Thiruppugazh List திருப்புகழ், Thirumurai Group, CA, USA

சிவய.திருக்கூட்டம்
sivaya.org
Please set your language preference by clicking language links. Or with Google

Selected Thiruppugazh      Thiruppugazh Thalangal      All Thiruppugazh Songs      Thiruppugazh by Santham

This page in Tamil Hindi/Sanskrit Telugu Malayalam Bengali Kannada English ITRANS    Marati Gujarathi Oriya Singala Tibetian Thai Japanese Urdu Cyrillic/Russian Spanish Hebrew Korean

Order by:

Thiruppugazh from Thalam: வெள்ளிகரம்
656 அடல் அரி மகவு 657 சிகரிகள் இடிய 658 குவலயம் மல்கு 659 பொருவன கள்ள 660 கள்ளம் உள்ள 661 தொய்யில் செய்யில் 662 இல்லையென நாணி 663 பையரவு போலு 664 வதன சரோருக

656 வெள்ளிகரம் அடல் அரி மகவு

தனதன தனன தனதன தனன
     தய்ய தனத்த தந்த ...... தனதானா

அடலரி மகவு விதிவழி யொழுகு
     மைவ ருமொய்க்கு ரம்பை ...... யுடனாளும்
அலைகட லுலகி லலம்வரு கலக
     வைவர் தமக்கு டைந்து ...... தடுமாறி
இடர்படு மடிமை யுளமுரை யுடலொ
     டெல்லை விடப்ர பஞ்ச ...... மயல்தீர
எனதற நினது கழல்பெற மவுன
     வெல்லை குறிப்ப தொன்று ...... புகல்வாயே
வடமணி முலையு மழகிய முகமும்
     வள்ளை யெனத்த யங்கு ...... மிருகாதும்
மரகத வடிவு மடலிடை யெழுதி
     வள்ளி புனத்தில் நின்ற ...... மயில்வீரா
விடதர திகுணர் சசிதரர் நிமலர்
     வெள்ளி மலைச்ச யம்பு ...... குருநாதா
விகசித கமல பரிபுர முளரி
     வெள்ளி கரத்த மர்ந்த ...... பெருமாளே.

அடல் அரி மகவு விதி வழி ஒழுகு(ம்)
     ஐவரும் மொய் குரம்பையுடன் நாளும்
அலைகடல் உலகில் அலம் வரு கலக
     ஐவர் தமக்கு உடைந்து தடுமாறி
இடர் படும் அடிமை உளம் உரை உடலொடு
     எல்லை விட ப்ரபஞ்ச மயல் தீர
எனது அற நினது கழல் பெற மவுன
     எல்லை குறிப்பது ஒன்று புகல்வாயே
வட மணி முலையும் அழகிய முகமும்
     வள்ளை என தயங்கும் இரு காதும்
மரகத வடிவும் மடல் இடை எழுதி
     வள்ளி புனத்தில் நின்ற மயில் வீரா
விடதர் அதி குணர் சசிதரர் நிமலர்
     வெள்ளி மலை சயம்பு குருநாதா
விகசிதம் கமல பரிபுர முளரி
     வெள்ளி கரத்து அமர்ந்த பெருமாளே.

Audio/Video Link(s)
http://www.kaumaram.com/thiru/nnt0656_u.html#audio

https://www.youtube.com/watch?v=pG7EuXx3ROI

Add (additional) Audio/Video Link

657 வெள்ளிகரம் சிகரிகள் இடிய

தனதன தனன தனதன தனன
தய்ய தனத்த தந்த ...... தனதான

சிகரிக ளிடிய நடநவில் கலவி
     செவ்வி மலர்க்க டம்பு ...... சிறுவாள்வேல்
திருமுக சமுக சததள முளரி
     திவ்ய கரத்தி ணங்கு ...... பொருசேவல்
அகிலடி பறிய எறிதிரை யருவி
     ஐவன வெற்பில் வஞ்சி ...... கணவாஎன்
றகிலமு முணர மொழிதரு மொழியி
     னல்லது பொற்பதங்கள் ...... பெறலாமோ
நிகரிட அரிய சிவசுத பரம
     நிர்வச னப்ர சங்க ...... குருநாதா
நிரைதிகழ் பொதுவர் நெறிபடு பழைய
     நெல்லி மரத்த மர்ந்த ...... அபிராம
வெகுமுக ககன நதிமதி யிதழி
     வில்வ முடித்த நம்பர் ...... பெருவாழ்வே
விகசித கமல பரிமள கமல
     வெள்ளி கரத்த மர்ந்த ...... பெருமாளே.

சிகரிக ளிடிய நடநவில் கலவி
செவ்வி மலர்க்க டம்பு
சிறுவாள்வேல்
திருமுக சமுக சததள முளரி
திவ்ய கரத்திணங்கு பொருசேவல்
அகிலடி பறிய எறிதிரை யருவி
ஐவனவெற்பில் வஞ்சி கணவா
என்றகிலமு முணர மொழிதரு மொழியினல்லது
பொற்பதங்கள் பெறலாமோ
நிகரிட அரிய சிவசுத பரம
நிர்வசனப்ர சங்க குருநாதா
நிரைதிகழ் பொதுவர் நெறிபடு
பழைய நெல்லி மரத்தமர்ந்த அபிராம
வெகுமுக ககன நதிமதி
இதழி வில்வ முடித்த நம்பர் பெருவாழ்வே
விகசித கமல பரிமள கமல
வெள்ளி கரத்த மர்ந்த பெருமாளே.

Audio/Video Link(s)

https://www.youtube.com/watch?v=-MQY-UnYtqI

Add (additional) Audio/Video Link

658 வெள்ளிகரம் குவலயம் மல்கு

தனதன தய்ய தனதன தய்ய
தனதன தய்ய ...... தனதான

குவலய மல்கு தவலிகள் முல்லை
     குளிர்நகை சொல்லு ...... முதுபாகு
குழையிள வள்ளை யிடைசிறு வல்லி
     குயமுலை கொள்ளை ...... விழைமேவிக்
கவலைசெய் வல்ல தவலரு முள்ள
     கலவியில் தெள்ளு ...... கவிமாலை
கடிமல ரைய அணிவன செய்ய
     கழலிணை பைய ...... அருள்வாயே
தவநெறி யுள்ளு சிவமுனி துள்ளு
     தனியுழை புள்ளி ...... யுடனாடித்
தருபுன வள்ளி மலைமற வள்ளி
     தருதினை மெள்ள ...... நுகர்வோனே
அவநெறி சொல்லு மவரவை கொல்லு
     மழகிய வெள்ளி ...... நகர்வாழ்வே
அடையலர் செல்வ மளறிடை செல்ல
     அமர்செய வல்ல ...... பெருமாளே.

குவலயம் மல்கு தவலிகள் முல்லை குளிர் நகை சொல்லு(ம்)
முது பாகு
குழை இள வள்ளை இடை சிறு வல்லி குய முலை
கொள்ளை
விழை மேவிக் கவலை செய் வல்ல தவலரும் உள்ள
கலவியில்
தெள்ளு கவி மாலை கடி மலர் ஐய அணிவன செய்ய கழல்
இணை பைய அருள்வாயே
தவ நெறி உள்ளு(ம்) சிவ முனி துள்ளு(ம்) தனி உழை
புள்ளி உடன் ஆடித் தரு புன வள்ளி
மலை மற வள்ளி தரு தினை மெள்ள நுகர்வோனே
அவ நெறி சொல்லும் அவர் அவை கொல்லும் அழகிய வெள்ளி
நகர் வாழ்வே
அடையலர் செல்வம் அளறு இடை செல்ல அமர் செய வல்ல
பெருமாளே.

Add (additional) Audio/Video Link

659 வெள்ளிகரம் பொருவன கள்ள

தனதன தய்ய தனதன தய்ய
தனதன தய்ய ...... தனதான

பொருவன கள்ள இருகயல் வள்ளை
     புரிகுழை தள்ளி ...... விளையாடும்
புளகித வல்லி யிளகித வல்லி
     புரியிள முல்லை ...... நகைமீதே
உருகிட வுள்ள விரகுடை யுள்ள
     முலகுயி ருள்ள ...... பொழுதேநின்
றுமைதரு செல்வ னெனமிகு கல்வி
     யுணர்வொடு சொல்ல ...... வுணராதோ
மருவலர் வள்ளி புரமுள வள்ளி
     மலைமற வள்ளி ...... மணவாளா
வளர்புவி யெல்லை யளவிடு தொல்லை
     மரகத நல்ல ...... மயில்வீரா
அருவரை விள்ள அயில்விடு மள்ள
     அணிவயல் வெள்ளி ...... நகர்வாழ்வே
அடையலர் செல்வ மளறிடை செல்ல
     அமர்செய வல்ல ...... பெருமாளே.

பொருவன கள்ள இரு கயல் வள்ளை புரி குழை தள்ளி
விளையாடும்
புளகித வல்லி இளகித வல்லி புரி இள முல்லை நகை மீதே
உருகிட உள்ள விரகு உடை உள்ளம்
உலகு உயிர் உள்ள பொழுதே நின்று உமை தரு(ம்) செல்வன்
என
மிகு கல்வி உணர்வொடு சொல்ல உணராதோ
மரு அலர் வள்ளிபுரம் உள்ள வள்ளி மலை மற வள்ளி
மணவாளா
வளர் புவி எல்லை அளவிடும் தொல்லை மரகத நல்ல மயில்
வீரா
அரு வரை விள்ள அயில்விடும் மள்ள அணி வயல் வெள்ளி
நகர் வாழ்வே
அடையலர் செல்வம் அளறு இடை செல்ல அமர் செய வல்ல
பெருமாளே.

Add (additional) Audio/Video Link

660 வெள்ளிகரம் கள்ளம் உள்ள

தய்ய தய்ய தய்ய தய்ய
தய்ய தய்ய ...... தனதான

கள்ள முள்ள வல்ல வல்லி
     கையி லள்ளி ...... பொருளீயக்
கல்லு நெல்லு வெள்ளி தெள்ளு
     கல்வி செல்வர் ...... கிளைமாய
அள்ளல் துள்ளி ஐவர் செல்லு
     மல்லல் சொல்ல ...... முடியாதே
ஐய ரைய மெய்யர் மெய்ய
     ஐய செய்ய ...... கழல்தாராய்
வள்ளல் புள்ளி நவ்வி நல்கு
     வள்ளி கிள்ளை ...... மொழியாலே
மைய லெய்து மைய செய்யில்
     வையில் வெள்வ ...... ளைகளேற
மெள்ள மள்ளர் கொய்யு நெல்லின்
     வெள்ள வெள்ளி ...... நகர்வாழ்வே
வெய்ய சைய வில்லி சொல்லை
     வெல்ல வல்ல ...... பெருமாளே.

கள்ளம் உள்ள வல்ல வல்லி கையில் அள்ளி பொருள் ஈய
கல்லு நெல்லு வெள்ளி தெள்ளு கல்வி செல்வர் கிளை மாய
அள்ளல் துள்ளி ஐவர் செல்லும் அல்லல் சொல்ல முடியாதே
ஐயர் ஐய மெய்யர் மெய்ய ஐய செய்ய கழல் தாராய்
வள்ளல் புள்ளி நவ்வி நல்கு வள்ளி கிள்ளை மொழியாலே
மையல் எய்தும் ஐய
செய்யில் வையில் வெள் வளைகள் ஏற
மெள்ள மள்ளர் கொய்யு(ம்) நெல்லின் வெள்ள வெள்ளிநகர்
வாழ்வே
வெய்ய சைய வில்லி சொல்லை வெல்ல வல்ல பெருமாளே.

Add (additional) Audio/Video Link

661 வெள்ளிகரம் தொய்யில் செய்யில்

தய்ய தய்ய தய்ய தய்ய
தய்ய தய்ய ...... தனதான

தொய்யில் செய்யில் நொய்யர் கையர்
     தொய்யு மைய ...... இடையாலுந்
துள்ளி வள்ளை தள்ளி யுள்ளல்
     சொல்லு கள்ள ...... விழியாலும்
மைய செவ்வி மவ்வல் முல்லை
     மல்கு நல்ல ...... குழலாலும்
மையல் கொள்ள எள்ளல் செய்யும்
     வல்லி சொல்லை ...... மகிழ்வேனோ
செய்ய துய்ய புள்ளி நவ்வி
     செல்வி கல்வ ...... ரையிலேனல்
தெய்வ வள்ளி மையல் கொள்ளு
     செல்வ பிள்ளை ...... முருகோனே
மெய்யர் மெய்ய பொய்யர் பொய்ய
     வெள்ளை வெள்ளி ...... நகர்வாழ்வே
வெய்ய சைய வில்லி சொல்லை
     வெல்ல வல்ல ...... பெருமாளே.

தொய்யில் செய்யில் நொய்யர் கையர் தொய்யும் ஐய
இடையாலும்
துள்ளி வள்ளை தள்ளி உள்ளல் சொல்லு(ம்) கள்ள
விழியாலும்
மைய செவ்வி மவ்வல் முல்லை மல்கு(ம்) நல்ல குழலாலும்
மையல் கொள்ள எள்ளல் செய்யும் வல்லி சொல்லை
மகிழ்வேனோ
செய்ய துய்ய புள்ளி நவ்வி செல்வி கல் வரையில் ஏனல்
தெய்வ வள்ளி மையல் கொள்ளு(ம்) செல்வ பிள்ளை
முருகோனே
மெய்யர் மெய்ய பொய்யர் பொய்ய வெள்ளை வெள்ளி நகர்
வாழ்வே
வெய்ய சையவல்லி சொல்லை வெல்ல வல்ல பெருமாளே.

Add (additional) Audio/Video Link

662 வெள்ளிகரம் இல்லையென நாணி

தய்யதன தான தய்யதன தான
தய்யதன தான ...... தனதான

இல்லையென நாணி யுள்ளதின் மறாம
     லெள்ளினள வேனும் ...... பகிராரை
எவ்வமென நாடி யுய்வகையி லேனை
     யெவ்வகையு நாமங் ...... கவியாகச்
சொல்லவறி யேனை யெல்லைதெரி யாத
     தொல்லைமுத லேதென் ...... றுணரேனைத்
தொய்யுமுடல் பேணு பொய்யனைவி டாது
     துய்யகழ லாளுந் ...... திறமேதோ
வல்லசுரர் மாள நல்லசுரர் வாழ
     மையவரை பாகம் ...... படமோது
மையுலவு சோலை செய்யகுளிர் சாரல்
     வள்ளிமலை வாழுங் ...... கொடிகோவே
வெல்லுமயி லேறு வல்லகும ரேச
     வெள்ளிலுட னீபம் ...... புனைவோனே
வெள்ளிமணி மாட மல்குதிரு வீதி
     வெள்ளிநகர் மேவும் ...... பெருமாளே.

இல்லையென நாணி
உள்ளதின் மறாமல்
எள்ளினள வேனும் பகிராரை
எவ்வமென நாடி
உய்வகையி லேனை
எவ்வகையு நாமங் கவியாக
சொல்லவறி யேனை
எல்லைதெரியாத தொல்லைமுதல் ஏதென்றுணரேனை
தொய்யுமுடல் பேணு பொய்யனை
விடாது துய்யகழலாளுந் திறமேதோ
வல்லசுரர் மாள நல்லசுரர் வாழ
மையவரை பாகம்பட மோது
மையுலவு சோலை செய்யகுளிர் சாரல்
வள்ளிமலை வாழுங் கொடிகோவே
வெல்லுமயி லேறு வல்லகுமரேச
வெள்ளிலுட னீபம் புனைவோனே
வெள்ளிமணி மாட மல்கு திரு வீதி
வெள்ளிநகர் மேவும் பெருமாளே.

Audio/Video Link(s)

https://www.youtube.com/watch?v=065ewLcolVI

Add (additional) Audio/Video Link

663 வெள்ளிகரம் பையரவு போலு

தய்யதன தான தய்யதன தான
தய்யதன தான ...... தனதான

பையரவு போலு நொய்யஇடை மாதர்
     பையவரு கோலந் ...... தனைநாடிப்
பையலென வோடி மையல்மிகு மோக
     பவ்வமிசை வீழுந் ...... தனிநாயேன்
உய்யவொரு கால மையவுப தேச
     முள்ளுருக நாடும் ...... படிபேசி
உள்ளதுமி லாது மல்லதவி ரோத
     உல்லசவி நோதந் ...... தருவாயே
வையமுழு தாளு மையகும ரேச
     வள்ளிபடர் கானம் ...... புடைசூழும்
வள்ளிமலை வாழும் வள்ளிமண வாள
     மையுததி யேழுங் ...... கனல்மூள
வெய்யநிரு தேசர் சையமுடன் வீழ
     வெல்லயில்வி நோதம் ...... புரிவோனே
வெள்ளிமணி மாட மல்குதிரு வீதி
     வெள்ளிநகர் மேவும் ...... பெருமாளே.

பை அரவு போலும் நொய்ய இடை மாதர் பைய வரு கோலம்
தனை நாடிப் பையல் என ஓடி மையல் மிகு மோக பவ்வம்
மிசை வீழும் தனி நாயேன்
உய்ய ஒரு காலம் ஐய உபதேசம் உள் உருக நாடும்படி பேசி
உள்ளதும் இ(ல்)லாதும் அல்ல(லா)த அவிரோத உல்ல(லா)ச
விநோதம் தருவாயே
வையம் முழுது ஆளும் ஐய குமரேச வள்ளி படர் கானம் புடை
சூழும் வள்ளி மலை வாழும் வள்ளி மணவாளா
மை உததி ஏழும் கனல் மூள வெய்ய நிருதேசர் சையமுடன்
வீழ வெல்ல அயில் விநோதம் புரிவோனே
வெள்ளி மணி மாடம் மல்கு திரு வீதி வெள்ளி நகர் மேவும்
பெருமாளே.

Add (additional) Audio/Video Link

664 வெள்ளிகரம் வதன சரோருக

தனன தனாதன தனன தனாதன தய்ய தனத்த தந்த
தானாதன தானந் தானன ...... தந்ததான

வதன சரோருக நயன சிலீமுக வள்ளி புனத்தில் நின்று
     வாராய்பதி காதங் காதரை ...... யொன்றுமூரும்
வயலு மொரேவிடை யெனவொரு காவிடை வல்லப மற்றழிந்து
     மாலாய்மட லேறுங் காமுக ...... எம்பிரானே
இதவிய காணிவை ததையென வேடுவ னெய்திடு மெச்சில் தின்று
     லீலாசல மாடுந் தூயவன் ...... மைந்தநாளும்
இளையவ மூதுரை மலைகிழ வோனென வெள்ள மெனக் கலந்து
     நூறாயிர பேதஞ் சாதமொ ...... ழிந்தவாதான்
கதைகன சாபதி கிரிவளை வாளொடு கைவசி வித்தநந்த
     கோபாலம கீபன் தேவிம ...... கிழ்ந்துவாழக்
கயிறொ டுலூகல முருள வுலாவிய கள்வ னறப் பயந்து
     ஆகாயக பாலம் பீறநி ...... மிர்ந்துநீள
விதரண மாவலி வெருவ மகாவ்ருத வெள்ள வெளுக்க நின்ற
     நாராயண மாமன் சேயைமு ...... னிந்தகோவே
விளைவய லூடிடை வளைவிளை யாடிய வெள்ளிநகர்க் கமர்ந்த
     வேலாயுத மேவுந் தேவர்கள் ...... தம்பிரானே.

வதன சரோருக நயன சிலீமுக வள்ளி புனத்தில் நின்று
     வாராய்பதி காதங் காதரை ஒன்றுமூரும்
வயலும் ஒரே இடை எனவொரு காவிடை வல்லபம் அற்றழிந்து
     மாலாய் மடல் ஏறுங் காமுக எம்பிரானே
இதவிய காண் இவை ததையென வேடுவன் எய்திடும் எச்சில் தின்று
     லீலாசலம் ஆடுந் தூயவன் மைந்த நாளும்
இளையவ மூதுரை மலைகிழவோனென வெள்ள மெனக் கலந்து
     நூறாயிர பேதஞ் சாதம் ஒழிந்தவாதான்
கதை கன சாப திகிரி வளை வாளொடு கை வசிவித்த நந்த
     கோபால மகீபன் தேவி மகிழ்ந்துவாழ
கயிறொடு உலூகலம் உருள உலாவிய கள்வன் அறப் பயந்து
     ஆகாய கபாலம் பீற நிமிர்ந்துநீள
விதரண மாவலி வெருவ மகாவ்ருத வெள்ள வெளுக்க நின்ற
     நாராயண மாமன் சேயை முனிந்தகோவே
விளைவயலூடிடை வளைவிளையாடிய வெள்ளிநகர்க் கமர்ந்த
     வேலாயுத மேவுந் தேவர்கள் தம்பிரானே.

Audio/Video Link(s)

https://www.youtube.com/watch?v=HtQ0zRbb3JU

Add (additional) Audio/Video Link

send corrections and suggestions to admin-at-sivaya.org
This page was last modified on Tue, 07 Apr 2026 01:48:44 +0000