This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.111   திருஞானசம்பந்த சுவாமிகள்   திருக்கடைக்காப்பு திருக்கடைமுடி (கீழையூர்) - வியாழக்குறிஞ்சி தீரசங்கராபரணம் செளராஷ்டிரம் கவுடாமல்ஹார் ராகத்தில் திருமுறை அருள்தரு அபிராமியம்பிகை உடனுறை அருள்மிகு கடைமுடியீசுவரர் திருவடிகள் போற்றி

https://www.youtube.com/watch?v=-yJGrUCvJdM   Add audio link

அருத்தனை யறவனை யமுதனைநீர் விருத்தனைப் பாலனை வினவுதிரேல் ஒருத்தனை யல்லதிங் குலகமேத்தும் கருத்தவன் வளநகர் கடைமுடியே.	1
திரைபொரு திருமுடி திங்கள்விம்மும் அரைபொரு புலியத ளடிகளிடம் திரையொடு நுரைபொரு தெண்சுனைநீர் கரைபொரு வளநகர் கடைமுடியே.	2
ஆலிள மதியினொ டரவுகங்கை கோலவெண் ணீற்றனைத் தொழுதிறைஞ்சி ஏலநன் மலரொடு விரைகமழும் காலன வளநகர் கடைமுடியே.	3
கொய்யணி நறுமலர்க் கொன்றையந்தார் மையணி மிடறுடை மறையவனூர் பையணி யரவொடு மான்மழுவாள் கையணி பவனிடங் கடைமுடியே.	4
மறையவ னுலகவன் மாயமவன் பிறையவன் புனலவ னனலுமவன் இறையவ னெனவுல கேத்துங்கண்டம் கறையவன் வளநகர் கடைமுடியே.	5
Go to top
படவர வேரல்குற் பல்வளைக்கை மடவர லாளையொர் பாகம்வைத்துக் குடதிசை மதியது சூடுசென்னிக் கடவுள்தன் வளநகர் கடைமுடியே.	6
பொடிபுல்கு மார்பினிற் புரிபுல்குநூல் அடிபுல்கு பைங்கழ லடிகளிடம் கொடிபுல்கு மலரொடு குளிர்சுனைநீர் கடிபுல்கு வளநகர் கடைமுடியே.	7
நோதல்செய் தரக்கனை நோக்கழியச் சாதல்செய் தவனடி சரணெனலும் ஆதர வருள்செய்த வடிகளவர் காதல்செய் வளநகர் கடைமுடியே.	8
அடிமுடி காண்கில ரோரிருவர் புடைபுல்கி யருளென்று போற்றிசைப்பச் சடையிடைப் புனல்வைத்த சதுரனிடம் கடைமுடியதனயல் காவிரியே.	9
மண்ணுதல் பறித்தலு மாயமிவை எண்ணிய காலவை யின்பமல்ல ஒண்ணுத லுமையையொர் பாகம்வைத்த கண்ணுதல் வளநகர் கடைமுடியே.	10
Go to top
பொன்றிகழ் காவிரிப் பொருபுனல்சீர் சென்றடை கடைமுடிச் சிவனடியை நன்றுணர் ஞானசம் பந்தன்சொன்ன இன்றமி ழிவைசொல வின்பமாமே.	11

Thevaaram Link  - Shaivam Link
Other song(s) from this location: திருக்கடைமுடி (கீழையூர்)

1.111   திருஞானசம்பந்த சுவாமிகள்   திருக்கடைக்காப்பு   அருத்தனை, அறவனை, அமுதனை, நீர் Tune - வியாழக்குறிஞ்சி   (திருக்கடைமுடி (கீழையூர்) கடைமுடியீசுவரர் அபிராமியம்பிகை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.111