This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.082   திருஞானசம்பந்த சுவாமிகள்   திருக்கடைக்காப்பு திருஅவளிவணல்லூர் - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு சவுந்தரநாயகியம்மை உடனுறை அருள்மிகு சாட்சிநாயகர் திருவடிகள் போற்றி

https://www.youtube.com/watch?v=Ao3mW_l30rI   Add audio link

கொம்பிரிய வண்டுலவு கொன்றைபுரி நூலொடுகு லாவித் தம்பரிசி னோடுசுடு நீறுதட வந்திடப மேறிக் கம்பரிய செம்பொனெடு மாடமதில் கல்வரைவி லாக அம்பெரிய வெய்தபெரு மானுறைவ தவளிவண லூரே.	1
ஓமையன கள்ளியன வாகையன கூகைமுர லோசை ஈமமெரி சூழ்சுடலை வாசமுது காடுநட மாடித் தூய்மையுடை யக்கொடர வம்விரவி மிக்கொளிது லங்க ஆமையொடு பூணுமடி கள்ளுறைவ தவளிவண லூரே.	2
நீறுடைய மார்பிலிம வான்மகளொர் பாகநிலை செய்து கூறுடைய வேடமொடு கூடியழ காயதொரு கோலம் ஏறுடைய ரேனுமிடு காடிரவி னின்றுநட மாடும் ஆறுடைய வார்சடையி னானுறைவ தவளிவண லூரே.	3
பிணியுமிலர் கேடுமிலர் தோற்றமில ரென்றுலகு பேணிப் பணியுமடி யார்களன பாவமற வின்னருள்ப யந்து துணியுடைய தோலுமுடை கோவணமு நாகமுட றொங்க அணியுமழ காகவுடை யானுறைவ தவளிவண லூரே.	4
குழலின்வரி வண்டுமுரன் மெல்லியன பொன்மலர்கள் கொண்டு கழலின்மிசை யிண்டைபுனை வார்கடவு ளென்றமரர் கூடித் தொழலும்வழி பாடுமுடை யார்துயரு நோயுமிலராவர் அழலுமழு வேந்துகையி னானுறைவ தவளிவண லூரே.	5
Go to top
துஞ்சலில ராயமரர் நின்றுதொழு தேத்தவருள் செய்து நஞ்சுமிட றுண்டுகரி தாயவெளி தாகியொரு நம்பன் மஞ்சுறநி மிர்ந்துமைந டுங்கவக லத்தொடுவ ளாவி அஞ்சமத வேழவுரி யானுறைவ தவளிவண லூரே.	6
கூடரவ மொந்தைகுழல் யாழ்முழவி னோடுமிசை செய்யப் பீடரவ மாகுபட ரம்புசெய்து பேரிடப மோடும் காடரவ மாகுகனல் கொண்டிரவில் நின்றுநட மாடி ஆடரவ மார்த்தபெரு மானுறைவ தவளிவண லூரே.	7
ஒருவரையு மேல்வலிகொ டேனெனவெ ழுந்தவிற லோனிப் பெருவரையின் மேலொர்பெரு மானுமுளனோ வெனவெ குண்ட கருவரையு மாழ்கடலு மன்னதிறல் கைகளுடை யோனை அருவரையி லூன்றியடர்த் தானுறைவ தவளிவண லூரே.	8
பொறிவரிய நாகமுயர் பொங்கணைய ணைந்தபுக ழோனும் வெறிவரிய வண்டறைய விண்டமலர் மேல்விழுமி யோனும் செறிவரிய தோற்றமொடு வாற்றன்மிக நின்றுசிறி தேயும் அறிவரிய னாயபெரு மானுறைவ தவளிவண லூரே.	9
கழியருகு பள்ளியிட மாகவடு மீன்கள்கவர் வாரும் வழியருகு சாரவெயி னின்றடிசி லுள்கிவரு வாரும் பழியருகி னாரொழிக பான்மையொடு நின்றுதொழு தேத்தும் அழியருவி தோய்ந்தபெரு மானுறைவ தவளிவண லூரே.	10
Go to top
ஆனமொழி யானதிற லோர்பரவு மவளிவண லூர்மேல் போனமொழி நன்மொழி களாயபுகழ் தோணிபுர வூரன் ஞானமொழி மாலைபல நாடுபுகழ் ஞானசம் பந்தன் தேனமொழி மாலைபுகழ் வார்துயர்க டீயதிலர் தாமே.	11

Thevaaram Link  - Shaivam Link
Other song(s) from this location: திருஅவளிவணல்லூர்

3.082   திருஞானசம்பந்த சுவாமிகள்   திருக்கடைக்காப்பு   கொம்பு இரிய வண்டு உலவு Tune - சாதாரி   (திருஅவளிவணல்லூர் சாட்சிநாயகர் சவுந்தரநாயகியம்மை)

4.059   திருநாவுக்கரசர்   தேவாரம்   தோற்றினான் எயிறு கவ்வித் தொழில் Tune - திருநேரிசை   (திருஅவளிவணல்லூர் சாட்சிநாயகேசுவரர் சவுந்தரநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.082