This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

10.843   திருமூலர்   திருமந்திரம்

Add audio link

பெம்மான் பெருநந்தி பேச்சற்ற பேரின்பத்(து) அம்மான் அடிதந்(து) அருட்கடல் ஆடினோம் எம்மாய மும்விடுத்(து) எம்மைக் கரந்திட்டுச் சும்மா திருந்திடம் சோதனை ஆகுமே.	1
அறிவுடை யான்அரு மாமறை யுள்ளே செறிவுடை யான்மிகு தேவர்க்கும் தேவன் பொறியுடை யான்புலன் ஐந்துங் கடந்த குறியுடை யானொடும் கூடுவன் நானே.	2
குறியாக் குறியினில் கூடாத கூட்டத்(து) அறியா அறிவில் அவிழ்ந்தே சித்தமாய் நெறியாம் பராநந்தி நீடருள் ஒன்றும் செறியாச் செறிவே சிவம்என லாமே.	3
காலினில் ஊறும் கரும்பினிற் கட்டியும் பாலினுள் நெய்யும் பழத்துள் இரதமும் பூவினுள் நாற்றமும் போல் உளன் எம்மிறை காவலன் எங்கும் கலந்துநின் றானே.	4
விருப்பொடு கூடி விகிர்தரை நாடில் பொருப்பகஞ் சேர்தரு பொற்கொடி போல இருப்பர் மனத்திடை எங்கள் பிரானார் நெருப்புரு வாகி நிகழ்ந்து நிறைந்தே.	5
Go to top
நந்தி பெருமான் நடுவுள் வியோமத்து வந்தென் அகம்படி கோயில்கொண் டான் கொள்ள `எந்தைவந் தான்`என்(று) எழுந்தேன் எழுதலும் சிந்தையி னுள்ளே சிவன்இருந் தானே.	6
நன்மைவல் லோனை நடுவுறை நந்தியைப் புன்மைபொய் யாதே புனிதனை நாடுமின் பன்மையில் யாதென நும்மைப் பரிசுசெய் தொன்மையின் உண்மை தொடர்ந்து நின்றானே	7
தொடர்ந்துநின் றான்என்னைச் சோதிக்கும் போது தொடர்ந்துநின் றான்நல்ல நாதனும் அங்கே படர்ந்துநின்(று) ஆதிப் பராபரன் எந்தை கடந்துநின் றவ்வழி காட்டுகின் றானே.	8
அவ்வழி காட்டும் அமரர்க் கரும்பொருள் இவ்வழி தந்தை தாய் கேளிரே ஒக்கும் செவ்வழி சேர்சிவ லோகத் திருத்திடும் இவ்வழி நந்தி யியல்பது தானே.	9
எறிவது ஞானத்(து) உறைவாள் உருவி அறிவத னோடே அவ் ஆண்டகை யானைச் செறிவது தேவர்க்கும் தேவர் பிரானைப் பறிவது பல்கணம் பற்றுவிட் டாரே.	10
Go to top
ஆதிப் பிரான்தந்த வாள்அங்கைக் கொண்டபின் வேதித்திங் கென்னை விலக்கவல் லார்இல்லை சோதிப்பன் அங்கே சுவடும் படாவண்ணம் ஆதிக்கண் தெய்வம் அவன்இவன் ஆமே.	11
அந்தக் கருவை அருவை வினைசெய்தற் பந்தப் பனிஅச்சம் பல்பிறப் பும்வாட்டிச் சிந்தை திருத்தலும் சேர்ந்தார்அச் சோதனை சந்திக்கத் தற்பர மாகும் சதுரர்க்கே.	12
உரையற்ற தொன்றை உரைத்தான் எனக்குக் கரையற் றெழுந்த கலைவேட் பறுத்துத் திரையற்ற என்னுடல் நீங்கா திருத்திப் புரையற்ற என்னுட் புகும்தற் பரனே. 1,	13

Thevaaram Link  - Shaivam Link
Other song(s) from this location:
This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 10.843