This page in Tamil   Hindi/Sanskrit   Telugu   Malayalam   Bengali   Kannada   English   Gujarathi   Oriya   Singala   Tibetian   Thai   Urdu   Cyrillic/Russian   Hebrew   Korean  
திருவிசைப்பா

Back to Top
பூந்துருத்தி நம்பி காடநம்பி   திருவிசைப்பா  
9.018   பூந்துருத்தி நம்பி காடநம்பி - திருவாரூர் பஞ்சமம்  
பண் -   (திருத்தலம் திருவாரூர் ; அருள்தரு உடனுறை அருள்மிகு திருவடிகள் போற்றி )
Audio: https://www.youtube.com/watch?v=716nJZHF7-4
Audio: https://www.youtube.com/watch?v=L69-Ou5DoBA
Audio: https://www.youtube.com/watch?v=bv-h64tXvYI

9.018 பூந்துருத்தி நம்பி காடநம்பி - திருவாரூர் பஞ்சமம்   (திருவாரூர் )

கைக்குவான் முத்தின் சரிவளை பெய்து    கழுத்திலோர் தனிவடங் கட்டி முக்கண்நா யகராய்ப் பவனிபோந்(து) இங்ஙன்    முரிவதோர் முரிவுமை அளவும் தக்கசீர்க் கங்கை அளவுமன்(று) என்னோ    தம்மொருப் பாடுல கதன்மேல் மிக்கசீர் ஆரூர் ஆதியாய் வீதி    விடங்கராய் நடம்குலா வினரே.

[1]

பத்தியாய் உணர்வோர் அருளைவாய் மடுத்துப்    பருகுதோ(று)ம் அமுதம்ஒத் தவர்க்கே தித்தியா இருக்கும் தேவர்காள் ! இவர்தம்    திருவுரு இருந்தவா பாரீர் சத்தியாய்ச் சிவமாய் உலகெலாம் படைத்த    தனிமுழு முதலுமாய் அதற்கோர் வித்துமாய் ஆரூர் ஆதியாய் வீதி    விடங்கராய் நடம்குலா வினரே.

[2]

Back to Top
பூந்துருத்தி நம்பி காடநம்பி   திருவிசைப்பா  
9.019   பூந்துருத்தி நம்பி காடநம்பி - கோயில்  
பண் -   (திருத்தலம் கோயில் (சிதம்பரம்) ; அருள்தரு உடனுறை அருள்மிகு திருவடிகள் போற்றி )
Audio: https://www.youtube.com/watch?v=d7X8BJiaumM
Audio: https://www.youtube.com/watch?v=nSZv0w2kJfs
Audio: https://www.youtube.com/watch?v=ppwZEq2_5Ko

முத்து வயிரமணி    மாணிக்க மாலைகண்மேல் தொத்து மிளிர்வனபோல்    தூண்டு விளக்கேய்ப்ப எத்திசையும் வானவர்கள்    ஏத்தும் எழில்தில்லை அத்தனுக்கும் அம்பலமே    ஆடரங்கம் ஆயிற்றே.

[1]

கடியார் கணம்புல்லர்    கண்ணப்பர் என்றுன் அடியார் அமருலகம்    ஆளநீ ஆளாதே முடியாமுத் தீவேள்வி    மூவாயி ரவரொடும் குடிவாழ்க்கை கொண்டுநீ    குலாவிக் கூத் தாடினையே.

[2]

அல்லியம் பூம்பழனத்(து)    ஆமூர்நா வுக்கரசைச் செல்ல நெறிவகுத்த    சேவகனே ! தென்தில்லைக் கொல்லை விடையேறி    கூத்தா(டு) அரங்காகச் செல்வம் நிறைந்தசிற்    றம்பலமே சேர்ந்தனையே.

[3]

எம்பந்த வல்வினை நோய்    தீர்த்திட்(டு) எமையாளும் சம்பந்தன் காழியர்கோன்    தன்னையும் ஆட் கொண்டருளி அம்புந்து கண்ணாளும்    தானும் அணிதில்லைச் செம்பொன்செய் அம்பலமே    சேர்ந்திருக்கை ஆயிற்றே.

[4]

களையா உடலோடு    சேரமான் ஆருரன் விளையா மதமாறா    வெள்ளானை மேல்கொள்ள முளையா மதிசூடி    மூவா யிரவரொடும் அளையா விளையாடும்    அம்பலம்நின் ஆடரங்கே.

[5]

அகலோக மெல்லாம்    அடியவர்கள் தற்சூழப் புகலோகம் உண்டென்று    புகுமிடம்நீ தேடாதே புவலோக நெறிபடைத்த    புண்ணியங்கள் நண்ணியசீர்ச் சிவலோகம் ஆவதுவும்    தில்லைச் சிற் றம்பலமே.

[6]

களகமணி மாடம்    சூளிகைசூழ் மாளிகைமேல் அளகமதி நுதலார்    ஆயிழையார் போற்றிசைப்ப ஒளிகொண்ட மாமணிகள்    ஓங்கிருளை ஆங்ககற்றும் தெளிகொண்ட தில்லைச்    சிற் றம்பலமே சேர்ந்தனையே.

[7]

பாடகமும் நூபுரமும்    பல்சிலம்பும் பேர்ந்தொலிப்பச் சூடகக்கை நல்லார்    தொழுதேத்தத் தொல்லுலகில் நாடகத்தின் கூத்தை    நவிற்றுமவர் நாடோறும் ஆடகத்தால் மேய்ந்தமைந்த    அம்பலம்நின் ஆடரங்கே.

[8]

உருவத்(து) எரியுருவாய்    ஊழிதோ றெத்தனையும் பரவிக் கிடந்தயனும்    மாலும் பணிந்தேத்த இரவிக்கு நேராகி    ஏய்ந்திலங்கு மாளிகைசூழ்ந்(து) அரவிக்கும் அம்பலமே    ஆடரங்கம் ஆயிற்றே.

[9]

சேடர் உறைதில்லைச்    சிற்றம் பலத்தான்தன் ஆடல் அதிசயத்தை    ஆங்கறித்து பூந்துருத்திக் காடன் தமிழ் மாலை    பத்தும் கருத்தறிந்து பாடும் இவைவல்லார்    பற்றுநிலை பற்றுவரே.

[10]

This page was last modified on Sun, 09 Mar 2025 21:44:56 +0000
          send corrections and suggestions to admin-at-sivaya.org

thirumurai nool author %E0%AE%AA%E0%AF%82%E0%AE%A8%E0%AF%8D%E0%AE%A4%E0%AF%81%E0%AE%B0%E0%AF%81%E0%AE%A4%E0%AF%8D%E0%AE%A4%E0%AE%BF+%E0%AE%A8%E0%AE%AE%E0%AF%8D%E0%AE%AA%E0%AE%BF+%E0%AE%95%E0%AE%BE%E0%AE%9F%E0%AE%A8%E0%AE%AE%E0%AF%8D%E0%AE%AA%E0%AE%BF book name %E0%AE%A4%E0%AE%BF%E0%AE%B0%E0%AF%81%E0%AE%B5%E0%AE%BF%E0%AE%9A%E0%AF%88%E0%AE%AA%E0%AF%8D%E0%AE%AA%E0%AE%BE+ lang tamil