This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.057   திருஞானசம்பந்த சுவாமிகள்   திருக்கடைக்காப்பு திருவொற்றியூர் - பஞ்சமம் ஹனுமத்தோடி ஆபோகி ஆகிரி ராகத்தில் திருமுறை அருள்தரு வடிவுடையம்மை உடனுறை அருள்மிகு மாணிக்கத்தியாகர் திருவடிகள் போற்றி

https://www.youtube.com/watch?v=Nhr4gstwUT4   Add audio link

விடையவன் விண்ணுமண்ணுந் தொழ நின்றவன் வெண்மழுவாட் படையவன் பாய்புலித்தோ லுடை கோவணம் பல்கரந்தைச் சடையவன் சாமவேதன் சசி தங்கிய சங்கவெண்டோ டுடையவன் னூனமில்லி யுறை யும்மிட மொற்றியூரே.	1
பாரிடம் பாணிசெய்யப் பறைக் கட்செறு பல்கணப்பேய் சீரொடும் பாடலாட லில யஞ்சிதை யாதகொள்கைத் தாரிடும் போர்விடையன் றலைவன்றலை யேகலனா ஊரிடும் பிச்சைகொள்வா னுறை யும்மிட மொற்றியூரே.	2
விளிதரு நீருமண்ணும் விசும் போடனல் காலுமாகி அளிதரு பேரருளா னர னாகிய வாதிமூர்த்தி களிதரு வண்டு பண்செய் கமழ் கொன்றையி னோடணிந்த ஒளிதரு வெண்பிறையா னுறை யும்மிட மொற்றியூரே.	3
அரவமே கச்சதாக வசைத் தானலர் கொன்றையந்தார் விரவிவெண் ணூல்கிடந்த விரை யார்வரை மார்பனெந்தை பரவுவார் பாவமெல்லாம் பறைத் துப்படர் புன்சடைமேல் உரவுநீ ரேற்றபெம்மா னுறை யும்மிட மொற்றியூரே.	4
விலகினார் வெய்யபாவம் விதி யாலருள் செய்துநல்ல பலகினார் மொந்தைதாளந் தகுணிச்சமும் பாணியாலே அலகினால் வீசிநீர்கொண் டடி மேலல ரிட்டுமுட்டா துலகினா ரேத்தநின்றா னுறை யும்மிட மொற்றியூரே.	5
Go to top
கமையொடு நின்றசீரான் கழ லுஞ்சிலம் புமொலிப்பச் சுமையொடு மேலும்வைத்தான் விரி கொன்றையுஞ் சோமனையும் அமையொடு நீண்டதிண்டோ ளழ காயபொற் றோடிலங்க உமையொடுங் கூடிநின்றா னுறை யும்மிட மொற்றியூரே.	6
நன்றியால் வாழ்வதுள்ளம் முல குக்கொரு நன்மையாலே கன்றினார் மும்மதிலுங் கரு மால்வரை யேசிலையாப் பொன்றினார் வார் சுடலைப் பொடி நீறணிந் தாரழலம் பொன்றினா லெய்தபெம்மா னுறை யும்மிட மொற்றியூரே.	7
பெற்றியாற் பித்தனொப்பான் பெரு மான்கரு மானுரிதோல் சுற்றியான் சுத்திசூலஞ் சுடர்க் கண்ணுதன் மேல்விளங்கத் தெற்றியாற் செற்றரக்கன் னுட லைச்செழு மால்வரைக்கீழ் ஒற்றியான் முற்றுமாள்வா னுறை யும்மிட மொற்றியூரே.	8
திருவினார் போதினானுந் திரு மாலுமொர் தெய்வமுன்னித் தெரிவினாற் காணமாட்டார் திகழ் சேவடி சிந்தைசெய்து பரவினார் பாவமெல்லாம் பறையப்படர் பேரொளியோ டொருவனாய் நின்றபெம்மா னுறை யும்மிட மொற்றியூரே.	9
தோகையம் பீலிகொள்வார் துவர்க் கூறைகள் போர்த்துழல்வார் ஆகமச் செல்வனாரை யலர் தூற்றுதல் காரணமாக் கூகையம் மாக்கள்சொல்லைக் குறிக் கொள்ளன்மி னேழுலகும் ஓகைதந் தாளவல்லா னுறை யும்மிட மொற்றியூரே.	10
Go to top
ஒண்பிறை மல்குசென்னி யிறை வன்னுறை யொற்றியூரைச் சண்பையர் தந்தலைவன் றமிழ் ஞானசம் பந்தன்சொன்ன பண்புனை பாடல்பத்தும் பர விப்பணிந் தேத்தவல்லார் விண்புனை மேலுலகம் விருப் பெய்துவர் வீடெளிதே.	11

Thevaaram Link  - Shaivam Link
Other song(s) from this location: திருவொற்றியூர்

3.057   திருஞானசம்பந்த சுவாமிகள்   திருக்கடைக்காப்பு   விடையவன், விண்ணும் மண்ணும் தொழ Tune - பஞ்சமம்   (திருவொற்றியூர் மாணிக்கத்தியாகர் வடிவுடையம்மை)

4.045   திருநாவுக்கரசர்   தேவாரம்   வெள்ளத்தைச் சடையில் வைத்த வேத Tune - திருநேரிசை:கொல்லி   (திருவொற்றியூர் மாணிக்கத்தியாகர் வடிவுடையம்மை)

4.046   திருநாவுக்கரசர்   தேவாரம்   ஓம்பினேன் கூட்டை, வாளா உள்ளத்து Tune - திருநேரிசை   (திருவொற்றியூர் மாணிக்கத்தியாகர் வடிவுடையம்மை)

4.086   திருநாவுக்கரசர்   தேவாரம்   செற்றுக் களிற்று உரி கொள்கின்ற Tune - திருவிருத்தம்   (திருவொற்றியூர் மாணிக்கத்தியாகர் வடிவுடையம்மை)

5.024   திருநாவுக்கரசர்   தேவாரம்   ஒற்றி ஊரும் ஒளி மதி, Tune - திருக்குறுந்தொகை   (திருவொற்றியூர் மாணிக்கத்தியாகர் வடிவுடையம்மை)

6.045   திருநாவுக்கரசர்   தேவாரம்   வண்டு ஓங்கு செங்கமலம் கழுநீர் Tune - திருத்தாண்டகம்   (திருவொற்றியூர் மாணிக்கத்தியாகர் வடிவுடையம்மை)

7.054   சுந்தரமூர்த்தி சுவாமிகள்   திருப்பாட்டு   அழுக்கு மெய் கொடு உன் Tune - தக்கேசி   (திருவொற்றியூர் படம்பக்கநாதர் - மாணிக்கத்தியாகர் வடிவுடையம்மை)

7.091   சுந்தரமூர்த்தி சுவாமிகள்   திருப்பாட்டு   பாட்டும் பாடிப் பரவித் திரிவார் Tune - குறிஞ்சி   (திருவொற்றியூர் படம்பக்கநாதர் - மாணிக்கத்தியாகர் வடிவுடையம்மை)

11.030   பட்டினத்துப் பிள்ளையார்   திருவொற்றியூர் ஒருபா ஒருபது   திருவொற்றியூர் ஒருபா ஒருபது Tune -   (திருவொற்றியூர் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.057