This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.003   சுந்தரமூர்த்தி சுவாமிகள்   திருப்பாட்டு திருநெல்வாயில் அரத்துறை - இந்தளம் லதாங்கி மாயாமாளவகெளளை கீதப்ரியா ராகத்தில் திருமுறை அருள்தரு ஆனந்தநாயகியம்மை உடனுறை அருள்மிகு அரத்துறைநாதர் திருவடிகள் போற்றி

https://www.youtube.com/watch?v=R3l_wdYEp6w   Add audio link

கல்வாய்அகி லுங்கதிர் மாமணியுங் கலந்துந்தி வருந்நிவ வின்கரைமேல் நெல்வாயி லரத்துறை நீடுறையுந் நிலவெண்மதி சூடிய நின்மலனே நல்வாயில்செய் தார்நடந் தார்உடுத்தார் நரைத்தார்இறந் தார்என்று நானிலத்தில் சொல்லாய்க்கழி கின்ற தறிந்தடியேன் தொடர்ந்தேன்உய்யப் போவதொர் சூழல்சொல்லே.	1
கறிமாமிள கும்மிகு வன்மரமும் மிகவுந்தி வருந்நிவ வின்கரைமேல் நெறிவார்குழ லாரவர் காணடஞ்செய் நெல்வாயி லரத்துறை நின்மலனே வறிதேநிலை யாதஇம் மண்ணுலகின் நரனாக வகுத்தனை நானிலையேன் பொறிவாயில்இவ் வைந்தினை யும்மவியப் பொருதுன்னடி யேபுகுஞ் சூழல்சொல்லே.	2
புற்றாடர வம்மரை ஆர்த்துகந்தாய் புனிதாபொரு வெள்விடை யூர்தியினாய் எற்றேஒரு கண்ணிலன் நின்னையல்லால் நெல்வாயி லரத்துறை நின்மலனே மற்றேல்ஒரு பற்றிலன் எம்பெருமான் வண்டார்குழ லாள்மங்கை பங்கினனே அற்றார்பிற விக்கடல் நீந்தியேறி அடியேன்உய்யப் போவதொர் சூழல்சொல்லே.	3
கோஓடுயர் கோங்கலர் வேங்கையலர் மிகவுந்தி வருந்நிவ வின்கரைமேல் நீஇடுயர் சோலைநெல் வாயிலரத் துறைநின்மல னேநினை வார்மனத்தாய் ஓஒடுபு னற்கரை யாம்இளமை உறங்கிவ்விழித் தாலொக்கும் இப்பிறவி வாஅடியி ருந்துவருந் தல்செய்யா தடியேன்உய்யப் போவதொர் சூழல்சொல்லே.	4
உலவும்முகி லிற்றலை கற்பொழிய உயர்வேயொ டிழிநிவ வின்கரைமேல் நிலவும்மயி லாரவர் தாம்பயிலும் நெல்வாயி லரத்துறை நின்மலனே புலன்ஐந்து மயங்கி அகங்குழையப் பொருவேலொர் நமன்றமர் தாம்நலிய அலமந்தும யங்கி அயர்வதன்முன் அடியேன்உய்யப் போவதொர் சூழல்சொல்லே.	5
Go to top
ஏலம்மில வங்கம் எழிற்கனகம் மிகவுந்தி வருந்நிவ வின்கரைமேல் நீலம்மலர்ப் பொய்கையில் அன்னமலி நெல்வாயி லரத்துறை யாய்ஒருநெல் வாலூன்ற வருந்தும் உடம்பிதனை மகிழாதழ காஅலந் தேன்இனியான் ஆலந்நிழ லில்லமர்ந் தாய்அமரா அடியேன்உய்யப் போவதொர் சூழல்சொல்லே.	6
சிகரம்முகத் திற்றிர ளாரகிலும் மிகவுந்தி வருந்நிவ வின்கரைமேல் நிகரின்மயி லாரவர் தாம்பயிலுந் நெல்வாயி லரத்துறை நின்மலனே மகரக்குழை யாய்மணக் கோலமதே பிணக்கோலம தாம்பிற வியிதுதான் அகரம்முத லின்னெழுத் தாகிநின்றாய் அடியேன்உய்யப் போவதொர் சூழல்சொல்லே.	7
திண்டேர்நெடு வீதி யிலங்கையர்கோன் திரள்தோள்இரு பஃதும்நெ ரித்தருளி ஞெண்டாடுநெ டுவயல் சூழ்புறவின் நெல்வாயி லரத்துறை நின்மலனே பண்டேமிக நான்செய்த பாக்கியத்தாற் பரஞ்சோதிநின் நாமம் பயிலப்பெற்றேன் அண்டாஅம ரர்க்கம ரர்பெருமான் அடியேன்உய்யப் போவதொர் சூழல்சொல்லே.	8
மாணாவுரு வாகியொர் மண்ணளந்தான் மலர்மேலவன் நேடியுங் காண்பரியாய் நீணீண்முடி வானவர் வந்திறைஞ்சுந் நெல்வாயி லரத்துறை நின்மலனே வாணார்நுத லார்வலைப்பட் டடியேன் பலவின்கனி ஈயது போல்வதன்முன் ஆணோடுபெண் ணாமுரு வாகிநின்றாய் அடியேனுய்யப் போவதொர் சூழல்சொல்லே.	9
நீரூரு நெடுவயல் சூழ்புறவின் நெல்வாயி லரத்துறை நின்மலனைத் தேரூர்நெடு வீதிநன் மாடமலி தென்னாவலர் கோனடித் தொண்டன்அணி ஆரூரன் உரைத்தன நற்றமிழின் மிகுமாலையொர் பத்திவை கற்றுவல்லார் காரூர்களி வண்டறை யானைமன்ன ரவராகியொர் விண்முழு தாள்பவரே.	10
Go to top

Thevaaram Link  - Shaivam Link
Other song(s) from this location: திருநெல்வாயில் அரத்துறை

2.090   திருஞானசம்பந்த சுவாமிகள்   திருக்கடைக்காப்பு   எந்தை! ஈசன்! எம்பெருமான்! ஏறு Tune - பியந்தைக்காந்தாரம்   (திருநெல்வாயில் அரத்துறை அரத்துறைநாதர் ஆனந்தநாயகியம்மை)

5.003   திருநாவுக்கரசர்   தேவாரம்   கடவுளை, கடலுள்(ள்) எழு நஞ்சு Tune - திருக்குறுந்தொகை   (திருநெல்வாயில் அரத்துறை )

7.003   சுந்தரமூர்த்தி சுவாமிகள்   திருப்பாட்டு   கல்வாய் அகிலும் கதிர் மா Tune - இந்தளம்   (திருநெல்வாயில் அரத்துறை அரத்துறைநாதர் ஆனந்தநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.003