This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.058   திருஞானசம்பந்த சுவாமிகள்   திருக்கடைக்காப்பு திருச்சாத்தமங்கை - பஞ்சமம் ஹனுமத்தோடி ஆபோகி ஆகிரி ராகத்தில் திருமுறை அருள்தரு மலர்க்கணம்பிகையம்மை உடனுறை அருள்மிகு அயவந்தீசுவரர் திருவடிகள் போற்றி

https://www.youtube.com/watch?v=1ztXzW4RmGk   Add audio link

திருமலர்க் கொன்றைமாலை திளைக் கும்மதி சென்னிவைத்தீர் இருமலர்க் கண்ணிதன்னோ டுட னாவது மேற்பதொன்றே பெருமலர்ச் சோலைமேக முரிஞ் சும்பெருஞ் சாத்தமங்கை அருமல ராதிமூர்த்தீ யய வந்தி யமர்ந்தவனே.	1
பொடிதனைப் பூசுமார்பிற் புரி நூலொரு பாற்பொருந்தக் கொடியன சாயலாளோ டுடனாவதுங் கூடுவதே கடிமண மல்கிநாளுங் கம ழும்பொழிற் சாத்தமங்கை அடிகணக் கன்பரவ வய வந்தி யமர்ந்தவனே.	2
நூனலந் தங்குமார்பி னுகர் நீறணிந் தேறதேறி மானன நோக்கிதன்னோ டுட னாவது மாண்பதுவே தானலங் கொண்டுமேகந் தவ ழும்பொழிற் சாத்தமங்கை ஆனலந் தோய்ந்தவெம்மா னயவந்தி யமர்ந்தவனே.	3
மற்றவின் மால்வரையா மதி லெய்துவெண் ணீறுபூசிப் புற்றர வல்குலாளோ டுட னாவதும் பொற்பதுவே கற்றவர் சாத்தமங்கை நகர் கைதொழச் செய்தபாவம் அற்றவர் நாளுமேத்த வய வந்தி யமர்ந்தவனே.	4
வெந்தவெண் ணீறுபூசி விடை யேறிய வேதகீதன் பந்தண வும்விரலா ளுட னாவதும் பாங்கதுவே சந்தமா றங்கம்வேதந் தரித் தார்தொழுஞ் சாத்தமங்கை அந்தமா யாதியாகி யய வந்தி யமர்ந்தவனே.	5
Go to top
வேதமாய் வேள்வியாகி விளங் கும்பொருள் வீடதாகிச் சோதியாய் மங்கைபாகந் நிலை தான்சொல்ல லாவதொன்றே சாதியான் மிக்கசீராற் றகு வார்தொழுஞ் சாத்தமங்கை ஆதியாய் நின்றபெம்மா னய வந்தி யமர்ந்தவனே.	6
இமயமெல் லாமிரிய மதி லெய்துவெண் ணீறுபூசி உமையையொர் பாகம்வைத்த நிலை தானுன்ன லாவதொன்றே சமயமா றங்கம்வேதந் தரித் தார்தொழுஞ் சாத்தமங்கை அமையவே றோங்குசீரா னய வந்தி யமர்ந்தவனே.	7
பண்ணுலாம் பாடல்வீணை பயில் வானோர் பரமயோகி விண்ணுலா மால்வரையான் மகள் பாகமும் வேண்டினையே தண்ணிலா வெண்மதியந் தவ ழும்பொழிற் சாத்தமங்கை அண்ணலாய் நின்றவெம்மா னய வந்தி யமர்ந்தவனே.	8
பேரெழிற் றோளரக்கன் வலி செற்றதும் பெண்ணோர்பாகம் ஈரெழிற் கோலமாகி யுட னாவது மேற்பதொன்றே காரெழில் வண்ணனோடு கன கம்மனை யானுங்காணா ஆரழல் வண்ணமங்கை யய வந்தி யமர்ந்தவனே.	9
கங்கையோர் வார்சடைமே லடை யப்புடை யேகமழும் மங்கையோ டொன்றிநின்றம் மதிதான்சொல்ல லாவதொன்றே சங்கையில் லாமறையோ ரவர் தாந்தொழு சாத்தமங்கை அங்கையிற் சென்னிவைத்தா யயவந்தி யமர்ந்தவனே.	10
Go to top
மறையினார் மல்குகாழித் தமிழ் ஞானசம் பந்தன்மன்னும் நிறையினார் நீலநக்க னெடு மாநக ரென்றுதொண்டர் அறையுமூர் சாத்தமங்கை யய வந்திமே லாய்ந்தபத்தும் முறைமையா லேத்தவல்லா ரிமை யோரிலு முந்துவரே.	11

Thevaaram Link  - Shaivam Link
Other song(s) from this location: திருச்சாத்தமங்கை

3.058   திருஞானசம்பந்த சுவாமிகள்   திருக்கடைக்காப்பு   திரு மலர்க்கொன்றை மாலை திளைக்கும் Tune - பஞ்சமம்   (திருச்சாத்தமங்கை அயவந்தீசுவரர் மலர்க்கணம்பிகையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.058