This page in Tamil   Hindi/Sanskrit   Telugu   Malayalam   Bengali   Kannada   English   Gujarathi   Oriya   Singala   Tibetian   Thai   Urdu   Cyrillic/Russian   Hebrew   Korean  
திருவிசைப்பா

Back to Top
கண்டராதித்தர்   திருவிசைப்பா  
9.020   கண்டராதித்தர் - கோயில்  
பண் -   (திருத்தலம் கோயில் (சிதம்பரம்) ; அருள்தரு உடனுறை அருள்மிகு திருவடிகள் போற்றி )
Audio: https://www.youtube.com/watch?v=ZGr_jqv4kPw
Audio: https://www.youtube.com/watch?v=Z_Z3jGsc924
Audio: https://www.youtube.com/watch?v=x9aopGO2dcg

9.020 கண்டராதித்தர் - கோயில்   (கோயில் (சிதம்பரம்) )

மின்னார் உருவம் மேல்விளங்க    வெண்கொடி மாளி கைசூழப் பொன்னார் குன்றம் ஒன்று வந்து    நின்றது போலும் என்னாத் தென்னா என்று வண்டு பாடும்    தென்தில்லை அம்ப லத்துள் என்னார் அமுதை எங்கள்    கோவை என்றுகொல் எய்துவதே.

[1]

ஓவா முத்தீ அஞ்சு வேள்வி    ஆறங்க நான்மறையோர் ஆவே படுப்பார் அந்த ணாளர்    ஆகுதி வேட்டுயர் வார் மூவா யிரவர் தங்க ளோடு    முன் அரங்(கு) ஏறிநின்ற கோவே உன்றன் கூத்துக் காணக்    கூடுவ தென்று கொலோ.

[2]

முத்தீ யாளர் நான் மறையர்    மூவா யிர வர்நின்னோ(டு) ஒத்தே வாழும் தன்மை யாளர்    ஓதிய நான்மறையைத் தெத்தே யென்று வண்டு பாடும்    தென்தில்லை அம்பலத்துள் அத்தா உன்றன் ஆடல் காண    அணைவதும் என்றுகொலோ.

[3]

மானைப் புரையும் மடமென்    நோக்கி மாமலை யாளோடும் ஆனைஞ் சாடும் சென்னி    மேலோர் அம்புலி சூடும்அரன் தேனைப் பாலைத் தில்லை    மல்கு செம்பொனின் அம்பலத்துக் கோனை ஞானக் கொழுந்து    தன்னைக் கூடுவது என்றுகொலோ.

[4]

களிவான் உலகில் கங்கை    நங்கை காதலனே ! அருளென்(று) ஒளிமால் முன்னே வரங்கி    டக்க உன்னடியார்க்(கு) அருளும் தெளிவார் அமுதே ! தில்லை    மல்கு செம்பொனின் அம்பலத்துள் ஒளிவான் சுடரே ! உன்னை    நாயேன் உறுவதும் என்றுகொலோ.

[5]

பாரோர் முழுதும் வந்தி    றைஞ்சப் பதஞ்சலிக்(கு) ஆட்டுகந்தான் வாரார் முலையாள் மங்கை    பங்கன் மாமறையோர் வணங்கச் சீரான் மல்கு தில்லைச்    செம்பொன் அம்பலத்(து) ஆடுகின்ற காரார் மிடற்றெங் கண்டனாரைக்    காண்பதும் என்றுகொலோ.

[6]

இலையார் கதிர்வேல் இலங்கைவேந்தன்    இருபது தோளும்இற மலைதான் எடுத்த மற்றவற்கு    வாளொடு நாள்கொடுத்தான் சிலையால் புரமூன்(று) எய்த    வில்லி செம்பொனின் அம்பலத்துக் கலையார் மறிபொன் கையி    னானைக் காண்பதும் என்றுகொலோ.

[7]

வெங்கோல் வேந்தன் தென்னன்    நாடும் ஈழமும் கொண்டதிறல் செங்கோற் சோழன் கோழி    வேந்தன் செம்பியன் பொன்னணிந்த அங்கோல் வளையார் பாடி    யாடும் அணிதில்லை அம்பலத்துள் எங்கோன் ஈசன் எம்மி    றையை என்றுகொல் எய்துவதே.

[8]

நெடியா னோடு நான்    முகனும் வானவரும் நெருங்கி முடியான் முடிகள் மோதி    உக்க முழுமணி யின்திரளை அடியார் அலகி னால்தி    ரட்டும் அணிதில்லை அம்பலத்துக் கடியார் கொன்றை மாலை    யானைக் காண்பதும் என்றுகொலோ.

[9]

சீரான் மல்கு தில்லைச்    செம்பொன் அம்பலத் தாடிதன்னைக் காரார் சோலைக் கோழி    வேந்தன் தஞ்சையர் கோன்கலந்த ஆரா இன்சொற் கண்டரா    தித்தன் அருந்தமிழ் மாலை வல்லார் பேரா வுலகிற் பெருமை    யோடும் பேரின்பம் எய்துவரே.

[10]

This page was last modified on Sun, 09 Mar 2025 21:44:56 +0000
          send corrections and suggestions to admin-at-sivaya.org

thirumurai nool author %E0%AE%95%E0%AE%A3%E0%AF%8D%E0%AE%9F%E0%AE%B0%E0%AE%BE%E0%AE%A4%E0%AE%BF%E0%AE%A4%E0%AF%8D%E0%AE%A4%E0%AE%B0%E0%AF%8D book name %E0%AE%A4%E0%AE%BF%E0%AE%B0%E0%AF%81%E0%AE%B5%E0%AE%BF%E0%AE%9A%E0%AF%88%E0%AE%AA%E0%AF%8D%E0%AE%AA%E0%AE%BE+ lang tamil