This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.042   திருஞானசம்பந்த சுவாமிகள்   திருக்கடைக்காப்பு திருச்சிற்றேமம் - கொல்லிக்கௌவாணம் அருள்தரு அகிலாண்டேசுவரியம்மை உடனுறை அருள்மிகு பொன்வைத்தநாதர் திருவடிகள் போற்றி

https://www.youtube.com/watch?v=UspcUKwHxic   Add audio link

நிறை வெண் திங்கள் வாள்முக மாதர் பாட, நீள்சடைக் குறை வெண் திங்கள் சூடி, ஓர் ஆடல் மேய கொள்கையான்- சிறைவண்டு யாழ்செய் பைம்பொழில் பழனம் சூழ் சிற்றேமத்தான்; இறைவன்! என்றே உலகு எலாம் ஏத்த நின்ற பெருமானே.	1
மாகத்திங்கள் வாள்முக மாதர் பாட, வார்சடைப் பாகத்திங்கள் சூடி, ஓர் ஆடல் மேய பண்டங்கன்- மேகத்து ஆடு சோலை சூழ் மிடை சிற்றேமம் மேவினான்; ஆகத்து ஏர் கொள் ஆமையைப் பூண்ட அண்ணல் அல்லனே!	2
நெடு வெண் திங்கள் வாள் முக மாதர் பாட, நீள் சடைக் கொடு வெண்திங்கள் சூடி, ஓர் ஆடல் மேய கொள்கையான்- படு வண்டு யாழ்செய் பைம்பொழில் பழனம் சூழ் சிற்றேமத்தான்; கடுவெங்கூற்றைக் காலினால் காய்ந்த கடவுள் அல்லனே!	3
கதிர் ஆர் திங்கள் வாள் முக மாதர் பாட, கண்ணுதல், முதிர் ஆர் திங்கள் சூடி, ஓர் ஆடல் மேய முக்கணன்- எதிர் ஆர் புனல் அம் புன்சடை எழில் ஆரும் சிற்றேமத்தான்; அதிர் ஆர் பைங்கண் ஏறு உடை ஆதிமூர்த்தி அல்லனே!	4
வான் ஆர் திங்கள் வாள்முக மாதர் பாட, வார்சடைக் கூன் ஆர் திங்கள் சூடி, ஒர் ஆடல் மேய கொள்கையான்- தேன் ஆர் வண்டு பண்செயும் திரு ஆரும் சிற்றேமத்தான்; மான் ஆர் விழி நல் மாதொடும் மகிழ்ந்த மைந்தன் அல்லனே!	5
Go to top
பனி வெண்திங்கள் வாள்முக மாதர் பாட, பல்சடைக் குனி வெண்திங்கள் சூடி, ஓர் ஆடல் மேய கொள்கையான், தனி வெள்விடையன்-புள் இனத் தாமம் சூழ் சிற்றேமத்தான்; முனிவும் மூப்பும் நீங்கிய முக்கண் மூர்த்தி அல்லனே!	6
கிளரும் திங்கள் வாள்முக மாதர் பாட, கேடு இலா வளரும் திங்கள் சூடி, ஓர் ஆடல் மேய மா தவன்- தளிரும் கொம்பும் மதுவும் ஆர் தாமம் சூழ் சிற்றேமத்தான்; ஒளிரும் வெண் நூல் மார்பன் என் உள்ளத்து உள்ளான் அல்லனே!	7
சூழ்ந்த திங்கள் வாள்முக மாதர் பாட, சூழ்சடைப் போழ்ந்த திங்கள் சூடி, ஓர் ஆடல் மேய புண்ணியன்- தாழ்ந்த வயல் சிற்றேமத்தான்; தடவரையைத் தன் தாளினால் ஆழ்ந்த அரக்கன் ஒல்க, அன்று அடர்த்த அண்ணல் அல்லனே!	8
தனிவெண்டிங்கள் வாண்முக மாதர்பாடத் தாழ்சடைத் துணிவெண்டிங்கள் சூடியோ ராடல்மேய தொன்மையான் அணிவண்ணச்சிற் றேமத்தான் அலர்மேலந்த ணாளனும் மணிவண்ணனுமுன் காண்கிலா மழுவாட்செல்வன் அல்லனே.	9
வெள்ளைத்திங்கள் வாண்முக மாதர்பாட வீழ்சடைப் பிள்ளைத்திங்கள் சூடியோ ராடல்மேய பிஞ்ஞகன் உள்ளத்தார்சிற் றேமத்தான் உருவார்புத்தர் ஒப்பிலாக் கள்ளத்தாரைத் தானாக்கியுட் கரந்துவைத்தான் அல்லனே.	10
Go to top
கல்லிலோதம் மல்குதண் கானல்சூழ்ந்த காழியான் நல்லவாய வின்றமிழ் நவிலும்ஞான சம்பந்தன் செல்வனூர்சிற் றேமத்தைப் பாடல்சீரார் நாவினால் வல்லராகி வாழ்த்துவார் அல்லலின்றி வாழ்வரே.	11

Thevaaram Link  - Shaivam Link
Other song(s) from this location: திருச்சிற்றேமம்

3.042   திருஞானசம்பந்த சுவாமிகள்   திருக்கடைக்காப்பு   நிறை வெண் திங்கள் வாள்முக Tune - கொல்லிக்கௌவாணம்   (திருச்சிற்றேமம் பொன்வைத்தநாதர் அகிலாண்டேசுவரியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song author %E0%AE%A4%E0%AE%BF%E0%AE%B0%E0%AF%81%E0%AE%9E%E0%AE%BE%E0%AE%A9%E0%AE%9A%E0%AE%AE%E0%AF%8D%E0%AE%AA%E0%AE%A8%E0%AF%8D%E0%AE%A4+%E0%AE%9A%E0%AF%81%E0%AE%B5%E0%AE%BE%E0%AE%AE%E0%AE%BF%E0%AE%95%E0%AE%B3%E0%AF%8D paadal name %E0%AE%A8%E0%AE%BF%E0%AE%B1%E0%AF%88+%E0%AE%B5%E0%AF%86%E0%AE%A3%E0%AF%8D+%E0%AE%A4%E0%AE%BF%E0%AE%99%E0%AF%8D%E0%AE%95%E0%AE%B3%E0%AF%8D+%E0%AE%B5%E0%AE%BE%E0%AE%B3%E0%AF%8D%E0%AE%AE%E0%AF%81%E0%AE%95 pathigam no 3.042