This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.097   திருநாவுக்கரசர்   தேவாரம் திருநல்லூர் - திருவிருத்தம் அருள்தரு பெரியநாயகியம்மை உடனுறை அருள்மிகு சிவக்கொழுந்தீசுவரர் திருவடிகள் போற்றி

https://www.youtube.com/watch?v=6_bUKILqIFE   Add audio link

அட்டுமி னில்பலி யென்றென் றகங்கடை தோறும்வந்து மட்டவி ழுங்குழ லார்வளை கொள்ளும் வகையென்கொலோ கொட்டிய பாணி யெடுத்திட்ட பாதமுங் கோளரவும் நட்டநின் றாடிய நாதர்நல் லூரிடங் கொண்டவரே.	1
பெண்ணிட்டம் பண்டைய தன்றிவை பெய்பலிக் கென்றுழல்வார் நண்ணிட்டு வந்து மனைபுகுந் தாருநல் லூரகத்தே பண்ணிட்ட பாடல ராடல ராய்ப்பற்றி நோக்கிநின்று கண்ணிட்டுப் போயிற்றுக் காரண முண்டு கறைக்கண்டரே.	2
படவே ரரவல்குற் பாவைநல் லீர்பக லேயொருவர் இடுவா ரிடைப்பலி கொள்பவர் போலவந் தில்புகுந்து நடவா ரடிக ணடம்பயின் றாடிய கூத்தர்கொலோ வடபாற் கயிலையுந் தென்பானல் லூருந்தம் வாழ்பதியே.	3
செஞ்சுடர்ச் சோதிப் பவளத் திரள்திகழ் முத்தனைய நஞ்சணி கண்டனல் லூருறை நம்பனை நானொருகால் துஞ்சிடைக் கண்டு கனவின் றலைத்தொழு தேற்கவன்றான் நெஞ்சிடை நின்றக லான்பல காலமும் நின்றனனே.	4
வெண்மதி சூடி விளங்கநின் றானைவிண் ணோர்கள்தொழ நண்ணில யத்தொடு பாடல றாதநல் லூரகத்தே திண்ணில யங்கொண்டு நின்றான் றிரிபுர மூன்றெரித்தான் கண்ணுளும் நெஞ்சத் தகத்து முளகழற் சேவடியே.	5
Go to top
தேற்றப் படத்திரு நல்லூ ரகத்தே சிவனிருந்தால் தோற்றப் படச்சென்று கண்டுகொள் ளார்தொண்டர் துன்மதியால் ஆற்றிற் கெடுத்துக் குளத்தினிற் றேடிய வாதரைப்போல் காற்றிற் கடுத்துல கெல்லாந் திரிதர்வர் காண்பதற்கே.	6
நாட்கொண்ட தாமரைப் பூத்தடஞ் சூழ்ந்தநல் லூரகத்தே கீட்கொண்ட கோவணங் காவென்று சொல்லிக் கிறிபடத்தான் வாட்கொண்ட நோக்கி மனைவி யொடுமங்கொர் வாணிகனை ஆட்கொண்ட வார்த்தை யுரைக்குமன் றோவிவ் வகலிடமே.	7
அறைமல்கு பைங்கழ லார்ப்பநின் றானணி யார்சடைமேல் நறைமல்கு கொன்றையந் தாருடை யானுநல் லூரகத்தே பறைமல்கு பாடல னாடல னாகிப் பரிசழித்தான் பிறைமல்கு செஞ்சடை தாழநின் றாடிய பிஞ்ஞகனே.	8
மன்னிய மாமறை யோர்மகிழ்ந் தேத்த மருவியெங்கும் துன்னிய தொண்டர்க ளின்னிசை பாடித் தொழுதுநல்லூர்க் கன்னியர் தாமுங் கனவிடை யுன்னிய காதலரை அன்னிய ரற்றவ ரங்கண னேயரு ணல்கென்பரே.	9
திருவமர் தாமரை சீர்வளர் செங்கழு நீர்கொணெய்தல் குருவமர் கோங்கங் குராமகிழ் சண்பகங் கொன்றைவன்னி மருவமர் நீள்கொடி மாட மலிமறை யோர்கணல்லூர் உருவமர் பாகத் துமையவள் பாகனை யுள்குதுமே.	10
Go to top
செல்லேர் கொடியன் சிவன்பெருங் கோயில் சிவபுரமும் வல்லேன் புகவு மதில்சூ ழிலங்கையர் காவலனைக் கல்லார் முடியொடு தோளிறச் செற்ற கழலடியான் நல்லூ ரிருந்த பிரானல்ல னோநம்மை யாள்பவனே.	11

Thevaaram Link  - Shaivam Link
Other song(s) from this location: திருநல்லூர்

1.086   திருஞானசம்பந்த சுவாமிகள்   திருக்கடைக்காப்பு   கொட்டும் பறை சீரால் குழும, Tune - குறிஞ்சி   (திருநல்லூர் பெரியாண்டேசுவரர் திரிபுரசுந்தரியம்மை)

2.057   திருஞானசம்பந்த சுவாமிகள்   திருக்கடைக்காப்பு   பெண் அமரும் திருமேனி உடையீர்! Tune - காந்தாரம்   (திருநல்லூர் பெரியாண்டேசுவரர் திரிபுரசுந்தரியம்மை)

3.083   திருஞானசம்பந்த சுவாமிகள்   திருக்கடைக்காப்பு   வண்டு இரிய விண்ட மலர் Tune - சாதாரி   (திருநல்லூர் பெரியாண்டேசுவரர் திரிபுரசுந்தரியம்மை)

4.097   திருநாவுக்கரசர்   தேவாரம்   அட்டுமின், இல் பலி! என்று Tune - திருவிருத்தம்   (திருநல்லூர் சிவக்கொழுந்தீசுவரர் பெரியநாயகியம்மை)

6.014   திருநாவுக்கரசர்   தேவாரம்   நினைந்து உருகும் அடியாரை நைய Tune - திருத்தாண்டகம்   (திருநல்லூர் பெரியாண்டேசுவரர் திரிபுரசுந்தரியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.097