திருமுறை 1.064 Thirumurai in tamil

சிவய.திருக்கூட்டம்
sivaya.org
Please set your language preference by clicking language links. Or with Google

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

1.064 திருஞானசம்பந்த சுவாமிகள் திருக்கடைக்காப்பு
திருப்பூவணம் - தக்கேசி கரகரப்பிரியா காம்போதி கர்நாடக காபி ராகத்தில் திருமுறை அருள்தரு மின்னாம்பிகையம்மை உடனுறை அருள்மிகு பூவணநாதர் திருவடிகள் போற்றி
+ Show Meaning https://www.youtube.com/watch?v=bjjRLiqCXrk Add audio link

அறையார்புனலு மாமலரு மாடரவார் சடைமேல்
குறையார்மதியுஞ் சூடிமாதோர் கூறுடையா னிடமாம்
முறையார்முடிசேர் தென்னர்சேரர் சோழர்கள்தாம் வணங்கும்
திறையாரொளிசேர் செம்மையோங்குந் தென்றிருப் பூவணமே.

1

மருவார்மதின்மூன் றொன்றவெய்து மாமலையான் மடந்தை
ஒருபால்பாக மாகச்செய்த வும்பர்பிரா னவனூர்
கருவார்சாலி யாலைமல்கிக் கழன்மன்னர் காத்தளித்த
திருவான்மலிந்த சேடர்வாழுந் தென்றிருப் பூவணமே.

2

போரார்மதமா வுரிவைபோர்த்துப் பொடியணி மேனியனாய்க்
காரார்கடலி னஞ்சமுண்ட கண்ணுதல் விண்ணவனூர்
பாரார்வைகைப் புனல்வாய்பரப்பிப் பன்மணி பொன்கொழித்துச்
சீரார்வாரி சேரநின்ற தென்றிருப் பூவணமே.

3

கடியாரலங்கற் கொன்றைசூடிக் காதிலொர் வார்குழையன்
கொடியார்வெள்ளை யேறுகந்த கோவணவன் னிடமாம்
படியார்கூடி நீடியோங்கும் பல்புகழாற் பரவச்
செடியார்வைகை சூழநின்ற தென்றிருப் பூவணமே.

4

கூரார்வாளி சிலையிற்கோத்துக் கொடிமதில் கூட்டழித்த
போரார்வில்லி மெல்லியலாளோர் பான்மகிழ்ந் தானிடமாம்
ஆராவன்பிற் றென்னர்சேரர் சோழர்கள் போற்றிசைப்பத்
தேரார்வீதி மாடநீடுந் தென்றிருப் பூவணமே.

5

Go to top

நன்றுதீதென் றொன்றிலாத நான்மறை யோன்கழலே
சென்றுபேணி யேத்தநின்ற தேவர்பிரா னிடமாம்
குன்றிலொன்றி யோங்கமல்கு குளிர்பொழில் சூழ்மலர்மேல்
தென்றலொன்றி முன்றிலாருந் தென்றிருப் பூவணமே.

6

பைவாயரவ மரையிற்சாத்திப் பாரிடம் போற்றிசைப்ப
மெய்வாய்மேனி நீறுபூசி யேறுகந் தானிடமாம்
கைவாழ்வளையார் மைந்தரோடுங் கலவியி னானெருங்கிச்
செய்வார்தொழிலின் பாடலோவாத் தென்றிருப் பூவணமே.

7

மாடவீதி மன்னிலங்கை மன்னனை மாண்பழித்துக்
கூடவென்றி வாள்கொடுத்தாள் கொள்கையி னார்க்கிடமாம்
பாடலோடு மாடலோங்கிப் பன்மணி பொன்கொழித்து
ஓடிநீரால் வைகைசூழு முயர்திருப் பூவணமே.

8

பொய்யாவேத நாவினானும் பூமகள் காதலனும்
கையாற்றொழுது கழல்கள்போற்றக் கனலெரி யானவனூர்
மையார்பொழிலின் வண்டுபாட வைகைமணி கொழித்துச்
செய்யார்கமலந் தேனரும்புந் தென்றிருப் பூவணமே.

9

அலையார்புனலை நீத்தவருந் தேரருமன்பு செய்யா
நிலையாவண்ண மாயம்வைத்த நின்மலன் றன்னிடமாம்
மலைபோற்றுன்னி வென்றியோங்கு மாளிகை சூழ்ந்தயலே
சிலையார்புரிசை பரிசுபண்ணுந் தென்றிருப் பூவணமே.

10

Go to top

திண்ணார்புரிசை மாடமோங்குந் தென்றிருப் பூவணத்துப்
பெண்ணார்மேனி யெம்மிறையைப் பேரிய லின்றமிழால்
நண்ணாருட்கக் காழிமல்கு ஞானசம்பந்தன் சொன்ன
பண்ணார்பாடல் பத்தும்வல்லார் பயில்வது வானிடையே.

11

Thevaaram Link - Shaivam Link
Other song(s) from this location: திருப்பூவணம்

1.064 திருஞானசம்பந்த சுவாமிகள் திருக்கடைக்காப்பு அறை ஆர் புனலும் மா
Tune - தக்கேசி (திருப்பூவணம் பூவணநாதர் மின்னாம்பிகையம்மை)

3.020 திருஞானசம்பந்த சுவாமிகள் திருக்கடைக்காப்பு மாது அமர் மேனியன் ஆகி,
Tune - காந்தாரபஞ்சமம் (திருப்பூவணம் பூவணநாதர் மின்னாம்பிகையம்மை)

6.018 திருநாவுக்கரசர் தேவாரம் வடி ஏறு திரிசூலம் தோன்றும்
Tune - திருத்தாண்டகம் (திருப்பூவணம் பூவணநாதர் மின்னாம்பிகையம்மை)

7.011 சுந்தரமூர்த்தி சுவாமிகள் திருப்பாட்டு திரு உடையார், திருமால் அயனாலும்
Tune - இந்தளம் (திருப்பூவணம் பூவணநாதர் மின்னாம்பிகையம்மை)

9.014 கருவூர்த் தேவர் திருவிசைப்பா கருவூர்த் தேவர் - திருப்பூவணம்
Tune - (திருப்பூவணம் )

send corrections and suggestions to admin-at-sivaya.org
This page was last modified on Tue, 27 Jan 2026 00:59:47 +0000

அறையார்புனலு மாமலரு மாடரவார் சடைமேல் குறையார்மதியுஞ் சூடிமாதோர் கூறுடையா னிடமாம் முறையார்முடிசேர் தென்னர்சேரர் சோழர்கள்தாம் வணங்கும் திறையாரொளிசேர் செம்மையோங்குந் தென்றிருப் பூவணமே.	1
மருவார்மதின்மூன் றொன்றவெய்து மாமலையான் மடந்தை ஒருபால்பாக மாகச்செய்த வும்பர்பிரா னவனூர் கருவார்சாலி யாலைமல்கிக் கழன்மன்னர் காத்தளித்த திருவான்மலிந்த சேடர்வாழுந் தென்றிருப் பூவணமே.	2
போரார்மதமா வுரிவைபோர்த்துப் பொடியணி மேனியனாய்க் காரார்கடலி னஞ்சமுண்ட கண்ணுதல் விண்ணவனூர் பாரார்வைகைப் புனல்வாய்பரப்பிப் பன்மணி பொன்கொழித்துச் சீரார்வாரி சேரநின்ற தென்றிருப் பூவணமே.	3
கடியாரலங்கற் கொன்றைசூடிக் காதிலொர் வார்குழையன் கொடியார்வெள்ளை யேறுகந்த கோவணவன் னிடமாம் படியார்கூடி நீடியோங்கும் பல்புகழாற் பரவச் செடியார்வைகை சூழநின்ற தென்றிருப் பூவணமே.	4
கூரார்வாளி சிலையிற்கோத்துக் கொடிமதில் கூட்டழித்த போரார்வில்லி மெல்லியலாளோர் பான்மகிழ்ந் தானிடமாம் ஆராவன்பிற் றென்னர்சேரர் சோழர்கள் போற்றிசைப்பத் தேரார்வீதி மாடநீடுந் தென்றிருப் பூவணமே.	5
Go to top
நன்றுதீதென் றொன்றிலாத நான்மறை யோன்கழலே சென்றுபேணி யேத்தநின்ற தேவர்பிரா னிடமாம் குன்றிலொன்றி யோங்கமல்கு குளிர்பொழில் சூழ்மலர்மேல் தென்றலொன்றி முன்றிலாருந் தென்றிருப் பூவணமே.	6
பைவாயரவ மரையிற்சாத்திப் பாரிடம் போற்றிசைப்ப மெய்வாய்மேனி நீறுபூசி யேறுகந் தானிடமாம் கைவாழ்வளையார் மைந்தரோடுங் கலவியி னானெருங்கிச் செய்வார்தொழிலின் பாடலோவாத் தென்றிருப் பூவணமே.	7
மாடவீதி மன்னிலங்கை மன்னனை மாண்பழித்துக் கூடவென்றி வாள்கொடுத்தாள் கொள்கையி னார்க்கிடமாம் பாடலோடு மாடலோங்கிப் பன்மணி பொன்கொழித்து ஓடிநீரால் வைகைசூழு முயர்திருப் பூவணமே.	8
பொய்யாவேத நாவினானும் பூமகள் காதலனும் கையாற்றொழுது கழல்கள்போற்றக் கனலெரி யானவனூர் மையார்பொழிலின் வண்டுபாட வைகைமணி கொழித்துச் செய்யார்கமலந் தேனரும்புந் தென்றிருப் பூவணமே.	9
அலையார்புனலை நீத்தவருந் தேரருமன்பு செய்யா நிலையாவண்ண மாயம்வைத்த நின்மலன் றன்னிடமாம் மலைபோற்றுன்னி வென்றியோங்கு மாளிகை சூழ்ந்தயலே சிலையார்புரிசை பரிசுபண்ணுந் தென்றிருப் பூவணமே.	10
Go to top
திண்ணார்புரிசை மாடமோங்குந் தென்றிருப் பூவணத்துப் பெண்ணார்மேனி யெம்மிறையைப் பேரிய லின்றமிழால் நண்ணாருட்கக் காழிமல்கு ஞானசம்பந்தன் சொன்ன பண்ணார்பாடல் பத்தும்வல்லார் பயில்வது வானிடையே.	11