திருமுறை 7.027 Thirumurai in tamil

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

7.027 சுந்தரமூர்த்தி சுவாமிகள் திருப்பாட்டு
திருகற்குடி (உய்யக்கொண்டான்மலை) - நட்டராகம் நடபைரவி பந்துவாராளி கனகவசந்தம் ராகத்தில் திருமுறை அருள்தரு அஞ்சனாட்சியம்மை உடனுறை அருள்மிகு உச்சிவரதநாயகர் திருவடிகள் போற்றி
+ Show Meaning https://www.youtube.com/watch?v=CDoxdF51pUQ Add audio link

விடையா ருங்கொடியாய் வெறி
யார்மலர்க் கொன்றையினாய்
படையார் வெண்மழுவா பர
மாய பரம்பரனே
கடியார் பூம்பொழில்சூழ் திருக்
கற்குடி மன்னிநின்ற
அடிகே ளெம்பெருமான் அடி
யேனையும் அஞ்சலென்னே.

1

மறையோர் வானவருந் தொழு
தேத்தி வணங்கநின்ற
இறைவா எம்பெருமான் எனக்
கின்னமு தாயவனே
கறையார் சோலைகள்சூழ் திருக்
கற்குடி மன்னிநின்ற
அறவா அங்கணனே அடி
யேனையும் அஞ்சலென்னே.

2

சிலையால் முப்புரங்கள் பொடி
யாகச் சிதைத்தவனே
மலைமேல் மாமருந்தே மட
மாதிடங் கொண்டவனே
கலைசேர் கையினனே திருக்
கற்குடி மன்னிநின்ற
அலைசேர் செஞ்சடையாய் அடி
யேனையும் அஞ்சலென்னே.

3

செய்யார் மேனியனே திரு
நீல மிடற்றினனே
மையார் கண்ணிபங்கா மத
யானை யுரித்தவனே
கையார் சூலத்தினாய் திருக்
கற்குடி மன்னிநின்ற
ஐயா எம்பெருமான் அடி
யேனையும் அஞ்சலென்னே.

4

சந்தார் வெண்குழையாய் சரி
கோவண ஆடையனே
பந்தா ரும்விரலாள் ஒரு
பாக மமர்ந்தவனே
கந்தார் சோலைகள்சூழ் திருக்
கற்குடி மன்னிநின்ற
எந்தாய் எம்பெருமான் அடி
யேனையும் ஏன்றுகொள்ளே.

5

Go to top

அரையார் கீளொடுகோ வண
மும்மர வும்மசைத்து
விரையார் கொன்றையுடன் விளங்
கும்பிறை மேலுடையாய்
கரையா ரும்வயல்சூழ் திருக்
கற்குடி மன்னிநின்ற
அரையா எம்பெருமான் அடி
யேனையும் அஞ்சலென்னே.

6

பாரார் விண்ணவரும் பர
விப்பணிந் தேத்தநின்ற
சீரார் மேனியனே திகழ்
நீல மிடற்றினனே
காரார் பூம்பொழில்சூழ் திருக்
கற்குடி மன்னிநின்ற
ஆரா இன்னமுதே அடி
யேனையும் அஞ்சலென்னே.

7

நிலனே நீர்வளிதீ நெடு
வானக மாகிநின்ற
புலனே புண்டரிகத் தயன்
மாலவன் போற்றிசெய்யும்
கனலே கற்பகமே திருக்
கற்குடி மன்னிநின்ற
அனல்சேர் கையினனே அடி
யேனையும் அஞ்சலென்னே.

8

வருங்கா லன்னுயிரை மடி
யத்திரு மெல்விரலால்
பெரும்பா லன்றனக்காய்ப் பிரி
வித்த பெருந்தகையே
கரும்பா ரும்வயல்சூழ் திருக்
கற்குடி மன்னிநின்ற
விரும்பா எம்பெருமான் அடி
யேனையும் வேண்டுதியே.

9

அலையார் தண்புனல்சூழ்ந் தழ
காகி விழவமரும்
கலையார் மாதவர்சேர் திருக்
கற்குடிக் கற்பகத்தைச்
சிலையார் வாணுதலாள் நல்ல
சிங்கடி யப்பனுரை
விலையார் மாலைவல்லார் வியன்
மூவுல காள்பவரே.

10

Go to top

Thevaaram Link - Shaivam Link
Other song(s) from this location: திருகற்குடி (உய்யக்கொண்டான்மலை)

1.043 திருஞானசம்பந்த சுவாமிகள் திருக்கடைக்காப்பு வடம் திகழ் மென் முலையாளைப்
Tune - தக்கராகம் (திருகற்குடி (உய்யக்கொண்டான்மலை) முத்தீசர் அஞ்சனாட்சியம்மை)

6.060 திருநாவுக்கரசர் தேவாரம் மூத்தவனை, வானவர்க்கு; மூவா மேனி
Tune - திருத்தாண்டகம் (திருகற்குடி (உய்யக்கொண்டான்மலை) முத்தீசர் அஞ்சனாட்சியம்மை)

7.027 சுந்தரமூர்த்தி சுவாமிகள் திருப்பாட்டு விடை ஆரும் கொடியாய்! வெறி
Tune - நட்டராகம் (திருகற்குடி (உய்யக்கொண்டான்மலை) உச்சிவரதநாயகர் அஞ்சனாட்சியம்மை)

send corrections and suggestions to admin-at-sivaya.org
This page was last modified on Sat, 04 Apr 2026 04:53:34 +0000

விடையா ருங்கொடியாய் வெறி யார்மலர்க் கொன்றையினாய் படையார் வெண்மழுவா பர மாய பரம்பரனே கடியார் பூம்பொழில்சூழ் திருக் கற்குடி மன்னிநின்ற அடிகே ளெம்பெருமான் அடி யேனையும் அஞ்சலென்னே.	1
மறையோர் வானவருந் தொழு தேத்தி வணங்கநின்ற இறைவா எம்பெருமான் எனக் கின்னமு தாயவனே கறையார் சோலைகள்சூழ் திருக் கற்குடி மன்னிநின்ற அறவா அங்கணனே அடி யேனையும் அஞ்சலென்னே.	2
சிலையால் முப்புரங்கள் பொடி யாகச் சிதைத்தவனே மலைமேல் மாமருந்தே மட மாதிடங் கொண்டவனே கலைசேர் கையினனே திருக் கற்குடி மன்னிநின்ற அலைசேர் செஞ்சடையாய் அடி யேனையும் அஞ்சலென்னே.	3
செய்யார் மேனியனே திரு நீல மிடற்றினனே மையார் கண்ணிபங்கா மத யானை யுரித்தவனே கையார் சூலத்தினாய் திருக் கற்குடி மன்னிநின்ற ஐயா எம்பெருமான் அடி யேனையும் அஞ்சலென்னே.	4
சந்தார் வெண்குழையாய் சரி கோவண ஆடையனே பந்தா ரும்விரலாள் ஒரு பாக மமர்ந்தவனே கந்தார் சோலைகள்சூழ் திருக் கற்குடி மன்னிநின்ற எந்தாய் எம்பெருமான் அடி யேனையும் ஏன்றுகொள்ளே.	5
Go to top
அரையார் கீளொடுகோ வண மும்மர வும்மசைத்து விரையார் கொன்றையுடன் விளங் கும்பிறை மேலுடையாய் கரையா ரும்வயல்சூழ் திருக் கற்குடி மன்னிநின்ற அரையா எம்பெருமான் அடி யேனையும் அஞ்சலென்னே.	6
பாரார் விண்ணவரும் பர விப்பணிந் தேத்தநின்ற சீரார் மேனியனே திகழ் நீல மிடற்றினனே காரார் பூம்பொழில்சூழ் திருக் கற்குடி மன்னிநின்ற ஆரா இன்னமுதே அடி யேனையும் அஞ்சலென்னே.	7
நிலனே நீர்வளிதீ நெடு வானக மாகிநின்ற புலனே புண்டரிகத் தயன் மாலவன் போற்றிசெய்யும் கனலே கற்பகமே திருக் கற்குடி மன்னிநின்ற அனல்சேர் கையினனே அடி யேனையும் அஞ்சலென்னே.	8
வருங்கா லன்னுயிரை மடி யத்திரு மெல்விரலால் பெரும்பா லன்றனக்காய்ப் பிரி வித்த பெருந்தகையே கரும்பா ரும்வயல்சூழ் திருக் கற்குடி மன்னிநின்ற விரும்பா எம்பெருமான் அடி யேனையும் வேண்டுதியே.	9
அலையார் தண்புனல்சூழ்ந் தழ காகி விழவமரும் கலையார் மாதவர்சேர் திருக் கற்குடிக் கற்பகத்தைச் சிலையார் வாணுதலாள் நல்ல சிங்கடி யப்பனுரை விலையார் மாலைவல்லார் வியன் மூவுல காள்பவரே.	10
Go to top