This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.016   திருஞானசம்பந்த சுவாமிகள்   திருக்கடைக்காப்பு திருக்கொள்ளிக்காடு - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு பஞ்சினுமெல்லடியம்மை உடனுறை அருள்மிகு அக்கினீசுவரர் திருவடிகள் போற்றி

https://www.youtube.com/watch?v=yn9XSEdQ1fw   Add audio link

நிணம் படு சுடலையில், நீறு பூசி நின்று, இணங்குவர், பேய்களோடு; இடுவர், மாநடம்; உணங்கல் வெண் தலைதனில் உண்பர்; ஆயினும், குணம் பெரிது உடையர் நம் கொள்ளிக்காடரே.	1
ஆற்ற நல் அடி இணை அலர் கொண்டு ஏத்துவான், சாற்றிய அந்தணன் தகுதி கண்ட நாள் மாற்றலன் ஆகி முன் அடர்த்து வந்து அணை கூற்றினை உதைத்தனர் கொள்ளிக்காடரே.	2
அத்தகு வானவர்க்கு ஆக, மால்விடம் வைத்தவர், மணி புரை கண்டத்தி(ன்)னுளே; மத்தமும் வன்னியும் மலிந்த சென்னிமேல் கொத்து அலர் கொன்றையர் கொள்ளிக்காடரே.	3
பா வணம் மேவு சொல்மாலையின், பல நா வணம் கொள்கையின் நவின்ற செய்கையர்; ஆவணம் கொண்டு எமை ஆள்வர் ஆயினும், கோவணம் கொள்கையர் கொள்ளிக்காடரே.	4
வார் அணி வனமுலை மங்கையாளொடும் சீர் அணி திரு உருத் திகழ்ந்த சென்னியர்; நார் அணி சிலைதனால் நணுகலார் எயில் கூர் எரி கொளுவினர் கொள்ளிக்காடரே.	5
Go to top
பஞ்சு தோய் மெல் அடிப் பாவையாளொடும் மஞ்சு தோய் கயிலையுள் மகிழ்வர், நாள்தொறும்; வெஞ்சின மருப்பொடு விரைய வந்து அடை குஞ்சரம் உரித்தனர் கொள்ளிக்காடரே.	6
இறை உறு வரி வளை இசைகள் பாடிட, அறை உறு கழல் அடி ஆர்க்க, ஆடுவர்; சிறை உறு விரிபுனல் சென்னியின் மிசைக் குறை உறு மதியினர் கொள்ளிக்காடரே.	7
எடுத்தனன் கயிலையை, இயல் வலியினால், அடர்த்தனர் திருவிரலால்; அலறிடப் படுத்தனர்; ஏன்று அவன் பாடல் பாடலும், கொடுத்தனர், கொற்றவாள்; கொள்ளிக்காடரே.	8
தேடினார், அயன் முடி, மாலும் சேவடி; நாடினார் அவர் என்றும் நணுககிற்றிலர்; பாடினார், பரிவொடு; பத்தர் சித்தமும் கூடினார்க்கு அருள்செய்வர் கொள்ளிக்காடரே.	9
நாடி நின்று, அறிவு இல் நாண் இலிகள், சாக்கியர் ஓடி முன் ஓதிய உரைகள் மெய் அல; பாடுவர், நால்மறை; பயின்ற மாதொடும் கூடுவர், திரு உரு; கொள்ளிக்காடரே.	10
Go to top
நல்-தவர் காழியுள் ஞானசம்பந்தன், குற்றம் இல் பெரும் புகழ்க் கொள்ளிக்காடரைச் சொல்-தமிழ் இன் இசைமாலை, சோர்வு இன்றிக் கற்றவர், கழல் அடி காண வல்லரே.	11

Thevaaram Link  - Shaivam Link
Other song(s) from this location: திருக்கொள்ளிக்காடு

3.016   திருஞானசம்பந்த சுவாமிகள்   திருக்கடைக்காப்பு   நிணம் படு சுடலையில், நீறு Tune - காந்தாரபஞ்சமம்   (திருக்கொள்ளிக்காடு அக்கினீசுவரர் பஞ்சினுமெல்லடியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal pathigam no 3.016