திருமுறை 3.065 Thirumurai in tamil

சிவய.திருக்கூட்டம்
sivaya.org
Please set your language preference by clicking language links. Or with Google

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

3.065 திருஞானசம்பந்த சுவாமிகள் திருக்கடைக்காப்பு
திருக்கச்சிநெறிக்காரைக்காடு - பஞ்சமம் ஹனுமத்தோடி ஆபோகி ஆகிரி ராகத்தில் திருமுறை அருள்தரு காரார்குழலியம்மை உடனுறை அருள்மிகு காரைத்திருநாதஈசுவரர் திருவடிகள் போற்றி

சிவானந்த முதிர்வு சிவனைத் தவிர வேறு எந்தத் தெய்வத்தையும் போற்றமாட்டேன்
+ Show Meaning https://www.youtube.com/watch?v=44b9bVlOxLk Add audio link

வாரணவு முலைமங்கை பங்கினரா யங்கையினில்
போரணவு மழுவொன்றங் கேந்திவெண் பொடியணிவர்
காரணவு மணிமாடங் கடைநவின்ற கலிக்கச்சி
நீரணவு மலர்ப்பொய்கை நெறிக்காரைக் காட்டாரே.

1

காரூரு மணிமிடற்றார் கரிகாட ருடைதலைகொண்
டூரூரன் பலிக்குழல்வா ருழைமானி னுரியதளர்
தேரூரு நெடுவீதிச் செழுங்கச்சி மாநகர்வாய்
நீரூரு மலர்ப்பொய்கை நெறிக்காரைக் காட்டாரே.

2

கூறணிந்தார் கொடியிடையைக் குளிர்சடைமே லிளமதியோ
டாறணிந்தா ராடரவம் பூண்டுகந்தா ரான்வெள்ளை
ஏறணிந்தார் கொடியதன்மே லென்பணிந்தார் வரைமார்பில்
நீறணிந்தார் கலிக்கச்சி நெறிக்காரைக் காட்டாரே.

3

பிறைநவின்ற செஞ்சடைகள் பின்றாழப் பூதங்கள்
மறைநவின்ற பாடலோ டாடலராய் மழுவேந்திச்
சிறைநவின்ற வண்டினங்கள் தீங்கனிவாய்த் தேன்கதுவும்
நிறைநவின்ற கலிக்கச்சி நெறிக்காரைக் காட்டாரே.

4

அன்றாலின் கீழிருந்தங் கறம்புரிந்த வருளாளர்
குன்றாத வெஞ்சிலையிற் கோளரவ நாண்கொளுவி
ஒன்றாதார் புரமூன்று மோங்கெரியில் வெந்தவிய
நின்றாருங் கலிக்கச்சி நெறிக்காரைக் காட்டாரே.

5

Go to top

பன்மலர்கள் கொண்டடிக்கீழ் வானோர்கள் பணிந்திறைஞ்ச
நன்மையிலா வல்லவுணர் நகர்மூன்று மொருநொடியில்
வின்மலையி னாண்கொளுவி வெங்கணையா லெய்தழித்த
நின்மலனார் கலிக்கச்சி நெறிக்காரைக் காட்டாரே.

6

புற்றிடை வாளரவினொடு புனைகொன்றை மதமத்தம்
எற்றொழியா வலைபுனலோ டிளமதிய மேந்துசடைப்
பெற்றுடையா ரொருபாகம் பெண்ணுடையார் கண்ணமரும்
நெற்றியினார் கலிக்கச்சி நெறிக்காரைக் காட்டாரே.

7

ஏழ்கடல்சூழ் தென்னிலங்கைக் கோமானை யெழில்வரைவாய்த்
தாழ்விரலா லூன்றியதோர் தன்மையினார் நன்மையினார்
ஆழ்கிடங்குங் சூழ்வயலு மதில்புல்கி யழகமரும்
நீண்டமறுகிற் கலிக்கச்சி நெறிக்காரைக் காட்டாரே.

8

ஊண்டானு மொலிகடனஞ் சுடைதலையிற் பலிகொள்வர்
மாண்டார்தம் மெலும்பணிவர் வரியரவோ டெழிலாமை
பூண்டாரு மோரிருவ ரறியாமைப் பொங்கெரியாய்
நீண்டாருங் கலிக்கச்சி நெறிக்காரைக் காட்டாரே.

9

குண்டாடிச் சமண்படுவார் கூறைதனை மெய்போர்த்து
மிண்டாடித் திரிதருவா ருரைப்பனகண் மெய்யல்ல
வண்டாருங் குழலாளை வரையாகத் தொருபாகம்
கண்டாருங் கலிக்கச்சி நெறிக்காரைக் காட்டாரே.

10

Go to top

கண்ணாருங் கலிக்கச்சி நெறிக்காரைக் காட்டுறையும்
பெண்ணாருந் திருமேனிப் பெருமான தடிவாழ்த்தித்
தண்ணாரும் பொழிற்காழித் தமிழ்ஞான சம்பந்தன்
பண்ணாருந் தமிழ்வல்லார் பரலோகத் திருப்பாரே.

11

Thevaaram Link - Shaivam Link
Other song(s) from this location: திருக்கச்சிநெறிக்காரைக்காடு

3.065 திருஞானசம்பந்த சுவாமிகள் திருக்கடைக்காப்பு வார் அணவு முலை மங்கை
Tune - பஞ்சமம் (திருக்கச்சிநெறிக்காரைக்காடு காரைத்திருநாதஈசுவரர் காரார்குழலியம்மை)

send corrections and suggestions to admin-at-sivaya.org
This page was last modified on Sun, 01 Mar 2026 07:27:15 +0000

வாரணவு முலைமங்கை பங்கினரா யங்கையினில் போரணவு மழுவொன்றங் கேந்திவெண் பொடியணிவர் காரணவு மணிமாடங் கடைநவின்ற கலிக்கச்சி நீரணவு மலர்ப்பொய்கை நெறிக்காரைக் காட்டாரே.	1
காரூரு மணிமிடற்றார் கரிகாட ருடைதலைகொண் டூரூரன் பலிக்குழல்வா ருழைமானி னுரியதளர் தேரூரு நெடுவீதிச் செழுங்கச்சி மாநகர்வாய் நீரூரு மலர்ப்பொய்கை நெறிக்காரைக் காட்டாரே.	2
கூறணிந்தார் கொடியிடையைக் குளிர்சடைமே லிளமதியோ டாறணிந்தா ராடரவம் பூண்டுகந்தா ரான்வெள்ளை ஏறணிந்தார் கொடியதன்மே லென்பணிந்தார் வரைமார்பில் நீறணிந்தார் கலிக்கச்சி நெறிக்காரைக் காட்டாரே.	3
பிறைநவின்ற செஞ்சடைகள் பின்றாழப் பூதங்கள் மறைநவின்ற பாடலோ டாடலராய் மழுவேந்திச் சிறைநவின்ற வண்டினங்கள் தீங்கனிவாய்த் தேன்கதுவும் நிறைநவின்ற கலிக்கச்சி நெறிக்காரைக் காட்டாரே.	4
அன்றாலின் கீழிருந்தங் கறம்புரிந்த வருளாளர் குன்றாத வெஞ்சிலையிற் கோளரவ நாண்கொளுவி ஒன்றாதார் புரமூன்று மோங்கெரியில் வெந்தவிய நின்றாருங் கலிக்கச்சி நெறிக்காரைக் காட்டாரே.	5
Go to top
பன்மலர்கள் கொண்டடிக்கீழ் வானோர்கள் பணிந்திறைஞ்ச நன்மையிலா வல்லவுணர் நகர்மூன்று மொருநொடியில் வின்மலையி னாண்கொளுவி வெங்கணையா லெய்தழித்த நின்மலனார் கலிக்கச்சி நெறிக்காரைக் காட்டாரே.	6
புற்றிடை வாளரவினொடு புனைகொன்றை மதமத்தம் எற்றொழியா வலைபுனலோ டிளமதிய மேந்துசடைப் பெற்றுடையா ரொருபாகம் பெண்ணுடையார் கண்ணமரும் நெற்றியினார் கலிக்கச்சி நெறிக்காரைக் காட்டாரே.	7
ஏழ்கடல்சூழ் தென்னிலங்கைக் கோமானை யெழில்வரைவாய்த் தாழ்விரலா லூன்றியதோர் தன்மையினார் நன்மையினார் ஆழ்கிடங்குங் சூழ்வயலு மதில்புல்கி யழகமரும் நீண்டமறுகிற் கலிக்கச்சி நெறிக்காரைக் காட்டாரே.	8
ஊண்டானு மொலிகடனஞ் சுடைதலையிற் பலிகொள்வர் மாண்டார்தம் மெலும்பணிவர் வரியரவோ டெழிலாமை பூண்டாரு மோரிருவ ரறியாமைப் பொங்கெரியாய் நீண்டாருங் கலிக்கச்சி நெறிக்காரைக் காட்டாரே.	9
குண்டாடிச் சமண்படுவார் கூறைதனை மெய்போர்த்து மிண்டாடித் திரிதருவா ருரைப்பனகண் மெய்யல்ல வண்டாருங் குழலாளை வரையாகத் தொருபாகம் கண்டாருங் கலிக்கச்சி நெறிக்காரைக் காட்டாரே.	10
Go to top
கண்ணாருங் கலிக்கச்சி நெறிக்காரைக் காட்டுறையும் பெண்ணாருந் திருமேனிப் பெருமான தடிவாழ்த்தித் தண்ணாரும் பொழிற்காழித் தமிழ்ஞான சம்பந்தன் பண்ணாருந் தமிழ்வல்லார் பரலோகத் திருப்பாரே.	11