This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.072   திருஞானசம்பந்த சுவாமிகள்   திருக்கடைக்காப்பு திருமாகறல் - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு புவனநாயகியம்மை உடனுறை அருள்மிகு அடைக்கலங்காத்தநாதர் திருவடிகள் போற்றி எலும்பு முறிவு குணம் அடைவதற்கும் , இளம்பிள்ளை வாதம் , பக்க வாத நோய்கள் தீர்வதற்கு ஓதவேண்டிய பதிகம்

https://www.youtube.com/watch?v=KazBwKsulkI   Add audio link

விங்குவிளை கழனிமிகு கடைசியர்கள் பாடல்விளை யாடலரவம் மங்குலொடு நீள்கொடிகண் மாடமலி நீடுபொழின் மாகறலுளான் கொங்குவிரி கொன்றையொடு கங்கைவளர் திங்களணி செஞ்சடையினான் செங்கண்விடை யண்ணலடி சேர்பவர்கள் தீவினைகள் தீருமுடனே.	1
கலையினொலி மங்கையர்கள் பாடலொலி யாடல்கவி னெய்தியழகார் மலையினிகர் மாடமுயர் நீள்கொடிகள் வீசுமலி மாகறலுளான் இலையின்மலி வேல்நுனைய சூலம்வல னேந்தியெரி புன்சடையினுள் அலைகொள்புன லேந்துபெரு மானடியை யேத்தவினை யகலுமிகவே.	2
காலையொடு துந்துபிகள் சங்குகுழல் யாழ்முழவு காமருவுசீர் மாலைவழி பாடுசெய்து மாதவர்க ளேத்திமகிழ் மாகறலுளான் தோலையுடை பேணியதன் மேலொர்சுடர் நாகமசை யாவழகிதாப் பாலையன நீறுபுனை வானடியை யேத்தவினை பறையுமுடனே.	3
இங்குகதிர் முத்தினொடு பொன்மணிக ளுந்தியெழின் மெய்யுளுடனே மங்கையரு மைந்தர்களு மன்னுபுன லாடிமகிழ் மாகறலுளான் கொங்குவளர் கொன்றைகுளிர் திங்களணி செஞ்சடையி னானடியையே நுங்கள்வினை தீரமிக வேத்திவழி பாடுநுகரா வெழுமினே.	4
துஞ்சுநறு நீலமிரு ணீங்கவொளி தோன்றுமது வார்கழனிவாய் மஞ்சுமலி பூம்பொழிலின் மயில்கணட மாடமலி மாகறலுளான் வஞ்சமத யானையுரி போர்த்துமகிழ் வானொர்மழு வாளன் வளரும் நஞ்சமிருள் கண்டமுடை நாதனடி யாரைநலி யாவினைகளே.	5
Go to top
மன்னுமறை யோர்களொடு பல்படிம மாதவர்கள் கூடியுடனாய் இன்னவகை யாலினிதி றைஞ்சியிமை யோரிலெழு மாகறலுளான் மின்னைவிரி புன்சடையின் மேன்மலர்கள் கங்கையொடு திங்களெனவே உன்னுமவர் தொல்வினைக ளொல்கவுயர் வானுலக மேறலெளிதே.	6
வெய்யவினை நெறிகள்செல வந்தணையு மேல்வினைகள் வீட்டலுறுவீர் மைகொள்விரி கானன்மது வார்கழனி மாகறலு ளானெழிலதார் கையகரி கால்வரையின் மேலதுரி தோலுடைய மேனியழகார் ஐயனடி சேர்பவரை யஞ்சியடை யாவினைக ளகலுமிகவே.	7
தூசுதுகி னீள்கொடிகண் மேகமொடு தோய்வனபொன் மாடமிசையே மாசுபடு செய்கைமிக மாதவர்க ளோதிமலி மாகறலுளான் பாசுபத விச்சைவரி நச்சரவு கச்சையுடை பேணியழகார் பூசுபொடி யீசனென வேத்தவினை நிற்றலில போகுமுடனே.	8
தூயவிரி தாமரைக ணெய்தல்கழு நீர்குவளை தோன்றமதுவுண் பாயவரி வண்டுபல பண்முரலு மோசைபயின் மாகறலுளான் சாயவிர லூன்றியவி ராவணன தன்மைகெட நின்றபெருமான் ஆயபுக ழேத்துமடி யார்கள்வினை யாயினவு மகல்வதெளிதே.	9
காலினல பைங்கழல்க ணீண்முடியின் மேலுணர்வு காமுறவினார் மாலுமல ரானுமறி யாமையெரி யாகியுயர் மாகறலுளான் நாலுமெரி தோலுமுரி மாமணிய நாகமொடு கூடியுடனாய் ஆலும்விடை யூர்தியுடை யடிகளடி யாரையடை யாவினைகளே.	10
Go to top
கடைகொணெடு மாடமிக வோங்குகமழ் வீதிமலி காழியவர்கோன் அடையும்வகை யாற்பரவி யரனையடி கூடுசம் பந்தனுரையால் மடைகொள்புன லோடுவயல் கூடுபொழின் மாகறலுளா னடியையே உடையதமிழ் பத்துமுணர் வாரவர்கள் தொல்வினைக ளொல்குமுடனே.	11

Thevaaram Link  - Shaivam Link
Other song(s) from this location: திருமாகறல்

3.072   திருஞானசம்பந்த சுவாமிகள்   திருக்கடைக்காப்பு   விங்கு விளை கழனி, மிகு Tune - சாதாரி   (திருமாகறல் அடைக்கலங்காத்தநாதர் புவனநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.072