This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.005   திருஞானசம்பந்த சுவாமிகள்   திருக்கடைக்காப்பு திருப்பூந்தராய் - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=tJUB5BtwJ8Y   Add audio link

தக்கன் வேள்வி தகர்த்தவன் பூந்தராய் மிக்க செம்மை விமலன் வியன்கழல் சென்று சிந்தையில் வைக்க மெய்க்கதி நன்ற தாகிய நம்பன் தானே.	1
புள்ளி னம்புகழ் போற்றிய பூந்தராய் வெள்ளம் தாங்கு விகிர்தன் அடிதொழ ஞாலத் தில்உயர் வார்உள்கும் நன்னெறி மூலம் ஆய முதலவன் தானே.	2
வேந்த ராய்உல காள விருப்புறின் பூந்த ராய்நகர் மேயவன் பொற்கழல் நீதி யால்நினைந் தேத்தி உள்கிடச் சாதி யாவினை யான தானே.	3
பூசு ரர்தொழு தேத்திய பூந்தராய் ஈசன் சேவடி யேத்தி யிறைஞ்சிடச் சிந்தை நோயவை தீர நல்கிடும் இந்து வார்சடை யெம்இ றையே.	4
பொலிந்த என்பணி மேனியன் பூந்தராய் மலிந்த புந்தியர் ஆகி வணங்கிட நுந்தம் மேல்வினையோட வீடுசெய் எந்தை யாயஎம் மீசன் தானே.	5
Go to top
பூதம் சூழப் பொலிந்தவன் பூந்தராய் நாதன் சேவடி நாளும் நவின்றிட நல்கும் நாள்தொறும் இன்பம் நளிர்புனல் பில்கு வார்சடைப் பிஞ்ஞ கனே.	6
புற்றின் நாகம் அணிந்தவன் பூந்தராய் பற்றிவாழும் பரமனைப் பாடிடப் பாவம் ஆயின தீரப் பணித்திடுஞ் சேவ தேறிய செல்வன் தானே.	7
போத கத்துரி போர்த்தவன் பூந்தராய் காத லித்தான் கழல்விரல் ஒன்றினால் அரக்கன் ஆற்றல் அழித்தவ னுக்கருள் பெருக்கி நின்றஎம் பிஞ்ஞ கனே.	8
மத்தம் ஆன இருவர் மருவொணா அத்தன் ஆனவன் மேவிய பூந்தராய் ஆள தாக அடைந்துய்ம்மின் நும்வினை மாளு மாறருள் செய்யுந் தானே.	9
பொருத்த மில்சமண் சாக்கியப் பொய்கடிந் திருத்தல் செய்தபிரான் இமை யோர்தொழப் பூந்த ராய்நகர் கோயில் கொண்டுகை ஏந்து மான்மறி யெம்இ றையே.	10
Go to top
புந்தி யான்மிக நல்லவர் பூந்தராய் அந்தம் இல்எம் அடிகளை ஞானசம் பந்தன் மாலைகொண் டேத்தி வாழும்நும் பந்த மார்வினை பாறி டுமே.	11

Thevaaram Link  - Shaivam Link
Other song(s) from this location: திருப்பூந்தராய்

2.001   திருஞானசம்பந்த சுவாமிகள்   திருக்கடைக்காப்பு   செந்நெல் அம் கழனிப் பழனத்து Tune - இந்தளம்   (திருப்பூந்தராய் )

3.002   திருஞானசம்பந்த சுவாமிகள்   திருக்கடைக்காப்பு   பந்து சேர் விரலாள், பவளத்துவர் Tune - காந்தாரபஞ்சமம்   (திருப்பூந்தராய் )

3.005   திருஞானசம்பந்த சுவாமிகள்   திருக்கடைக்காப்பு   தக்கன் வேள்வி தகர்த்தவன், பூந்தராய மிக்க Tune - காந்தாரபஞ்சமம்   (திருப்பூந்தராய் )

3.013   திருஞானசம்பந்த சுவாமிகள்   திருக்கடைக்காப்பு   மின் அன எயிறு உடை Tune - காந்தாரபஞ்சமம்   (திருப்பூந்தராய் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.005