This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.014   திருஞானசம்பந்த சுவாமிகள்   திருக்கடைக்காப்பு திருப்பைஞ்ஞீலி - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு விசாலாட்சியம்மை உடனுறை அருள்மிகு நீலகண்டேசுவரர் திருவடிகள் போற்றி

https://www.youtube.com/watch?v=MvVyrK4wmd0   Add audio link

ஆரிடம் பாடில ரடிகள் காடலால் ஓரிடங் குறைவில ருடையர் கோவணம் நீரிடஞ் சடைவிடை யூர்தி நித்தலும் பாரிடம் பணிசெயும் பயில்பைஞ் ஞீலியே.	1
மருவிலார் திரிபுர மெரிய மால்வரை பருவிலாக் குனித்தபைஞ் ஞீலி மேவலான் உருவிலான் பெருமையை யுளங்கொ ளாதவத் திருவிலா ரவர்களைத் தெருட்ட லாகுமே.	2
அஞ்சுரும் பணிமல ரமுத மாந்தித்தேன் பஞ்சுரம் பயிற்றுபைஞ் ஞீலி மேவலான் வெஞ்சுரந் தனிலுமை வெருவ வந்ததோர் குஞ்சரம் படவுரி போர்த்த கொள்கையே.	3
கோடல்கள் புறவணி கொல்லை முல்லைமேல் பாடல்வண் டிசைமுரல் பயில்பைஞ் ஞீலியார் பேடல ராணலர் பெண்ணு மல்லதோர் ஆடலை யுகந்தவெம் மடிக ளல்லரே.	4
விழியிலா நகுதலை விளங்கி ளம்பிறை சுழியிலார் வருபுனற் சூழல் தாங்கினான் பழியிலார் பரவுபைஞ் ஞீலி பாடலான் கிழியிலார் கேண்மையைக் கெடுக்க லாகுமே.	5
Go to top
விடையுடைக் கொடிவல னேந்தி வெண்மழுப் படையுடைக் கடவுள்பைஞ் ஞீலி மேவலான் துடியிடைக் கலையல்கு லாளோர் பாகமாச் சடையிடைப் புனல்வைத்த சதுர னல்லனே.	6
தூயவன் தூயவெண் ணீறு மேனிமேல் பாயவன் பாயபைஞ் ஞீலி கோயிலா மேயவன் வேய்புரை தோளி பாகமா ஏயவ னெனைச்செயுந் தன்மை யென்கொலோ.	7
தொத்தின தோள்முடி யுடைய வன்றலை பத்தினை நெரித்தபைஞ் ஞீலி மேவலான் முத்தினை முறுவல்செய் தாளொர் பாகமாப் பொத்தினன் திருந்தடி பொருந்தி வாழ்மினே.	8
நீருடைப் போதுறை வானு மாலுமாய்ச் சீருடைக் கழலடி சென்னி காண்கிலர் பாருடைக் கடவுள்பைஞ் ஞீலி மேவிய தாருடைக் கொன்றையந் தலைவர் தன்மையே.	9
பீலியார் பெருமையும் பிடகர் நூன்மையும் சாலியா தவர்களைச் சாதி யாததோர் கோலியா வருவரை கூட்டி யெய்தபைஞ் ஞீலியான் கழலடி நினைந்து வாழ்மினே.	10
Go to top
கண்புனல் விளைவயற் காழிக் கற்பகம் நண்புண ரருமறை ஞான சம்பந்தன் பண்பினர் பரவுபைஞ் ஞீலி பாடுவார் உண்பின வுலகினி லோங்கி வாழ்வரே.	11

Thevaaram Link  - Shaivam Link
Other song(s) from this location: திருப்பைஞ்ஞீலி

3.014   திருஞானசம்பந்த சுவாமிகள்   திருக்கடைக்காப்பு   ஆரிடம் பாடலர், அடிகள், காடு Tune - காந்தாரபஞ்சமம்   (திருப்பைஞ்ஞீலி நீலகண்டேசுவரர் விசாலாட்சியம்மை)

5.041   திருநாவுக்கரசர்   தேவாரம்   உடையர் கோவணம், ஒன்றும் குறைவு Tune - திருக்குறுந்தொகை   (திருப்பைஞ்ஞீலி நீலகண்டேசுவரர் விசாலாட்சியம்மை)

7.036   சுந்தரமூர்த்தி சுவாமிகள்   திருப்பாட்டு   கார் உலாவிய நஞ்சை உண்டு Tune - கொல்லி   (திருப்பைஞ்ஞீலி மெய்ஞ்ஞான நீலகண்டேசுவரர் விசாலாட்சியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.014