This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.111   திருநாவுக்கரசர்   தேவாரம் பொது -சரக்கறை திருவிருத்தம் - திருவிருத்தம் அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=V2RlPFkwLy8   Add audio link

விடையும் விடைப்பெரும் பாகாவென் விண்ணப்பம் வெம்மழுவாட் படையும் படையாய் நிரைத்தபல் பூதமும் பாய்புலித்தோல் உடையு முடைதலை மாலையு மாலைப் பிறையொதுங்கும் சடையு மிருக்குஞ் சரக்கறை யோவென் றனிநெஞ்சமே.	1
விஞ்சத் தடவரை வெற்பாவென் விண்ணப்ப மேலிலங்கு சங்கக் கலனுஞ் சரிகோ வணமுந் தமருகமும் அந்திப் பிறையு மனல்வா யரவும் விரவியெல்லாம் சந்தித் திருக்குஞ் சரக்கறை யோவென் றனிநெஞ்சமே.	2
வீந்தார் தலைகல னேந்தீயென் விண்ணப்ப மேலிலங்கு சாந்தாய வெந்த தவளவெண் ணீறுந் தகுணிச்சமும் பூந்தா மரைமேனிப் புள்ளி யுழைமா னதள்புலித்தோல் தாந்தா மிருக்குஞ் சரக்கறை யோவென் றனிநெஞ்சமே.	3
வெஞ்சமர் வேழத் துரியாயென் விண்ணப்ப மேலிலங்கு வஞ்சமா வந்த வருபுனற் கங்கையும் வான்மதியும் நஞ்சமா நாக நகுசிர மாலை நகுவெண்டலை தஞ்சமா வாழுஞ் சரக்கறை யோவென் றனிநெஞ்சமே.	4
வேலைக் கடனஞ்ச முண்டாயென் விண்ணப்ப மேலிலங்கு காலற்க டந்தா னிடங்கயி லாயமுங் காமர்கொன்றை மாலைப் பிறையு மணிவா யரவும் விரவியெல்லாம் சாலக் கிடக்குஞ் சரக்கறை யோவென் றனிநெஞ்சமே.	5
Go to top
வீழிட்ட கொன்றையந் தாராயென் விண்ணப்ப மேலிலங்கு சூழிட் டிருக்குநற் சூளா மணியுஞ் சுடலைநீறும் ஏழிட் டிருக்குநல் லக்கு மரவுமென் பாமையோடும் தாழிட் டிருக்கும் சரக்கறை யோவென் றனிநெஞ்சமே.	6
விண்டார் புரமூன்று மெய்தாயென் விண்ணப்ப மேலிலங்கு தொண்டா டியதொண் டடிப்பொடி நீறுந் தொழுதுபாதம் கண்டார்கள் கண்டிருக் குங்கயி லாயமுங் காமர்கொன்றைத் தண்டா ரிருக்குஞ் சரக்கறை யோவென் றனிநெஞ்சமே.	7
விடுபட்டி யேறுகந் தேறீயென் விண்ணப்ப மேலிலங்கு கொடுகொட்டி கொக்கரை தக்கை குழறாளம் வீணைமொந்தை வடுவிட்ட கொன்றையும் வன்னியு மத்தமும் வாளரவும் தடுகுட்ட மாடுஞ் சரக்கறை யோவென் றனிநெஞ்சமே.	8
வெண்டிரைக் கங்கை விகிர்தாவென் விண்ணப்ப மேலிலங்கு கண்டிகை பூண்டு கடிசூத் திரமேற் கபாலவடம் குண்டிகை கொக்கரை கோணற் பிறைகுறட் பூதப்படை தண்டிவைத் திட்ட சரக்கறை யோவென் றனிநெஞ்சமே.	9
வேதித்த வெம்மழு வாளீயென் விண்ணப்ப மேலிலங்கு சோதித் திருக்குநற் சூளா மணியுஞ் சுடலைநீறும் பாதிப் பிறையும் படுதலைத் துண்டமும் பாய்புலித்தோல் சாதித் திருக்குஞ் சரக்கறை யோவென் றனிநெஞ்சமே.	10
Go to top
விவந்தா டியகழ லெந்தாயென் விண்ணப்ப மேலிலங்கு தவந்தா னெடுக்கத் தலைபத் திறுத்தனை தாழ்புலித்தோல் சிவந்தா டியபொடி நீறுஞ் சிரமாலை சூடிநின்று தவந்தா னிருக்குஞ் சரக்கறை யோவென் றனிநெஞ்சமே.	11

Thevaaram Link  - Shaivam Link
Other song(s) from this location: பொது -சரக்கறை திருவிருத்தம்

4.111   திருநாவுக்கரசர்   தேவாரம்   விடையும் விடைப் பெரும் பாகா! Tune - திருவிருத்தம்   (பொது -சரக்கறை திருவிருத்தம் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.111