் டேற நோக்கி யீசனை யெம்பி ரானைக்
கண்டனைக் கண்டி ராதே காலத்தைக் கழித்த வாறே.

1

பின்னிலேன் முன்னிலே னான் பிறப்பறுத் தருள்செய் வானே
என்னிலே னாயி னேனா னிளங்கதிர்ப் பயலைத் திங்கள்
சின்னிலா வெறிக்குஞ் சென்னிச் சிவபுரத் தமர ரேறே
நின்னலாற் களைக ணாரே நீறுசே ரகலத் தானே.

2

கள்ளனேன் கள்ளத் தொண்டாய்க் காலத்தைக் கழித்துப் போக்கித்
தெள்ளியே னாகி நின்று தேடினே னாடிக் கண்டேன்
உள்குவா ருள்கிற் றெல்லா முடனிருந் தறிதி யென்று
வெள்கினேன் வெள்கி நானும் விலாவிறச் சிரித்திட் டேனே.

3

உடம்பெனு மனைய கத்து வுள்ளமே தகளி யாக
மடம்படு முணர்நெய் யட்டி யுயிரெனுந் திரிம யக்கி
இடம்படு ஞானத் தீயா லெரிகொள விருந்து நோக்கில்
கடம்பமர் காளை தாதை கழலடி காண லாமே.

4

வஞ்சப்பெண் ணரங்கு கோயில் வாளெயிற் றரவந் துஞ்சா
வஞ்சப்பெண் ணிருந்த சூழல் வான்றவிழ் மதியந் தோயும்
வஞ்சப்பெண் வாழ்க்கை யாளன் வாழ்வினை வாழ லுற்று
வஞ்சப்பெண் ணுறக்க மானேன் வஞ்சனே னென்செய் கேனே.

5

Go to top

உள்குவா ருள்ளத் தானை யுணர்வெனும் பெருமை யானை
உள்கினே னானுங் காண்பா னுருகினே னூறி யூறி
எள்கினே னெந்தை பெம்மா னிருதலை மின்னு கின்ற
கொள்ளிமே லெறும்பெ னுள்ள மெங்ஙனங் கூடு மாறே.

6

மோத்தையைக் கண்ட காக்கை போலவல் வினைகள் மொய்த்துன்
வார்த்தையைப் பேச வொட்டா மயக்கநான் மயங்கு கின்றேன்
சீத்தையைச் சிதம்பு தன்னைச் செடிகொணோய் வடிவொன் றில்லா
ஊத்தையைக் கழிக்கும் வண்ண முணர்வுதா வுலக மூர்த்தீ.

7

அங்கத்தை மண்ணுக் காக்கி யார்வத்தை யுனக்கே தந்து
பங்கத்தைப் போக மாற்றிப் பாவித்தேன் பரமா நின்னைச்
சங்கொத்த மேனிச் செல்வா சாதனா ணாயே னுன்னை
எங்குற்றா யென்ற போதா விங்குற்றே னென்கண் டாயே.

8

வெள்ளநீர்ச் சடைய னார்தாம் வினவுவார் போல வந்தென்
னுள்ளமே புகுந்து நின்றார்க் குறங்குநான் புடைகள் போந்து
கள்ளரோ புகுந்தீ ரென்னக் கலந்துதான் நோக்கிநக்கு
வெள்ளரோ மென்று நின்றார் விளங்கிளம் பிறைய னாரே.

9

பெருவிர லிறைதா னூன்றப் பிறையெயி றிலங்க வங்காந்
தருவரை யனைய தோளா னரக்கனன் றலறி வீழ்ந்தான்
இருவரு மொருவ னாய வுருவமங் குடைய வள்ளல்
திருவடி சுமந்து கொண்டு காண்கநான் றிரியு மாறே.

10

Go to top

Thevaaram Link - Shaivam Link
Other song(s) from this location: பொது -தனித் திருநேரிசை

4.075 திருநாவுக்கரசர் தேவாரம் தொண்டனேன் பட்டது என்னே! தூய
Tune - கொல்லி (பொது -தனித் திருநேரிசை )

4.076 திருநாவுக்கரசர் தேவாரம் மருள் அவா மனத்தன் ஆகி
Tune - திருநேரிசை (பொது -தனித் திருநேரிசை )

4.077 திருநாவுக்கரசர் தேவாரம் கடும்பகல் நட்டம் ஆடி, கையில்
Tune - திருநேரிசை (பொது -தனித் திருநேரிசை )

send corrections and suggestions to admin-at-sivaya.org
This page was last modified on Sun, 01 Mar 2026 07:27:15 +0000

தொண்டனேன் பட்ட தென்னே தூயகா விரியி னன்னீர் கொண்டிருக் கோதி யாட்டிக் குங்குமக் குழம்பு சாத்தி இண்டைகொண் டேற நோக்கி யீசனை யெம்பி ரானைக் கண்டனைக் கண்டி ராதே காலத்தைக் கழித்த வாறே.	1
பின்னிலேன் முன்னிலே னான் பிறப்பறுத் தருள்செய் வானே என்னிலே னாயி னேனா னிளங்கதிர்ப் பயலைத் திங்கள் சின்னிலா வெறிக்குஞ் சென்னிச் சிவபுரத் தமர ரேறே நின்னலாற் களைக ணாரே நீறுசே ரகலத் தானே.	2
கள்ளனேன் கள்ளத் தொண்டாய்க் காலத்தைக் கழித்துப் போக்கித் தெள்ளியே னாகி நின்று தேடினே னாடிக் கண்டேன் உள்குவா ருள்கிற் றெல்லா முடனிருந் தறிதி யென்று வெள்கினேன் வெள்கி நானும் விலாவிறச் சிரித்திட் டேனே.	3
உடம்பெனு மனைய கத்து வுள்ளமே தகளி யாக மடம்படு முணர்நெய் யட்டி யுயிரெனுந் திரிம யக்கி இடம்படு ஞானத் தீயா லெரிகொள விருந்து நோக்கில் கடம்பமர் காளை தாதை கழலடி காண லாமே.	4
வஞ்சப்பெண் ணரங்கு கோயில் வாளெயிற் றரவந் துஞ்சா வஞ்சப்பெண் ணிருந்த சூழல் வான்றவிழ் மதியந் தோயும் வஞ்சப்பெண் வாழ்க்கை யாளன் வாழ்வினை வாழ லுற்று வஞ்சப்பெண் ணுறக்க மானேன் வஞ்சனே னென்செய் கேனே.	5
Go to top
உள்குவா ருள்ளத் தானை யுணர்வெனும் பெருமை யானை உள்கினே னானுங் காண்பா னுருகினே னூறி யூறி எள்கினே னெந்தை பெம்மா னிருதலை மின்னு கின்ற கொள்ளிமே லெறும்பெ னுள்ள மெங்ஙனங் கூடு மாறே.	6
மோத்தையைக் கண்ட காக்கை போலவல் வினைகள் மொய்த்துன் வார்த்தையைப் பேச வொட்டா மயக்கநான் மயங்கு கின்றேன் சீத்தையைச் சிதம்பு தன்னைச் செடிகொணோய் வடிவொன் றில்லா ஊத்தையைக் கழிக்கும் வண்ண முணர்வுதா வுலக மூர்த்தீ.	7
அங்கத்தை மண்ணுக் காக்கி யார்வத்தை யுனக்கே தந்து பங்கத்தைப் போக மாற்றிப் பாவித்தேன் பரமா நின்னைச் சங்கொத்த மேனிச் செல்வா சாதனா ணாயே னுன்னை எங்குற்றா யென்ற போதா விங்குற்றே னென்கண் டாயே.	8
வெள்ளநீர்ச் சடைய னார்தாம் வினவுவார் போல வந்தென் னுள்ளமே புகுந்து நின்றார்க் குறங்குநான் புடைகள் போந்து கள்ளரோ புகுந்தீ ரென்னக் கலந்துதான் நோக்கிநக்கு வெள்ளரோ மென்று நின்றார் விளங்கிளம் பிறைய னாரே.	9
பெருவிர லிறைதா னூன்றப் பிறையெயி றிலங்க வங்காந் தருவரை யனைய தோளா னரக்கனன் றலறி வீழ்ந்தான் இருவரு மொருவ னாய வுருவமங் குடைய வள்ளல் திருவடி சுமந்து கொண்டு காண்கநான் றிரியு மாறே.	10
Go to top