This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.002   திருஞானசம்பந்த சுவாமிகள்   திருக்கடைக்காப்பு திருப்புகலூர் - நட்டபாடை சலநாட்டை கம்பீரநாட்டை ராகத்தில் திருமுறை அருள்தரு கருந்தார்க்குழலியம்மை உடனுறை அருள்மிகு அக்கினீசுவரர் திருவடிகள் போற்றி

https://www.youtube.com/watch?v=-PVAyLgZINI   Add audio link

குறிகலந்தவிசை பாடலினான்நசை யாலிவ்வுலகெல்லாம் நெறிகலந்ததொரு நீர்மையனாயெரு தேறிப்பலிபேணி முறிகலந்ததொரு தோலரைமேலுடை யானிடமொய்ம்மலரின் பொறிகலந்தபொழில் சூழ்ந்தயலேபுய லாரும்புகலூரே.	1
காதிலங்குகுழை யன்னிழைசேர்திரு மார்பன்னொருபாகம் மாதிலங்குதிரு மேனியினான்கரு மானின்னுரியாடை மீதிலங்கவணிந் தானிமையோர்தொழ மேவும்மிடஞ்சோலைப் போதிலங்குநசை யால்வரிவண்டிசை பாடும்புகலூரே.	2
பண்ணிலாவும்மறை பாடலினான்இறை சேரும்வளையங்கைப் பெண்ணிலாவவுடை யான்பெரியார்கழல் என்றுந்தொழுதேத்த உண்ணிலாவியவர் சிந்தையுள்நீங்கா வொருவன்னிடமென்பர் மண்ணிலாவும்மடி யார்குடிமைத்தொழின் மல்கும்புகலூரே.	3
நீரின்மல்குசடை யன்விடையன்அடை யார்தம்மரண்மூன்றுஞ் சீரின்மல்குமலை யேசிலையாகமு னிந்தானுலகுய்யக் காரின்மல்குகடல் நஞ்சமதுண்ட கடவுள்ளிடமென்பர் ஊரின்மல்கிவளர் செம்மையினாலுயர் வெய்தும்புகலூரே.	4
செய்யமேனிவெளி யபொடிப்பூசுவர் சேரும்மடியார்மேல் பையநின்றவினை பாற்றுவர்போற்றிசைத் தென்றும்பணிவாரை மெய்யநின்றபெரு மானுறையும்மிட மென்பரருள்பேணிப் பொய்யிலாதமனத் தார்பிரியாது பொருந்தும்புகலூரே.	5
Go to top
கழலினோசைசிலம் பின்னொலியோசை கலிக்கப்பயில்கானில் குழலினோசைகுறட் பாரிடம்போற்றக் குனித்தாரிடமென்பர் விழவினோசையடி யார்மிடைவுற்று விரும்பிப்பொலிந்தெங்கும் முழவினோசைமுந் நீரயர்வெய்த முழங்கும்புகலூரே.	6
வெள்ளமார்ந்துமிளிர் செஞ்சடைதன்மேல் விளங்கும்மதிசூடி உள்ளமார்ந்தவடி யார்தொழுதேத்த வுகக்கும்அருள்தந்தெம் கள்ளமார்ந்துகழி யப்பழிதீர்த்த கடவுள்ளிடமென்பர் புள்ளையார்ந்தவய லின்விளைவால்வளம் மல்கும்புகலூரே.	7
தென்னிலங்கையரை யன்வரைபற்றி யெடுத்தான்முடிதிண்டோள் தன்னிலங்குவிர லால்நெரிவித்திசை கேட்டன்றருள்செய்த மின்னிலங்குசடை யான்மடமாதொடு மேவும்மிடமென்பர் பொன்னிலங்குமணி மாளிகைமேல்மதி தோயும்புகலூரே.	8
நாகம்வைத்தமுடி யானடிகைதொழு தேத்தும்மடியார்கள் ஆகம்வைத்தபெரு மான்பிரமன்னொடு மாலுந்தொழுதேத்த ஏகம்வைத்தவெரி யாய்மிகவோங்கிய எம்மானிடம்போலும் போகம்வைத்தபொழி லின்னிழலான்மது வாரும்புகலூரே.	9
செய்தவத்தர்மிகு தேரர்கள்சாக்கியர் செப்பிற்பொருளல்லாக் கைதவத்தர்மொழி யைத்தவிர்வார்கள் கடவுள்ளிடம்போலும் கொய்துபத்தர்மல ரும்புனலுங்கொடு தூவித்துதிசெய்து மெய்தவத்தின்முயல் வாருயர்வானக மெய்தும்புகலூரே.	10
Go to top
புற்றில்வாழும்அர வம்மரையார்த்தவன் மேவும்புகலூரைக் கற்றுநல்லவவர் காழியுண்ஞானசம் பந்தன்றமிழ்மாலை பற்றியென்றும்இசை பாடியமாந்தர் பரமன்னடிசேர்ந்து குற்றமின்றிக்குறை பாடொழியாப்புக ழோங்கிப்பொலிவாரே.	11

Thevaaram Link  - Shaivam Link
Other song(s) from this location: திருப்புகலூர்

1.002   திருஞானசம்பந்த சுவாமிகள்   திருக்கடைக்காப்பு   குறி கலந்த இசை பாடலினான், Tune - நட்டபாடை   (திருப்புகலூர் அக்கினீசுவரர் கருந்தார்க்குழலியம்மை)

2.115   திருஞானசம்பந்த சுவாமிகள்   திருக்கடைக்காப்பு   வெங் கள் விம்மு குழல் Tune - செவ்வழி   (திருப்புகலூர் வர்த்தமானீசுவரர் கருந்தார்க்குழலியம்மை)

4.016   திருநாவுக்கரசர்   தேவாரம்   செய்யர்; வெண்நூலர்; கருமான் மறி Tune - இந்தளம்   (திருப்புகலூர் அக்கினீசுவரர் கருந்தார்குழலியம்மை)

4.054   திருநாவுக்கரசர்   தேவாரம்   பகைத்திட்டர் புரங்கள் மூன்றும் பாறி, Tune - திருநேரிசை:காந்தாரம்   (திருப்புகலூர் அக்கினீசுவரர் கருந்தார்க்குழலியம்மை)

4.105   திருநாவுக்கரசர்   தேவாரம்   தன்னைச் சரண் என்று தாள் Tune - திருவிருத்தம்   (திருப்புகலூர் வீரட்டானேசுவரர் திருவதிகைநாயகி)

5.046   திருநாவுக்கரசர்   தேவாரம்   துன்னக் கோவண, சுண்ணவெண் நீறு Tune - திருக்குறுந்தொகை   (திருப்புகலூர் வர்த்தமானீசுவரர் கருந்தார்க்குழலியம்மை)

6.099   திருநாவுக்கரசர்   தேவாரம்   எண்ணுகேன்; என் சொல்லி எண்ணுகேனோ, Tune - திருத்தாண்டகம்   (திருப்புகலூர் அக்கினீசுவரர் கருந்தார்க்குழலியம்மை)

7.034   சுந்தரமூர்த்தி சுவாமிகள்   திருப்பாட்டு   தம்மையே புகழ்ந்து இச்சை பேசினும் Tune - கொல்லி   (திருப்புகலூர் அக்கினியீசுவரர் கருந்தார்க்குழலியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.002