திருமுறை 9.012 Thirumurai in tamil

This page in Tamil Hindi/Sanskrit Telugu Malayalam Bengali Kannada English ITRANS    Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

9.012 கருவூர்த் தேவர் திருவிசைப்பா
பொது -திரைலோக்கிய சுந்தரம்
+ Show Meaning https://www.youtube.com/watch?v=HOLFzgY4IKs https://www.youtube.com/watch?v=Iqo6harvYXs https://www.youtube.com/watch?v=dLve31rr8K4 Add audio link

நீரோங்கி வளர்கமலம்
   நீர்பொருந்தாத் தன்மையன்றே
ஆரோங்கிமுகம் மலர்ந்தாங்
   கருவினையேன் திறம்மறந்தின்
றூரோங்கும் பழிபாரா
   துன்பாலே விழுந்தொழிந்தேன்
சீரோங்கும் பொழிற்கோடைத்
   திரைலோக்கிய சுந்தரனே.

1

நையாத மனத்தினனை
   நைவிப்பான் இத்தெருவே
ஐயாநீ உலாப்போந்த
   அன்றுமுதல் இன்றுவரை
கையாரத் தொழுதருவி
   கண்ணாரச் சொரிந்தாலும்
செய்யாயோ அருள் கோடைத்
   திரைலோக்கிய சுந்தரனே.

2

அம்பளிங்கு பகலோன்பால்
   அடைபற்றாய் இவள்மனத்தின்
முன்பளிந்த காதலும்நின்
   முகந்தோன்ற விளங்கிற்றால்
வம்பளிந்த கனியேஎன்
   மருந்தேநல் வளர்முக்கட்
செம்பளிங்கே பொழிற்கோடைத்
   திரைலோக்கிய சுந்தரனே.

3

மைஞ்ஞின்ற குழலாள்தன்
   மனம்தரவும் வளைதாரா
திஞ்ஞின்ற கோவணவன்
   இவன்செய்த தியார்செய்தார்
மெய்ஞ்ஞின்ற தமர்க்கெல்லாம்
   மெய்ஞ்ஞிற்கும் பண்பினுறு
செய்ஞ்ஞன்றி யிலன்கோடைத்
   திரைலோக்கிய சுந்தரனே.

4

நீவாரா தொழிந்தாலும்
   நின்பாலே விழுந்தேழை
கோவாத மணிமுத்தும்
   குவளைமலர் சொரிந்தனவால்
ஆவாஎன் றருள்புரியாய்
   அமரர்கணம் தொழுதேத்தும்
தேவாதென் பொழிற்கோடைத்
   திரைலோக்கிய சுந்தரனே.

5

Go to top

முழுவதும்நீ யாயினும்இம்
   மொய்குழலாள் மெய்ம்முழுதும்
பழுதெனவே நினைந்தோராள்
   பயில்வதும்நின் னொருநாமம்
அழுவதும்நின் திறம்நினைந்தே
   அதுவன்றோ பெறும்பேறு
செழுமதில்சூழ் பொழிற்கோடைத்
   திரைலோக்கிய சுந்தரனே.

6

தன்சோதி எழுமேனித்
   தபனியப்பூச் சாய்க்காட்டாய்
உன்சோதி எழில்காண்பான்
   ஓலிடவும் உருக்காட்டாய்
துஞ்சாக்கண் ணிவளுடைய
   துயர்தீரும் ஆறுரையாய்
செஞ்சாலி வயற்கோடைத்
   திரைலோக்கிய சுந்தரனே.

7

அரும்பேதைக் கருள்புரியா
   தொழிந்தாய்நின் அவிர்சடைமேல்
நிரம்பாத பிறைதூவும்
   நெருப்பொடுநின் கையிலியாழ்
நரம்பாலும் உயிரீர்ந்தாய்
   நளிர்புரிசைக் குளிர்வனம்பா
திரம்போது சொரிகோடைத்
   திரைலோக்கிய சுந்தரனே.

8

ஆறாத பேரன்பி
   னவர்உள்ளம் குடிகொண்டு
வேறாகப் பலர்சூழ
   வீற்றிருத்தி அதுகொண்டு
வீறாடி இவள்உன்னைப்
   பொதுநீப்பான் விரைந்தின்னம்
தேறாள்தென் பொழிற்கோடைத்
   திரைலோக்கிய சுந்தரனே.

9

சரிந்ததுகில் தளர்ந்தஇடை
   அவிழ்ந்தகுழல் இளந்தெரிவை
இருந்தபரி சொருநாள்கண்
   டிரங்காய்எம் பெருமானே
முரிந்தநடை மடந்தையர்தம்
   முழங்கொலியும் வழங்கொலியும்
திருந்துவிழ வணிகோடைத்
   திரைலோக்கிய சுந்தரனே.

10

Go to top

ஆரணத்தேன் பருகிஅருந்
   தமிழ்மாலை கமழவரும்
காரணத்தின் நிலைபெற்ற
   கருவூரன் தமிழ்மாலை
பூரணத்தார் ஈரைந்தும்
   போற்றிசைப்பார் காந்தாரம்
சீரணைத்த பொழிற்கோடைத்
   திரைலோக்கிய சுந்தரனே.

11

Thevaaram Link - Shaivam Link
Other song(s) from this location: பொது -திரைலோக்கிய சுந்தரம்

9.012 கருவூர்த் தேவர் திருவிசைப்பா கருவூர்த் தேவர் - திரைலோக்கிய சுந்தரம்
Tune - (பொது -திரைலோக்கிய சுந்தரம் )

This page was last modified on Fri, 10 Jul 2026 00:17:47 +0000
send corrections and suggestions to admin-at-sivaya.org

நீரோங்கி வளர்கமலம் நீர்பொருந்தாத் தன்மையன்றே ஆரோங்கிமுகம் மலர்ந்தாங் கருவினையேன் திறம்மறந்தின் றூரோங்கும் பழிபாரா துன்பாலே விழுந்தொழிந்தேன் சீரோங்கும் பொழிற்கோடைத் திரைலோக்கிய சுந்தரனே.	1
நையாத மனத்தினனை நைவிப்பான் இத்தெருவே ஐயாநீ உலாப்போந்த அன்றுமுதல் இன்றுவரை கையாரத் தொழுதருவி கண்ணாரச் சொரிந்தாலும் செய்யாயோ அருள் கோடைத் திரைலோக்கிய சுந்தரனே.	2
அம்பளிங்கு பகலோன்பால் அடைபற்றாய் இவள்மனத்தின் முன்பளிந்த காதலும்நின் முகந்தோன்ற விளங்கிற்றால் வம்பளிந்த கனியேஎன் மருந்தேநல் வளர்முக்கட் செம்பளிங்கே பொழிற்கோடைத் திரைலோக்கிய சுந்தரனே.	3
மைஞ்ஞின்ற குழலாள்தன் மனம்தரவும் வளைதாரா திஞ்ஞின்ற கோவணவன் இவன்செய்த தியார்செய்தார் மெய்ஞ்ஞின்ற தமர்க்கெல்லாம் மெய்ஞ்ஞிற்கும் பண்பினுறு செய்ஞ்ஞன்றி யிலன்கோடைத் திரைலோக்கிய சுந்தரனே.	4
நீவாரா தொழிந்தாலும் நின்பாலே விழுந்தேழை கோவாத மணிமுத்தும் குவளைமலர் சொரிந்தனவால் ஆவாஎன் றருள்புரியாய் அமரர்கணம் தொழுதேத்தும் தேவாதென் பொழிற்கோடைத் திரைலோக்கிய சுந்தரனே.	5
Go to top
முழுவதும்நீ யாயினும்இம் மொய்குழலாள் மெய்ம்முழுதும் பழுதெனவே நினைந்தோராள் பயில்வதும்நின் னொருநாமம் அழுவதும்நின் திறம்நினைந்தே அதுவன்றோ பெறும்பேறு செழுமதில்சூழ் பொழிற்கோடைத் திரைலோக்கிய சுந்தரனே.	6
தன்சோதி எழுமேனித் தபனியப்பூச் சாய்க்காட்டாய் உன்சோதி எழில்காண்பான் ஓலிடவும் உருக்காட்டாய் துஞ்சாக்கண் ணிவளுடைய துயர்தீரும் ஆறுரையாய் செஞ்சாலி வயற்கோடைத் திரைலோக்கிய சுந்தரனே.	7
அரும்பேதைக் கருள்புரியா தொழிந்தாய்நின் அவிர்சடைமேல் நிரம்பாத பிறைதூவும் நெருப்பொடுநின் கையிலியாழ் நரம்பாலும் உயிரீர்ந்தாய் நளிர்புரிசைக் குளிர்வனம்பா திரம்போது சொரிகோடைத் திரைலோக்கிய சுந்தரனே.	8
ஆறாத பேரன்பி னவர்உள்ளம் குடிகொண்டு வேறாகப் பலர்சூழ வீற்றிருத்தி அதுகொண்டு வீறாடி இவள்உன்னைப் பொதுநீப்பான் விரைந்தின்னம் தேறாள்தென் பொழிற்கோடைத் திரைலோக்கிய சுந்தரனே.	9
சரிந்ததுகில் தளர்ந்தஇடை அவிழ்ந்தகுழல் இளந்தெரிவை இருந்தபரி சொருநாள்கண் டிரங்காய்எம் பெருமானே முரிந்தநடை மடந்தையர்தம் முழங்கொலியும் வழங்கொலியும் திருந்துவிழ வணிகோடைத் திரைலோக்கிய சுந்தரனே.	10
Go to top
ஆரணத்தேன் பருகிஅருந் தமிழ்மாலை கமழவரும் காரணத்தின் நிலைபெற்ற கருவூரன் தமிழ்மாலை பூரணத்தார் ஈரைந்தும் போற்றிசைப்பார் காந்தாரம் சீரணைத்த பொழிற்கோடைத் திரைலோக்கிய சுந்தரனே.	11