This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.088   திருநாவுக்கரசர்   தேவாரம் திருப்பூந்துருத்தி - திருவிருத்தம் அருள்தரு அழகாலமர்ந்தநாயகி உடனுறை அருள்மிகு புஷ்பவனநாதர் திருவடிகள் போற்றி

https://www.youtube.com/watch?v=pT_B4tkck3g   Add audio link

மாலினை மாலுற நின்றான் மலைமக டன்னுடைய பாலனைப் பான்மதி சூடியைப் பண்புண ரார்மதின்மேல் போலனைப் போர்விடை யேறியைப் பூந்துருத் திம்மகிழும் ஆலனை யாதிபு ராணனை நாமடி போற்றுவதே.	1
மறியுடை யான்மழு வாளினன் மாமலை மங்கையொர்பால் குறியுடை யான்குண மொன்றறிந் தாரில்லை கூறிலவன் பொறியுடை வாளர வத்தவன் பூந்துருத் திய்யுறையும் அறிவுடை யாதிபு ராணனை நாமடி போற்றுவதே.	2
மறுத்தவர் மும்மதின் மாயவொர் வெஞ்சிலை கோத்தொரம்பால் அறுத்தனை யாலதன் கீழனை யால்விட முண்டதனைப் பொறுத்தனைப் பூதப் படையனைப் பூந்துருத் திய்யுறையும் நிறத்தனை நீல மிடற்றனை யானடி போற்றுவதே.	3
உருவினை யூழி முதல்வனை யோதி நிறைந்து நின்ற திருவினைத் தேசம் படைத்தனைச் சென்றடைந் தேனுடைய பொருவினை யெல்லாந் துரந்தனைப் பூந்துருத் திய்யுறையும் கருவினைக் கண்மூன் றுடையனை யானடி போற்றுவதே.	4
தக்கன்றன் வேள்வி தகர்த்தவன் சார மதுவன்றுகோள் மிக்கன மும்மதில் வீயவொர் வெஞ்சிலை கோத்தொரம்பால் புக்கனன் பொன்றிகழ்ந் தன்னதோர் பூந்துருத் திய்யுறையும் நக்கனை நங்கள்பி ரான்றனை நானடி போற்றுவதே.	5
Go to top
அருகடை மாலையுந் தானுடை யானழ காலமைந்த உருவுடை மங்கையுந் தன்னொரு பாலுல காயுநின்றான் பொருபடை வேலினன் வில்லினன் பூந்துருத் திய்யுறையும் திருவுடைத் தேச மதியனை யானடி போற்றுவதே.	6
மன்றியுந் நின்ற மதிலரை மாய வகைகெடுக்கக் கன்றியுந் நின்று கடுஞ்சிலை வாங்கிக் கனலம்பினால் பொன்றியும் போகப் புரட்டினன் பூந்துருத் திய்யுறையும் அன்றியும் செய்தபி ரான்றனை யானடி போற்றுவதே.	7
மின்னிறம் மிக்க விடையுமை நங்கையொர் பான்மகிழ்ந்தான் என்னிற மென்றம ரர்பெரியா ரின்னந் தாமறியார் பொன்னிற மிக்க சடையவன் பூந்துருத் திய்யுறையும் என்னிற வெந்தைபி ரான்றனை யானடி போற்றுவதே.	8
அந்தியை நல்ல மதியினை யார்க்கு மறிவரிய செந்தியை வாட்டுஞ்செம் பொன்னினைச் சென்றடைந் தேனுடைய புந்தியைப் புக்க வறிவினைப் பூந்துருத் திய்யுறையும் நந்தியை நங்கள்பி ரான்றனை நானடி போற்றுவதே.	9
பைக்கையும் பாந்தி விழிக்கையும் பாம்பு சடையிடையே வைக்கையும் வானிழி கங்கையு மங்கை நடுக்குறவே மொய்க்கை யரக்கனை யூன்றினன் பூந்துருத் திய்யுறையும் மிக்கநல் வேத விகிர்தனை நானடி போற்றுவதே.	10
Go to top

Thevaaram Link  - Shaivam Link
Other song(s) from this location: திருப்பூந்துருத்தி

4.088   திருநாவுக்கரசர்   தேவாரம்   மாலினை மால் உற நின்றான், Tune - திருவிருத்தம்   (திருப்பூந்துருத்தி புஷ்பவனநாதர் அழகாலமர்ந்தநாயகி)

5.032   திருநாவுக்கரசர்   தேவாரம்   கொடி கொள் செல்வ விழாக் Tune - திருக்குறுந்தொகை   (திருப்பூந்துருத்தி புஷ்பவனநாதர் அழகாலமர்ந்தநாயகி)

6.043   திருநாவுக்கரசர்   தேவாரம்   நில்லாத நீர் சடைமேல் நிற்பித்தானை; Tune - திருத்தாண்டகம்   (திருப்பூந்துருத்தி புஷ்பவனநாதர் அழகாலமர்ந்தநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.088