This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.031   சுந்தரமூர்த்தி சுவாமிகள்   திருப்பாட்டு திருவிடையாறு - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=BfEZ3QzwUjA   Add audio link

முந்தை ஊர் முதுகுன்றம், குரங்கணில் முட்டம், சிந்தை ஊர் நன்று சென்று அடைவான் திரு ஆரூர், பந்தையூர், பழையாறு, பழனம், பைஞ்ஞீலி, எந்தை ஊர் எய்து அ(ம்)மான் இடையாறு, இடை மருதே.	1
சுற்றும் ஊர் சுழியல், திருச் சோபுரம், தொண்டர் ஒற்றும் ஊர் ஒற்றியூர், திரு ஊறல், ஒழியாப் பெற்றம் ஊர்தி, பெண் பாதி இடம் பெண்ணைத் தெண்நீர் எற்றும் ஊர் எய்து அ(ம்)மான் இடையாறு, இடைமருதே.	2
கடங்களூர், திருக்காரிக்கரை, கயிலாயம், விடங்களூர், திரு வெண்ணி, அண்ணாமலை, வெய்ய படங்கள் ஊர்கின்ற பாம்பு அரையான், பரஞ்சோதி, இடம் கொள் ஊர் எய்து அ(ம்)மான் இடையாறு, இடைமருதே.	3
கச்சையூர், காவம், கழுக்குன்றம், காரோணம், பிச்சை ஊர் திரிவான்-கடவூர், வடபேறூர், கச்சி ஊர் கச்சி, சிக்கல், நெய்த்தானம், மிழலை, இச்சை ஊர் எமது அ(ம்)மான் இடையாறு, இடைமருதே.	4
நிறையனூர், நின்றியூர், கொடுங்குன்றம், அமர்ந்த பிறையனூர், பெருமூர், பெரும்பற்றப் புலியூர், மறையனூர், மறைக்காடு, வலஞ்சுழி, வாய்த்த இறையனூர், எய்து அ(ம்)மான் இடையாறு, இடைமருதே.	5
Go to top
திங்களூர், திரு ஆதிரையான் பட்டினம் ஊர், நங்களூர், நறையூர், நனி நால் இசை நாலூர், தங்களூர், தமிழான் என்று பாவிக்க வல்ல எங்களூர், எய்து அ(ம்)மான் இடையாறு, இடைமருதே.	6
கருக்க நஞ்சு அமுது உண்ட கல்லாலன், கொல் ஏற்றன், தருக்கு அரக்கனைச் செற்று உகந்தான், தன் முடிமேல் எருக்க நாள் மலர் இண்டையும் மத்தமும் சூடி, இருக்கும் ஊர் எய்து அ(ம்)மான் இடையாறு, இடைமருதே.	7
தேசனூர், வினை தேய நின்றான்-திரு ஆக்கூர், பாசனூர், பரமேட்டி, பவித்திர பாவ- நாசன்-ஊர் நனிபள்ளி, நள்ளாற்றை அமர்ந்த ஈசனூர், எய்து அ(ம்)மான் இடையாறு, இடைமருதே.	8
பேறனூர், பிறைச் சென்னியினான்-பெருவேளூர், தேறனூர், திருமாமகள் கோன் திருமால் ஓர்- கூறன்-ஊர் குரங்காடு துறை, திருக்கோவல், ஏறனூர், எய்து அ(ம்)மான் இடையாறு, இடைமருதே.	9
ஊறி வாயினன், நாடிய வன் தொண்டன்-ஊரன் தேறுவார் சிந்தை தேறும் இடம் செங்கண் வெள் ஏறு ஏறுவார் எய்து அ(ம்)மான் இடையாறு, இடைமருதைக் கூறுவார் வினை எவ்விட, மெய் குளிர்வாரே.	10
Go to top

Thevaaram Link  - Shaivam Link
Other song(s) from this location: திருவிடையாறு

7.031   சுந்தரமூர்த்தி சுவாமிகள்   திருப்பாட்டு   முந்தை ஊர் முதுகுன்றம், குரங்கணில் Tune - கொல்லி   (திருவிடையாறு )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song author %E0%AE%9A%E0%AF%81%E0%AE%A8%E0%AF%8D%E0%AE%A4%E0%AE%B0%E0%AE%AE%E0%AF%82%E0%AE%B0%E0%AF%8D%E0%AE%A4%E0%AF%8D%E0%AE%A4%E0%AE%BF+%E0%AE%9A%E0%AF%81%E0%AE%B5%E0%AE%BE%E0%AE%AE%E0%AE%BF%E0%AE%95%E0%AE%B3%E0%AF%8D paadal name %E0%AE%AE%E0%AF%81%E0%AE%A8%E0%AF%8D%E0%AE%A4%E0%AF%88+%E0%AE%8A%E0%AE%B0%E0%AF%8D+%E0%AE%AE%E0%AF%81%E0%AE%A4%E0%AF%81%E0%AE%95%E0%AF%81%E0%AE%A9%E0%AF%8D%E0%AE%B1%E0%AE%AE%E0%AF%8D%2C+%E0%AE%95%E0%AF%81%E0%AE%B0%E0%AE%99%E0%AF%8D%E0%AE%95%E0%AE%A3%E0%AE%BF%E0%AE%B2%E0%AF%8D pathigam no 7.031