This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.100   திருநாவுக்கரசர்   தேவாரம் திருஇன்னம்பர் - திருவிருத்தம் அருள்தரு காமாட்சியம்மை உடனுறை அருள்மிகு ஏகாம்பரநாதர் திருவடிகள் போற்றி

https://www.youtube.com/watch?v=npcFMuLv1bM   Add audio link

மன்னு மலைமகள் கையால் வருடின மாமறைகள் சொன்ன துறைதொறுந் தூப்பொரு ளாயின தூக்கமலத் தன்ன வடிவின வன்புடைத் தொண்டர்க் கமுதரும்பி இன்னல் களைவன வின்னரம்ப ரான்ற னிணையடியே.	1
பைதற் பிணக்குழைக் காளிவெங் கோபம்பங் கப்படுப்பான் செய்தற் கரிய திருநடஞ் செய்தன சீர்மறையோன் உய்தற் பொருட்டுவெங்கூற்றை யுதைத்தன வும்பர்க்கெல்லாம் எய்தற் கரியன வின்னம்ப ரான்ற னிணையடியே.	2
சுணங்குநின் றார்கொங்கை யாளுமை சூடின தூமலரால் வணங்கிநின் றும்பர்கள் வாழ்த்தின மன்னு மறைகடம்மில் பிணங்கிநின் றின்னன வென்றறி யாதன பேய்க்கணத்தோ டிணங்கிநின் றாடின வின்னம்ப ரான்ற னிணையடியே.	3
ஆறொன் றியசம யங்களி னவ்வவர்க் கப்பொருள்கள் வேறொன்றி லாதன விண்ணோர் மதிப்பன மிக்குவமன் மாறொன்றி லாதன மண்ணொடு விண்ணகம் மாய்ந்திடினும் ஈறொன்றி லாதன வின்னம்ப ரான்ற னிணையடியே.	4
அரக்கர்தம் முப்புர மம்பொன்றி னாலட லங்கியின்வாய்க் கரக்கமுன் வைதிகத் தேர்மிசை நின்றன கட்டுருவம் பரக்கவெங் கானிடை வேடுரு வாயின பல்பதிதோ றிரக்க நடந்தன வின்னம்ப ரான்ற னிணையடியே.	5
Go to top
கீண்டுங் கிளர்ந்தும்பொற் கேழன்முன் றேடின கேடுபடா ஆண்டும் பலபல வூழியு மாயின வாரணத்தின் வேண்டும் பொருள்கள் விளங்கநின் றாடின மேவுசிலம் பீண்டுங் கழலின வின்னம்ப ரான்ற னிணையடியே.	6
போற்றுந் தகையன பொல்லா முயலகன் கோபப்புன்மை ஆற்றுந் தகையன வாறு சமயத் தவரவரைத் தேற்றுந் தகையன தேறிய தொண்டரைச் செந்நெறிக்கே ஏற்றுந் தகையன வின்னம்ப ரான்ற னிணையடியே.	7
பயம்புன்மை சேர்தரு பாவந் தவிர்ப்பன பார்ப்பதிதன் குயம்பொன்மை மாமல ராகக் குலாவின கூடவொண்ணாச் சயம்புவென் றேதகு தாணுவென் றேசதுர் வேதங்கணின் றியம்புங் கழலின வின்னம்ப ரான்ற னிணையடியே.	8
அயனொடு மாலிந் திரன்சந்த்ரா தித்த ரமரரெலாம் சயசய வென்றுமுப் போதும் பணிவன தண்கடல்சூழ் வியனில முற்றுக்கும் விண்ணுக்கும் நாகர் வியனகர்க்கும் இயபர மாவன வின்னம்ப ரான்ற னிணையடியே.	9
தருக்கிய தக்கன்றன் வேள்வி தகர்த்தன தாமரைப்போ துருக்கிய செம்பொ னுவமனி லாதன வொண்கயிலை நெருக்கிய வாளரக் கன்றலை பத்து நெரித்தவன்றன் இருக்கியல் பாயின வின்னம்ப ரான்ற னிணையடியே.	10
Go to top

Thevaaram Link  - Shaivam Link
Other song(s) from this location: திருஇன்னம்பர்

3.095   திருஞானசம்பந்த சுவாமிகள்   திருக்கடைக்காப்பு   எண் திசைக்கும் புகழ் இன்னம்பர் Tune - சாதாரி   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

4.072   திருநாவுக்கரசர்   தேவாரம்   விண்ணவர் மகுடகோடி மிடைந்த சேவடியர் Tune - திருநேரிசை   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

4.100   திருநாவுக்கரசர்   தேவாரம்   மன்னும் மலைமகள் கையால் வருடின; Tune - திருவிருத்தம்   (திருஇன்னம்பர் ஏகாம்பரநாதர் காமாட்சியம்மை)

5.021   திருநாவுக்கரசர்   தேவாரம்   என்னில் ஆரும் எனக்கு இனியார் Tune - திருக்குறுந்தொகை   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

6.089   திருநாவுக்கரசர்   தேவாரம்   அல்லி மலர் நாற்றத்து உள்ளார் Tune - திருத்தாண்டகம்   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.100